ପ୍ରମୋଦ କୁମାର ମାହାକୁଡ
କେନ୍ଦୁଝର : କେନ୍ଦୁଝର ଜିଲ୍ଲାରୁ ୫୦ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି । ଚିହ୍ନଟ ୪୭ ଜଣ ସ୍ଥାନୀୟ ଆକ୍ରାନ୍ତ ଥିବା ବେଳେ ୩ ଜଣ ସଂଗରୋଧ କେନ୍ଦ୍ରରୁ ଚିହ୍ନଟ ହୋଇଥିବା ଜିଲ୍ଲା ପ୍ରଶାସନ ପକ୍ଷରୁ ଟୁଇଟ କରି କୁହାଯାଇଛି ।
ଆଜି ଚିହ୍ନଟ ହୋଇଥିବା ସ୍ଥାନୀୟ ସଂକ୍ରମଣରୁ ଆକ୍ରାନ୍ତ ୪୭ ଜଣଙ୍କ ମଧ୍ୟରେ ଅନନ୍ଦପୁର ବ୍ଲକର ମନହୋରପୁର ପଞ୍ଚାୟତରୁ ଜଣେ , ଘଟଗାଁ ବ୍ଲକ ପାଟିଲୋ ପଞ୍ଚାୟତ ରୁ ୬ ଜଣ , ହାଟଡ଼ିହି ବ୍ଲକ ଢେଙ୍କା ପଞ୍ଚାୟତ ରୁ ସର୍ବାଧିକ ୨୪ ଜଣ, ଅକରୁଆ ଓ ସୁଲଣ ପଞ୍ଚାୟତରୁ ଜଣେ ଲେଖାଏଁ, ଝୁମ୍ପୁରା ବ୍ଲକ କୁଟୁଗାଁ ପଞ୍ଚାୟତ ରୁ ଜଣେ, ଯୋଡ଼ା ମ୍ୟୁନିସିପାଲଟି ୧୦ ନମ୍ବର ଏବଂ ୧୧ ନମ୍ବର ୱାର୍ଡ ରୁ ଜଣେ ଲେଖାଏଁ, କେନ୍ଦୁଝର ମ୍ୟୁନିସିପାଲଟି ୧୫ ୱାର୍ଡ ରୁ ଜଣେ । କେନ୍ଦୁଝର ସଦର ବ୍ଲକ ପର୍ଜନପୁର ଓ ଶଂକୀର ପଞ୍ଚାୟତ ରୁ ଦୁଇ ଜଣ ଲେଖାଏଁ , ତେଲକୋଇ ବ୍ଲକ ଦୁବଲାପାଳ ପଞ୍ଚାୟତ ରୁ ୨ ଜଣ, ତେଲକୋଇ ପଞ୍ଚାୟତ ରୁ ୪ ଜଣ, ଏମାନେ ସମସ୍ତେ ପୂର୍ବରୁ କରୋନା ରୋଗୀ ସଂସ୍ପର୍ଶ ରେ ଆସିଥିବା କୁହାଯାଇଛି ।
ସଂଗରୋଧ କେନ୍ଦ୍ରରୁ ଚିହ୍ନଟ ହୋଇଥବା ୩ ଜଣଙ୍କ ମଧ୍ୟରୁ ପାଟଣା ବ୍ଲକ ମୁରୁସୁଆଁ ପଞ୍ଚାୟତର ଜଣେ , ବାଂଶପାଳ ବ୍ଲକ ତରମାକାନ୍ତ ରୁ ୨ ଜଣ । ଶନିବାର ଚିହ୍ନଟ ୫୦ ଜଣଙ୍କୁ ମିଶାଇ ଜିଲ୍ଲାରେ ମୋଟ ଆକ୍ରାନ୍ତଙ୍କ ସଂଖ୍ୟା ୧୭୬୫ ରେ ପହଞ୍ଚିଥିବା ବେଳେ ୧୩୩୪ ଜଣ ସୁସ୍ଥ ହୋଇ ଫେରିଛନ୍ତି । (ଏଜେନ୍ସି)