ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: ସ୍ୱଚ୍ଛତା ଏବଂ କରୋନା ସଚେତନତାକୁ ନେଇ ଗୁରୁବାର ଦିନ ବ୍ରହ୍ମପୁର ମହାନଗର ନିଗମ ପକ୍ଷରୁ ଏକ ସାଇକେଲ୍ ରାଲି ଅନୁଷ୍ଠିତ ହୋଇଥିଲା। ମହାନଗର ନିଗମ କମିଶନର ଡ. ସିଦ୍ଧେଶ୍ୱର ବଳିରାମ ବୋନ୍ଦାରଙ୍କ ସଂଯୋଜନାରେ ଏହା ଅନୁଷ୍ଠିତ ହୋଇଥିବାବେଳେ ମହାନଗର ନିଗମର କର୍ମଚାରୀ ଓ ଅଧିକାରୀମାନେ ସାଇକେଲ୍ ଯୋଗେ ସହର ପରିକ୍ରମା କରିଥିଲେ। କମିଶନର ମଧ୍ୟ ସାଇକେଲ ଚଳାଇ କରୋନାର ସମସ୍ତ ନିୟମ ମାନିବା ଏବଂ ବ୍ରହ୍ମପୁର ମହାନଗର ନିଗମରେ ସ୍ୱଚ୍ଛତା ରଖିବା ପାଇଁ ଲୋକଙ୍କୁ ସଚେତନ କରିଥିଲେ। ଏହି ଅବସରରେ କର୍ମଚାରୀମାନେ ପ୍ଲା କାର୍ଡ଼ ଏବଂ ବ୍ୟାନର ଧରି ସହରରେ ବିଭିନ୍ନ ସ୍ଥାନରେ ବୁଲି ସଚେତନ କରାଇଥିଲେ।
