ଭୁବନେଶ୍ଵର: ଝାଡ଼ଖଣ୍ଡର ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କୁ ଚିଠି ଲେଖିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କରଖାଇ ନଦୀ ଉପରେ ଇଚ୍ଛା ଡ୍ୟାମର କାମ ଶେଷ କରିବାକୁ ନବୀନ ପଟ୍ଟନାୟକ ଚିଠିରେ ଉଲ୍ଲେଖ କରିଛନ୍ତି। ଇଚ୍ଛା ଡ୍ୟାମ କାମ ସରିଲା ପରେ ହିଁ ସୁବର୍ଣ୍ଣରେଖା ପ୍ରକଳ୍ପ କାର୍ଯ୍ୟକ୍ଷମ ହେବ । ଡ୍ୟାମ ନିର୍ମାଣ ବାବଦ ଓଡ଼ିଶା ଭାଗ ଖର୍ଚ୍ଚ ଓଡ଼ିଶା ବହନ କରିବ ବୋଲି ଉଲ୍ଲେଖ କରିଛନ୍ତି ନବୀନ । ସୁବର୍ଣ୍ଣରେଖା-ଖରାଖାଇ ଅବବାହିକାରେ ଖରିଫ ଫସଲ ପାଇଁ ଡ୍ୟାମ ନିର୍ମାଣ ହୋଇଛି ତେଣୁ ଡ୍ୟାମ ସମ୍ପୂର୍ଣ୍ଣ ହେଲେ ଜଳସେଚନ ପୂର୍ଣ୍ଣ ଭାବରେ କାର୍ଯ୍ୟ କରିବ। ସେହିପରି ଚାଣ୍ଡୀଲି ଡ୍ୟାମର ବନ୍ୟା ନିୟନ୍ତ୍ରଣ କାମ ସାରିବା ପାଇଁ ଅନୁରୋଧ କରିଛନ୍ତି ନବୀନ । ଏହି ଦୁଇଟି ଡ୍ୟାମ ସରିଲେ ଉଭୟ ରାଜ୍ୟର ଚାଷୀ ଉପକୃତ ହେବେ ବୋଲି କହିଛନ୍ତି ନବୀନ ।
Tags: ନବୀନ ପଟ୍ଟନାୟକ, ହେମନ୍ତ ସୋରେନ୍
