ଭୁବନେଶ୍ୱର: ଆସନ୍ତା 12 ତାରିଖରେ ପଶ୍ଚିମବଙ୍ଗରୁ ସମ୍ପୂର୍ଣ୍ଣ ଲକଡାଉନ ହଟୁଥିବାରୁ ଏଣିକି ନିୟମିତ ଟ୍ରେନ ଚାଲିବ । ପୂର୍ବରୁ ବାତିଲ ଟ୍ରେନଗୁଡ଼ିକ ନିୟମିତ ଚାଲିବ ବୋଲି ପୂର୍ବତଟ ରେଳବାଇ ପକ୍ଷରୁ କୁହାଯାଇଛି । ତଦନୁଯାୟୀ ଭୁବନେଶ୍ୱର-ହାୱଡ଼ା ଜନଶତାବ୍ଦୀ, ହାୱଡ଼ା-ଯଶୋବନ୍ତପୁର ଦୂରନ୍ତ ଟ୍ରେନ ନିୟମିତ ଚାଲିବ। ଏହାଛଡ଼ା ଆଂଶିକ ବାତିଲ ହୋଇଥିବା ଫାଲକନୁମା ଏକ୍ସପ୍ରେସ ମଧ୍ୟ ପୂର୍ବସୂଚୀ ଅନୁସାରେ ଚାଲିବ। ରାଜଧାନୀ ଓ ପୁରୁଷୋତ୍ତମ ଏକ୍ସପ୍ରେସ ମଧ୍ୟ ପୂର୍ବ ନିର୍ଦ୍ଧାରିତ ଷ୍ଟପେଜରେ ରହିବ ବୋଲି ପୂର୍ବତଟ ରେଳବାଇ ପକ୍ଷରୁ କୁହାଯାଇଛି । ପ୍ରକାଶ ଯେ, କରୋନା ସଂକ୍ରମଣକୁ ଦୃଷ୍ଟିରେ ଜାରି ଲକଡାଉନ ଯୋଗୁଁ ଅଧିକାଂଶ ଟ୍ରେନକୁ ବାତିଲ କରାଯାଇଥିଲା ।
