ଭୁବନେଶ୍ବର : ଭୁଲ୍ ମାଗିଲେ ସତ୍ୟବାଦୀ ବିଜେଡି ବିଧାୟକ ଉମା ସାମନ୍ତରାୟ । କୋଭିଡ୍ ପଜିଟିଭ୍ ଥାଇ ସୁଦ୍ଧା ସ୍ବର୍ଗଦ୍ବାରରେ ପ୍ରଦୀପ ମହାରଥୀଙ୍କ ଅନ୍ତିମ ସଂସ୍କାରରେ ଯୋଗଦେଇଥିଲେ । ମହାରଥୀଙ୍କ ବିୟୋଗରେ ଭାବବିହ୍ବଳ ହୋଇ ସ୍ବର୍ଗଦ୍ବାର ଯାଇଥିଲେ, ଏହା ତାଙ୍କର ଭୁଲ୍ ବୋଲି ସେ ସ୍ବୀକାର କରିଛନ୍ତି । ସରକାରଙ୍କ ଆଇନ୍ର ଉର୍ଦ୍ଧ୍ବରେ କେହି ନୁହଁନ୍ତି ବୋଲି ସେ କହିଛନ୍ତି । ଏଥିପାଇଁ ଯାହା ବି କାର୍ଯ୍ୟାନୁଷ୍ଠାନ ହେବ, ତାହା ମାନିନେବେ ବୋଲି କହିଛନ୍ତି ବିଧାୟକ । ସୂଚନାଯୋଗ୍ୟ, କୋଭିଡ୍ -19 ନିୟମ ଉଲ୍ଲଂଘନ କରିଥିବା ଅଭିଯୋଗରେ ବିଧାୟକଙ୍କ ନାମରେ ଏତଲା ଦେଇଥିଲା ଶ୍ରୀଜଗନ୍ନାଥ ସେନା । ଏନେଇ ମାମଲା ରୁଜୁ ହୋଇଥିଲା ।
