କର୍ଣ୍ଣାଟକର ମାଣ୍ଡ୍ୟା ଲୋକସଭା ଆସନ ପାଇଁ ସ୍ବାଧୀନ ଭାବେ ନିର୍ବାଚନ ଲଢିବେ ଅଭିନେତ୍ରୀ ସୁମାଲତା। ତେବେ ସୁମଲତାଙ୍କୁ ବିଜେପି ସମର୍ଥନ କରିବ ବୋଲି ଘୋଷଣା କରିଛି। ସୁମାଲତା ଦିବଙ୍ଗତ ନେତା ଏଚ୍ ଅମ୍ବରୀଶଙ୍କ ପତ୍ନୀ। କଂଗ୍ରେସ ତରଫରୁ ତାଙ୍କୁ ଟିକେଟ ନ ମିଳିବାରୁ ସେ ସ୍ବାଧୀନ ଭାବେ ସେହି ଆସନରୁ ଲଢିବେ ବୋଲି ସୂଚନା ଦେଇଛନ୍ତି। କଂଗ୍ରେସ ମାଣ୍ଡ୍ୟା ଲୋକସଭା ଆସନକୁ ସହଯୋଗୀ ପାର୍ଟି ଜେଡିଏସ୍କୁ ଦେଇଥିବାବେଳେ ଏହି ଆସନରୁ କର୍ଣ୍ଣାଟକର ମୁଖ୍ୟମନ୍ତ୍ରୀ କୁମାରସ୍ବାମୀଙ୍କ ପୁତ୍ର ନିଖିଲ ପ୍ରାର୍ଥୀ ହୋଇଛନ୍ତି। ତେବେ ବିଜେପି ତା’ର ଆଶାୟୀ ପ୍ରାର୍ଥୀଙ୍କ ଲିଷ୍ଟ ଜାରି କରିସାରିଛି। ଏଥିରେ ପ୍ରାୟ ୨୮୬ଜଣଙ୍କ ନାମ ଘୋଷଣା କରାଯାଇଛି। ଆଉ ଅବଶିଷ୍ଟ ପ୍ରାର୍ଥୀ ତାଲିକା ବହୁତ ଶୀଘ୍ର ଘୋଷଣା କରାଯିବ ବୋଲି ବିଜେପି କହିଛି। ଚଳିତ ଥର ବିଜେପିର କିଛି ବରିଷ୍ଠ ନେତା ନିର୍ବାଚନରେ ଲଢିବେ ନାହିଁ ବୋଲି ସୂଚନା ରହିଛି। ସେମାନଙ୍କ ମଧ୍ୟରେ ରହିଛନ୍ତି କେନ୍ଦ୍ରୀୟ ମନ୍ତ୍ରୀ ସୁଷମା ସ୍ବରାଜ, ଉମା ଭାରତୀ, ପରେଶ୍ ରାଓ୍ବଲ୍, କଲରାଜ୍ ମିଶ୍ର ପ୍ରମୁଖ। ଚଳିତ ଥର ବିଜେପି କେତେକ ସାଂସଦଙ୍କ ଟିକେଟ ମଧ୍ୟ କାଟିଛି।
sumalatha may contest ls polls as a indipendate candidate