ଖୁବ୍‌ ଶୀଘ୍ର ରାଜନୀତିରେ ପାଦ ଥାପିବେ ଥଲାଇଭା

Published: Dec 3, 2020, 4:46 pm IST

ଚେନ୍ନାଇ:  ସବୁ କଳ୍ପନା ଜଳ୍ପନାର ଅନ୍ତ ଘଟାଇଛନ୍ତି ସୁପରଷ୍ଟାର୍‌ ରଜନୀକାନ୍ତ । ଦକ୍ଷିଣ ଭାରତର ସୁପରଷ୍ଟାର ରଜନୀକାନ୍ତ ନୂତନ ରାଜନୈତିକ ପାର୍ଟି କରିବେ ବୋଲି ଗୁରୁବାର ଘୋଷଣା କରିଛନ୍ତି । ଚଳିତବର୍ଷ ଡିସେମ୍ବର 31 ତାରିଖରେ ରଜନୀକାନ୍ତ ନିଜ ରାଜନୈତିକ ଦଳର ଘୋଷଣା କରିବେ ଓ ଆସନ୍ତା ବର୍ଷ ଜାନୁଆରୀରେ ଏହାକୁ ଲଞ୍ଚ କରିବେ ବୋଲି ରଜନୀକାନ୍ତ ନିଜେ ଟ୍ୱିଟ୍ କରି ସୂଚନା ଦେଇଛନ୍ତି। ରାଜ୍ୟ ଓ ଜନତାଙ୍କ ପାଇଁ ସବୁ କିଛି ପରିବର୍ତନ କରାଯିବ ବୋଲି ରଜନୀକାନ୍ତ ଘୋଷଣା କରିଛନ୍ତି।2021ରେ ତାମିଲନାଡୁରେ ବିଧାନସଭା ନିର୍ବାଚନ ଅନୁଷ୍ଠିତ ହେବ । ତେବେ ଏହି ବିଧାନସଭା ନିର୍ବାଚନରେ ନିଷ୍ଠାବାନ, ଦାୟିତ୍ବସମ୍ପନ୍ନ, ପାରଦର୍ଶୀ ତଥା ଭ୍ରଷ୍ଟାଚାରମୁକ୍ତ ରାଜନୀତି କରିବା ନେଇ ଆଶାବାଦୀ ରହିଛନ୍ତି ରଜନୀକାନ୍ତ ।

ବର୍ଷେ ତଳେ କମଲ୍‌ ହାସନଙ୍କ ସହ ମିଶି ରାଜନୈତିକ ଦଳ ଗଠନ କରିବା ନେଇ ରଜନୀକାନ୍ତ ରାଜି ହୋଇଥିଲେ । ମାତ୍ର ଏହା ସମ୍ଭବପର ହୋଇପାରି ନ ଥିଲା । ରାଜ୍ୟ ଓ ଜନତାଙ୍କ ପାଇଁ ସବୁ କିଛି ପରିବର୍ତନ କରାଯିବ ବୋଲି ରଜନୀକାନ୍ତ ଘୋଷଣା କରିଛନ୍ତି ।

ଅଭିନେତାରୁ ନେତା ହେବାରେ ରଜନୀକାନ୍ତ ପ୍ରଥମ ନୁହଁନ୍ତି, ପୂର୍ବରୁ ବହୁ ସଫଳ ଅଭିନେତାମାନେ ରାଜନୀତିରେ ନିଜ ଭାଗ୍ୟକୁ ଆପଣାଇ ସଫଳ ହୋଇଛନ୍ତି । ରଜନୀକାନ୍ତ ଓ କମଲ ହାସନଙ୍କ ପୂର୍ବରୁ ଦକ୍ଷିଣ ଭାରତର ଏମଜି ରାମଚନ୍ଦ୍ରନ, ଏମ.କରୁଣାନିଧି, ବିଜୟକାନ୍ତ, ଶରତ କୁମାର ଓ କରୁନାସ ପରି ବହୁ ଅଭିନେତା ରାଜନୈତିକ ପାର୍ଟି ଗଠନ କରି ସାରିଛନ୍ତି । (ଏଜେନ୍ସି)

Related posts