ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: ଗତକାଲି ଝାଡ଼ାଙ୍କୁଲି ଯଶୋଦା ହାଇସ୍କୁଲର ହିନ୍ଦୀ ଶିକ୍ଷକ ଭୁବନାନନ୍ଦ ସାହୁଙ୍କୁ ଆୟ ବର୍ହିଭୂତ ସଂପତ୍ତି ମାମଲାରେ ଭିଜିଲାନସ ଗିରଫ କରିଛି। ଏକକାଳୀନ ୫ଟି ସ୍ଥାନରେ ଚଢ଼ାଉ ହେବା ପରେ ତାଙ୍କର ସମସ୍ତ ସ୍ଥାବର ଓ ଅସ୍ଥାବର ସଂପତ୍ତି ପ୍ରାୟ ୪ କୋଟି ୯୩ ଲକ୍ଷ ୯୭ହଜାର ୨୪୪ ଟଙ୍କାର ଥିବା ଜଣାପଡ଼ିଥିଲା। ସେ ୨୦୦୪ ରୁ ୧୪.୧୦.୨୦ ପର୍ଯ୍ୟନ୍ତ ୮୮ ଲକ୍ଷ ୧୭ ହଜାର ୯୪୦ ଟଙ୍କା ଆଦାୟ କରିଥିବା ଜଣାପଡ଼ିଥିବାବେଳେ ସେ ଏବଂ ତାଙ୍କ ପରିବାର ୮୦ ଲକ୍ଷ ୪୪ ହଜାର ୨୪୨ ଟଙ୍କା ଖର୍ଚ୍ଚ ମଧ୍ୟ କରିଛନ୍ତି। ତେଣୁ ଆୟ ବର୍ହିଭୂତ ୪ କୋଟି ୩୬ ଲକ୍ଷ ୪୨ ହଜାର ୮୬୭ (୪୯୩%) ଟଙ୍କାର କୌଣସି ହିସାବ ଦେଖାଇ ପାରିନଥିଲେ। ତାଙ୍କ ସ୍ତ୍ରୀଙ୍କ ମଧ୍ୟ ସେଭଳି କୌଣସି ଆଦାୟ ନଥିବାରୁ ଶ୍ରୀ ସାହୁ ଅନୈତିକ ଉପାୟରେ ଏହି ଟଙ୍କା ଠୁଳ କରିଛନ୍ତି। ତେଣୁ ଆଜି ଭିଜିଲାନସ କେସ ନଂ ୧୬/୧୫.୧୦.୨୦୨୦ ରେ ଶିକ୍ଷକ ଭୁବନାନନ୍ଦ ସାହୁଙ୍କୁ ଗିରଫ କରି କୋର୍ଟଚାଲଣ କରାଯାଇଥିବା ଭିଜିଲାନସ ଏସ୍ପି ସୂଚନା ଦେଇଛନ୍ତି।
ଭିଜିଲାନସ ଦ୍ୱାରା ଗିରଫ ହେଲେ କୋଟିପତି ହିନ୍ଦୀ ମାଷ୍ଟର
Published:
Oct 16, 2020, 10:28 am IST
