କଟକ : ଅଭିନେତ୍ରୀ ବର୍ଷା ପ୍ରିୟଦର୍ଶିନୀ ଓ ତାଙ୍କ ସ୍ବାମୀ ଅଭିନେତା ତଥା ସାଂସଦ ଅନୁଭବ ମହାନ୍ତିଙ୍କ କଳି ଛିଣ୍ଡୁନାହିଁ । ବର୍ଷା ଶାଶୁ ଘରୁ ନ୍ୟାୟିକ ଲଢେଇ ଜାରି ରଖିଥିବାବେଳେ ଅଭିନେତ୍ରୀ ବର୍ଷା ଏବଂ ତାଙ୍କ ଶାଶୁ ଥାନାର ଦ୍ବାରସ୍ଥ ହୋଇଛନ୍ତି । କଟକ ପୁରୀଘାଟ ଥାନାରେ ଉଭୟଙ୍କ ପକ୍ଷରୁ ଲିଖିତ ଅଭିଯୋଗ ହୋଇଛି। ଘରୁ ତଡ଼ି ଦେବାକୁ ଉଦ୍ୟମ କରାଯାଉଥିବା ବର୍ଷା ଅଭିଯୋଗ ଆଣିଛନ୍ତି। ରହିବା ପାଇଁ କୌଣସି ବିକଳ୍ପ ନ ଥିବା ଏତଲାରେ ଉଲ୍ଲେଖ କରିଛନ୍ତି।
ଅପରପକ୍ଷରେ ବର୍ଷାଙ୍କ ବିରୋଧରେ ତାଙ୍କ ଶାଶୁ ମଧୁସ୍ମିତା ମହାନ୍ତି ପାଲଟା ଅଭିଯୋଗ କରିଛନ୍ତି। ଘର ମରାମତି ହେବା ପାଇଁ ଘରର ସମସ୍ତ ସଦସ୍ୟ 10 ଦିନ ପାଇଁ ବାହାରେ ରହିବେ । ଘର ଖାଲି କରିବାକୁ ବର୍ଷା ରାଜି ହେଉନଥିବାର କହିଛନ୍ତି ମଧୁସ୍ମିତା । 60 ବର୍ଷର ତଳର ଘରକୁ ମରାମତି ପାଇଁ ବର୍ଷା ଘର ଖାଲି କରିବାକୁ କୁହାଯାଇଥିବାବେଳେ ବର୍ଷା ଏନେଇ ରାଜି ହେଉନାହାନ୍ତି ।
