ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: ଗତକାଲି ସଂକ୍ରମଣ ସଂଖ୍ୟା ଶହେ ତଳକୁ ଥିବାବେଳେ ଆଜି ଏଥିରେ ସାମାନ୍ୟ ବୃଦ୍ଧି ପାଇ ୧୦୨ ହୋଇଛି। ଆଜି ମଧ୍ୟ ଜଣକର ମୃତ୍ୟୁ ଘଟିଥିବା ପ୍ରଶାସନ ପକ୍ଷରୁ ସୂଚନା ମିଳିଛି। ଗତକାଲି ସମୁଦାୟ ୬୬୪୬ଟି ନମୁନା ପଠାଯାଇଥିବାବେଳେ ଜିଲ୍ଲାରେ ସୁସ୍ଥହାର ୯୪ ପ୍ରତିଶତରେ ପହଞ୍ଚିଛି। ଆଜି ସଂକ୍ରମିତ ମଧ୍ୟରୁ ୧୦ ଜଣ କରୋନା ଯୋଦ୍ଧା, ଜଣଙ୍କର ଟ୍ରାଭେଲ୍ ହିଷ୍ଟ୍ରି ଏବଂ ୯୧ ଜଣ ସ୍ଥାନୀୟ ସଂକ୍ରମିତ ରହିଛନ୍ତି।
କବିସୂର୍ଯ୍ୟନଗର, ପାତ୍ରପୁର, ସାନଖେମୁଣ୍ଡି, ସୋରଡ଼ା ବ୍ଲକ୍ରୁ କୌଣସି ସଂକ୍ରମିତ ଚିହ୍ନଟ ହୋଇନଥିବାବେଳେ ଆସିକାରୁ ୪, ବେଗୁନିଆପଡ଼ାରୁ ୩, ବେଲଗୁଣ୍ଠାରୁ ୪, ବ୍ରହ୍ମପୁର ମହାନଗର ନିଗମରୁ ୯, ଭଂଜନଗରରୁ ୪, ବୁଗୁଡ଼ାରୁ, ୩, ଛତ୍ରପୁରରୁ ୮, ଚିକିଟିରୁ ୪, ଧରାକୋଟରୁ ୫, ଦିଗପହଣ୍ଡିରୁ ୪, ଗଂଜାମରୁ ୭, ହିଂଜିଳିକାଟୁରୁ ୩, ଜଗନ୍ନାଥପ୍ରସାଦରୁ ୩, ଖଲିକୋଟରୁ ୯, କୁକୁଡ଼ାଖଣ୍ଡିରୁ ୧, ପୋଲସରାରୁ ୩, ପୁରୁଷୋତ୍ତମପୁରରୁ ୧, ରଙ୍ଗେଇଲୁଣ୍ଡାରୁ ୫, ଶେରଗଡ଼ରୁ ୫ ଏବଂ ଅନ୍ୟାନ୍ୟ ସ୍ଥାନରୁ ୬ ରହିଛନ୍ତି।
ଆଜି ମଧ୍ୟ ଗଂଜାମରୁ ୧୪୮ ଜଣ ସୁସ୍ଥ ହୋଇ ଘରକୁ ଫେରିଛନ୍ତି। ସମୁଦାୟ ସଂକ୍ରମିତ ସଂଖ୍ୟା ୧୮୫୪୪ରେ ପହଞ୍ଚିଥିବାବେଳେ ସୁସ୍ଥ ସଂଖ୍ୟା ୧୭୫୨୨ରେ ପହଞ୍ଚିଛି। ବର୍ତ୍ତମାନ ୮୧୪ ଜଣ ଆକ୍ଟିଭ୍ ରୋଗୀ ଥିବାବେଳେ ୨୦୦ ଜଣଙ୍କ ମୁଣ୍ଡ ନେଲାଣି କରୋନା।