ମଧ୍ୟପ୍ରଦେଶ : ମଧ୍ୟପ୍ରଦେଶର ସିରୋଞ୍ଜ କେ ଟୋରୀ ବାଗରୋଦରୁ ଏକ ଆଶ୍ଚର୍ଯ୍ୟଚକିତ ଘଟଣା ସାମ୍ନାକୁ ଆସିଛି । ଏଠାରେ ଜଣେ ନବବିବାହିତା କନ୍ୟା ବିବାହର 15 ଦିନରେ ବିବାହ କରାଇଥିବା ବ୍ରାହ୍ମଣ ସହିତ ଫେରାର୍ ହୋଇଛନ୍ତି ।
21 ବର୍ଷୀୟ ଯୁବତୀଙ୍କ ବିବାହ ବାସୋଦାର ଆସଠ ଗ୍ରାମରେ ଜନୈକ ଯୁବକଙ୍କ ସହିତ ମେ 7 ତାରିଖରେ ବିବାହ ହୋଇଥିଲା । ପଣ୍ଡିତ ବିନୋଦ ମହାରାଜା ନାମକ ଜଣେ ପଣ୍ଡିତ ବା ବ୍ରାହ୍ମଣ ଏହି ବିବାହ କରାଇଥିଲେ । ବିବାହ ପରେ ଯୁବତୀ ଜଣକ ଶାଶୁଘରକୁ ଚାଲିଯାଇଥିଲେ । ଏହା ପରେ ତିନି ଦିନ ପରେ ଯୁବତୀ ଜଣକ ନିଜ ବାପଘରକୁ ଫେରି ଆସିଥିଲେ । ମେ 23 ତାରିଖରେ ଯୁବତୀଙ୍କ ପରିବାର ଅନ୍ୟ ଏକ ବିବାହ ସମାରୋହରେ ବ୍ୟସ୍ତ ଥିବାବେଳେ ଯୁବତୀ ଜଣକ ଉକ୍ତ ପଣ୍ଡିତଜୀଙ୍କ ସହିତ ଫେରାର ହୋଇଯାଇଥିଲେ । ଯୁବତୀଙ୍କ ପରିବାରରେ ଅନୁଷ୍ଠିତ ହେଉଥିବା ଅନ୍ୟ ଏକ ବିବାହ କାର୍ଯ୍ୟ ମଧ୍ୟ ଉକ୍ତ ପଣ୍ଡିତଙ୍କୁ ଦିଆଯାଇଥିଲା । କିନ୍ତୁ ବିବାହ କରାଇବା ପୂର୍ବରୁ ପଣ୍ଡିତ ଜୀ ଗାଏବ ହୋଇଯାଇଥିଲେ । ଏହାପରେ ପଣ୍ଡିତଙ୍କୁ ବହୁ ଖୋଜାଖୋଜି କରାଯାଇଥିଲା । ଏହାପରେ ଘରୁ ନବବଧୂ ମଧ୍ୟ ଫେରାର ହୋଇଥିବାର ସୂଚନା ମିଳିଥିଲା । ଏନେଇ ନବବଧୂଙ୍କ ପରିଜନ ଥାନାରେ ଏତଲା ଦେଇଥିଲେ । ପୋଲିସ୍ ଏହି ଘଟଣାର ଯାଞ୍ଚ କରି ଘଟଣାର ରହସ୍ୟ ଉପରକୁ ପରଦା ଉଠାଇଛି ।
ମିଳିଥିବା ସୂଚନା ଅନୁସାରେ ନବବିବାହିତା ଯୁବତୀ ଓ ପଣ୍ଡିତ ବିନୋଦଙ୍କ ମଧ୍ୟରେ ଗତ ଦୁଇ ବର୍ଷ ହେବ ପ୍ରେମ ସମ୍ପର୍କ ଚାଲିଥିଲା । କିନ୍ତୁ ପଣ୍ଡିତ ପୂର୍ବରୁ ବିବାହିତ ହୋଇଥିବାବେଳେ ତାଙ୍କର ଦୁଇଟଇ ସନ୍ତାନ ରହିଛି । ତେବେ ଘଟଣା ଘଟିବା ପରଠାରୁ ତାଙ୍କ ପରିବାର ମଧ୍ୟ ନିଖୋଜ ଅଛନ୍ତି । ତେବେ ନବବିବାହିତା କନ୍ୟା ଜଣକ ଘରୁ ଦେଢ ଲକ୍ଷ ଟଙ୍କାର ଅଳଙ୍କାର ସମେତ 30 ହଜାର ଟଙ୍କା ଧରି ଫେରାର ହୋଇଥିବାର ସୂଚନା ଦେଇଛନ୍ତି । ପୋଲିସ୍ ଏନେଇ ନିଖୋଜ ମାମଲା ରୁଜୁ କରି ଉକ୍ତ ପଣ୍ଡିତ ଓ ଯୁବତୀଙ୍କ ତଲାସି ଜାରି ରଖିଛି । (ଏଜେନ୍ସି)
