ରମେଶ ମହାନ୍ତି
ଜଗତସିଂହପୁର : ତିର୍ତ୍ତୋଲ ମହାନଦୀରୁ ଚୋରା ବାଲି ଚାଲାଣ ହେଉଥିବା ନେଇ ଅଭିଯୋଗ ହୋଇଆସୁଥିଲା।ଏନେଇ ତତ୍ପର ହୋଇ ଉଠିଛି ତିର୍ତ୍ତୋଲ ତହସିଲ। ରବିବାର ସଂନ୍ଧ୍ୟା ପ୍ରାୟ ୭ଟା ବେଳେ ବେଆଇନ୍ ଭାବେ ଚାଲାଣ ହେଉଥିବା ଏକ ବାଲି ବୋଝେଇ ହାଇୱାକୁ କଟକ-ପାରାଦ୍ବୀପ ମୁଖ୍ୟ ରାସ୍ତାର ତିର୍ତ୍ତୋଲ ବଜାର ନିକଟରେ ତହସିଲଦାର ନିଜେ ଉପସ୍ଥିତ ରହି ପୋଲିସ୍ ସହଯୋଗରେ ଜବତ କରିଛନ୍ତି । ବାଲି ନେଇ ଯାଉଥିବା ଉକ୍ତ ହାଇୱା ଗାଡି ପାଖରେ ୱାଇ ଫର୍ମ ନଥିବାରୁ ଏନେଇ ଗାଡିକୁ ଜବତ କରାଯାଇଛି ବୋଲି ଜଣାପଡିଛି। ପରେ ଉକ୍ତ ବେଆଇନ୍ ବାଲି ବୋଝେଇ ହାଇୱାଟିକୁ ତିର୍ତ୍ତୋଲ ଥାନାକୁ ନିଆଯାଇଛି। ସୂଚନାନୁଯାୟୀ ତିର୍ତ୍ତୋଲ ବାଲିଯାତ୍ରା ପଡିଆ ନିକଟସ୍ଥ ମହାନଦୀର ଓଳଗଦା ଘାଟରୁ ଉକ୍ତ ହାଇୱାରେ ବାଲି ଲୋଡ୍ ହୋଇ ପାରାଦ୍ବୀପ ଅଭିମୁଖେ ଚାଲାଣ ହେଇଥିଲା ବୋଲି ଶୁଣିବାକୁ ମିଳୁଛି।