ବିହାର, ଆଜିଠାରୁ ବିହାର ମୁଖ୍ୟମନ୍ତ୍ରୀ ନୀତିଶ କୁମାର ପ୍ରଥମ ପର୍ଯ୍ୟାୟ ନିର୍ବାଚନ ପାଇଁ ଦୁଇ ଦିନିଆ ପ୍ରଚାର ଆରମ୍ଭ କରିବେ। ଏହି ଦୁଇ ଦିନରେ ନୀତୀଶ କୁମାର ଭର୍ଚୁଆଲ୍ ମିଟିଂ ମାଧ୍ୟମରେ ୩୫ ଟି ବିଧାନସଭା ଆସନରେ ଥିବା ଲୋକଙ୍କ ସହ ଯୋଗାଯୋଗ କରିବେ। ସୂଚନା ଅନୁସାରେ, ଆଜି ସନ୍ଧ୍ୟାରେ ନୀତୀଶ କୁମାର ଏକ ଭର୍ଚୁଆଲ ରାଲି କରିବେ ଯେଉଁଥିରେ ସେ ୬ଟି ଜିଲ୍ଲାର ୧୧ ଟି ଆସନରେ ଭୋଟରଙ୍କ ସହ ଯୋଗାଯୋଗ କରିବେ।
ସେହିପରି ଅକ୍ଟୋବର ୧୩ରୁ ନୀତୀଶ କୁମାର ହେଲିକପ୍ଟର ଯୋଗେ ରାଜ୍ୟର ବିଭିନ୍ନ ସଭାକୁ ଯିବେ। ଜନତା ଦଳ ୟୁନାଇଟେଡ ମୁଖପାତ୍ର ରାଜୀବ ରଂଜନ କହିଛନ୍ତି, “ମୁଖ୍ୟମନ୍ତ୍ରୀ ନୀତୀଶ କୁମାର ଆସନ୍ତା ଦୁଇ ଦିନ ମଧ୍ୟରେ ୩୫ ଟି ବିଧାନସଭା ନିର୍ବାଚନରେ ଏକ ଭର୍ଚୁଆଲ ରାଲିରେ ସମ୍ବୋଧିତ କରିବେ। ଏହା ପରେ ପ୍ରଧାନମନ୍ତ୍ରୀ ମୋଦୀ ଏବଂ ନୀତୀଶ କୁମାରଙ୍କ ମିଳିତ ଏନଡିଏ ରାଲି ଅନୁଷ୍ଠିତ ହେବ। ବର୍ତ୍ତମାନ ନିର୍ବାଚନୀ ହାୱା ସମ୍ପୂର୍ଣ୍ଣ ଏନଡିଏ ସପକ୍ଷରେ ଅଛି। ନୀତୀଶ କୁମାରଙ୍କ ନେତୃତ୍ୱରେ ଏନଡିଏ ଆଗକୁ ବଢୁଛି ବୋଲି ସେ କହିଛନ୍ତି।