ନୂଆଦିଲ୍ଲୀ : ଆମେରିକା ପରେ ଭାରତରେ ସର୍ବାଧିକ କରୋନା ମାମଲା ଦେଖିବାକୁ ମିଳିଛି । ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା 93 ଲକ୍ଷ ପାର୍ କରିସାରିଛି । ଦେଶରେ ଗତ 24ଘଣ୍ଟା ମଧ୍ୟରେ 41 ହଜାର 322 ଜଣ ନୂତନ ସଂକ୍ରମିତ ଚିହ୍ନଟ ହୋଇଥିବାବେଳେ 485ଜଣଙ୍କର ମୃତ୍ୟୁ ହୋଇଛି । ଦେଶରେ ମୋଟ କରୋନା ଜନିତ ମୃତ୍ୟୁ ସଂଖ୍ୟା 1ଲକ୍ଷ 36 ହଜାର 200ରେ ପହଞ୍ଚିଛି। ସେହିପରି ମୋଟ କରୋନା ଆକ୍ରାନ୍ତଙ୍କ ସଂଖ୍ୟା 93ଲକ୍ଷ 51 ହଜାର 110କୁ ବୃଦ୍ଧି ପାଇଛି। ଦେଶରେ ସକ୍ରିୟ ଆକ୍ରାନ୍ତଙ୍କ ସଂଖ୍ୟା 4 ଲକ୍ଷ 452 ରହିଥିବାବେଳେ ସୁସ୍ଥ ହୋଇଛନ୍ତି 87 ଲକ୍ଷ 59 ହଜାର 969ଜଣ । ଆଇସିଏମ୍ଆରର ସୂଚନା ଅନୁସାରେ ନଭେମ୍ବର 27 ତାରିଖ ସୁଦ୍ଧା ଦେଶରେ 13 କୋଟି 80 ଲକ୍ଷ ନମୁନା ପରୀକ୍ଷଣ ହୋଇଛି।
Tags: କରୋନା
