ରାଜସ୍ଥାନ : ରାଜସ୍ଥାନର ଉଦୟପୁରରୁ ଏକ ଅଜବ ଘଟଣା ସାମ୍ନାକୁ ଆସିଛି । ଏହାକୁ ନେଇ ଗ୍ରାମରେ ବେଶ୍ ଚର୍ଚ୍ଚା ଲାଗି ରହିଥିଲା । ଏହି ଘଟଣାରେ ଗ୍ରାମର ସରପଞ୍ଚ ଓ ପୋଲିସ୍ ମଧ୍ୟ ଏହାର ସମାଧାନ କରିପାରିନଥିବାବେଳେ ଛେଳିଟି କିନ୍ତୁ ନିଜର ନ୍ୟାୟ କରିପାରିଛି ।
ଉଦୟପୁର ବଲ୍ଲଭନଗରର ତହସିଲ ଅନ୍ତର୍ଗତ ଖୋରଦା ଥାନାର ଘଟଣା । ଏଠାରେ ଏକ ଛେଳିର ଦୁଇ ମାଲିକ ଆସି ଦୁହେଁ ଛେଳି ଉପରେ ନିଜ ଦାବି କରିଥିଲେ । ଫଳରେ ଛେଳି କାହାର ନେଇ ବିବାଦ ସୃଷ୍ଟି ହୋଇଥିଲା । ଏହା ପରେ ଛେଳି ନିଜେ ଏହାର ସାମଧାନ କରିଥିବା ଜଣାପଡିଛି ।
ଖୋରଦା ଥାନା ଅନ୍ତର୍ଗତ ଧୋଲାକୋଟ ଗ୍ରାମରେ ରହୁଥିବା ବାବରୁ ରାଓ୍ବତଙ୍କ ବକ୍ରୀ ଜଙ୍ଗଲକୁ ଏକ ଛେଳି ଚରିବାକୁ ଯାଇଥିବାେବଳେ ହଜିଯାଇଥିଲା । ବାବରୁ ରାଓଙ୍ବତ ନିଜ ଗ୍ରାମ ଅଞ୍ଚଳରେ ବହୁ ଖୋଜାଖୋଜି କରିଥିଲେ । ନିଜ ଗ୍ରାମଠାରୁ 4 କିମି ଦୂର ମାସିଙ୍ଗାପୁର ଗ୍ରାମର ଡାଙ୍ଗଫେଲାରେ ରହିଥିବାର ସୂଚନା ରହିଛି ।
ବାବରୁ ମାସିଙ୍ଗପୁରା ଗ୍ରାମର ଉଁକାରଲାଲ ରାଓ୍ବତଙ୍କ ଘରେ ପହଞ୍ଚି ଦେଖିଲେ ତାଙ୍କ ଛେଳି ସେଠାରେ ବନ୍ଧା ହୋଇ ରହିଛି । ତେବେ ଓଁକାରଲାଲ୍ ଛେଳିକୁ ନିଜ ଛେଳି କହି ବାବରୁଙ୍କୁ ସେଠାରେ ଭଗାଇ ଦେଇଥିଲେ । ଏହା ପରେ ବାବରୁ ଗ୍ରାମ ପଞ୍ଚାୟତର ସହଯୋଗ ନେଇଥିଲେ । କିନ୍ତୁ ସେଠାରେ ତାଙ୍କୁ କିଛି ସଫଳତା ମିଳିନଥିଲା । ଏହାପରେ ବାବରୁ ଛେଳିକୁ ନେଇ ପୋଲିସ୍ରେ ମଧ୍ୟ ଏତଲା ଦେଇଥିଲେ । ପୋଲିସ୍ ମଧ୍ୟ ବାବରୁ୍ ଓ ଓମ୍କାରଙ୍କ ଘରେ ରହିଥିବା ବିବାଦୀୟ ଛେଳି ସହ ଛେଳି ଶାବକମାନଙ୍କୁ ଥାନାକୁ ଡାକିଥିଲେ । ଏହା ସହିତ ଦୁଇପକ୍ଷଙ୍କ ଗ୍ରାମବାସୀମାନେ ମଧ୍ୟ ଥାନାରେ ପହଞ୍ଚିଥିଲେ । ଦୁହିଁଙ୍କ ବୁଝାଇବା ପରେ ମଧ୍ୟ ଏନେଇ କୌଣସି ନିଷ୍କର୍ଷ ବାହାରି ନଥିଲା ।
ଏହାପରେ ପୋଲିସ୍, ବାବରୁ ଓ ଓମ୍କାରଙ୍କ ଦୁଇ ଛେଳି ଶାବକଙ୍କୁ ଛେଳି ମଧ୍ୟକୁ ଛାଡି ଦେଇଥିଲେ । ଏହାପରେ ବିବାଦୀୟ ଛେଳିଟି ବାବରୁଙ୍କୁ ଘରୁ ଆସିଥିବା ଛେଳି ଶାବକଙ୍କୁ କ୍ଷୀର ପିଆଇଥିଲା । ଏହାପରେ ଓମ୍କାରଙ୍କ ଛେଳି ଶାବକଙ୍କୁ ବାହାର କରାଯାଇଥିବାବେଳେ ଛେଳିଟି ନିଜ ନ୍ୟାୟ ନିଜେ କରିଥିବାର ଜଣାପଡିଥିଲା । ପୋଲିସ୍ ଛେଳିଟିକୁ ଅସଲ ମାଲିକ ବାବୁର୍ ରାଓ୍ବତଙ୍କୁ ପ୍ରଦାନ କରିଥିଲେ । (ଏଜେନ୍ସି)
