ଶ୍ରୀନଗର : 2019ରେ ଫେବୃୟାରୀ 14ରେ ଘଟିଥିବା ପୁଲୱାମା ଆକ୍ରମଣ ଘଟଣାରେ 5 ହଜାର ପୃଷ୍ଠାର ଚାର୍ଜସିଟ୍ ଦାଖଲ କରିବ ଏନଆଇଏ । ଆଜି ଜମ୍ମୁକାଶ୍ମୀରର ବିଶେଷ କୋର୍ଟରେ ଆଜି ଦ୍ବିପ୍ରହରରେ ଏହି ଚାର୍ଜସିଟ୍ ଦାଖଲ ହେବ। ଏହି ଚାର୍ଜସିଟରେ ଆକ୍ରମଣରେ ପାକିସ୍ତାନର ସମ୍ପୃକ୍ତିକୁ ନେଇ ବିଭିନ୍ନ ତଥ୍ୟ ଉଲ୍ଲେଖ କରାଯାଇଛି । ଆକ୍ରମଣରେ ଜୈସ-ଏ- ମହମ୍ମଦ, ମୌଲାନା ମଙ୍କସରଦ ଆଝାର ଏବଂ ରୌଫ ଅସଘରଙ୍କ ସମ୍ପୃକ୍ତିକୁ ନେଇ ସମସ୍ତ ତଥ୍ୟ ଉଲ୍ଲେଖ ରହିବ । ଏହି ଆକ୍ରମଣର ଯୋଜନ ସହିତ ସମସ୍ତ ଆକ୍ରମଣର ରୂପରେଖ ସମ୍ପର୍କରେ ବିସ୍ତୃତ ରିପୋର୍ଟ ଦାଖଲ କରାଯିବ । 2019ରେ ସଙ୍ଗଠିତ ଏହି ଆକ୍ରମଣରେ ପ୍ରାୟ 20 କିଗ୍ରା ଆରଡିଏକ୍ସ ବ୍ୟବହୃତ ହୋଇଥିବା ବେଳେ 40 ଜଣ ସିଆରପିଏଫ ଯବାନ ଶହୀଦ ହୋଇଥିଲେ । (ଏଜେନ୍ସି)
