ନୂଆଦିଲ୍ଲୀ: ଭାରତର ଜାତୀୟ ସଙ୍ଗୀତ “ଜନଗଣ ମନ” ରେ ସଂଶୋଧନ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଚିଠି ଲେଖି ନିବେଦନ କରିଛନ୍ତି ବିଜେପି ସାଂସଦ ସୁବ୍ରମଣ୍ୟମ ସ୍ୱାମୀ । ସଙ୍ଗୀତର ପ୍ରଥମ ତିନିଟି ଶବ୍ଦ (ଜନ-ଗଣ-ମନ) କୁ ପରିବର୍ତ୍ତନ କରିବାକୁ ସେ ଅନୁରୋଧ କରିଛନ୍ତି । ଏହି ଚିଠିର ଏକ ନକଲ ସେ ସାମାଜିକ ଗଣମାଧ୍ୟମରେ ପ୍ରସାରିତ କରିଛନ୍ତି । ସ୍ୱାମୀ ଏଥିରେ ଲେଖିଛନ୍ତି ଯେ 1943 ଅକ୍ଟୋବର 21 ତାରିଖରେ ନେତାଜୀ ସୁଭାଷ ଚନ୍ଦ୍ର ବୋଷଙ୍କ ନେତୃତ୍ୱରେ ଇଣ୍ଡିଆନ ନ୍ୟାସନାଲ ଆର୍ମି ମଣିପୁର ଦଖଲ କରିବା ପରେ ‘ଜନଗଣମନ’କୁ ରାଷ୍ଟ୍ରୀୟ ଗାନ ବା ଜାତୀୟ ସଙ୍ଗୀତ ମାନ୍ୟତା ଦେଇ ଗାନ କରିଥିଲା ।
My letter to PM Modi on Jana Gana Mana pic.twitter.com/qc1KnLDb2g
— Subramanian Swamy (@Swamy39) December 1, 2020
ସେତେବେଳେ ନେତାଜୀ ମୂଳ କବିତାରେ ସାମାନ୍ୟ ପରିବର୍ତ୍ତନ କରିଥିଲେ । ସାମ୍ପ୍ରତିକ ପରିପ୍ରେକ୍ଷୀରେ ନେତାଜୀ ଓ ଆଇଏନଏ ଦ୍ୱାରା ଗାନ କରାଯାଇଥିବା ସଂଶୋଧିକ ଗୀତଟି ଅଧିକ ପ୍ରଯୁଜ୍ୟ ମନେ ହୁଏ । ତା ଛଡ଼ା ସମ୍ବିଧାନ ସଭାରେ ଜନ ଗଣ ମନ କୁ ଜାତୀୟ ସଙ୍ଗୀତର ସ୍ୱୀକୃତି ପ୍ରଦାନ କରାଯିବା ସମୟରେ ଆବଶ୍ୟକ ସ୍ଥଳେ ଏହାର ସଂଶୋଧନ କରାଯାଇପାରିବ ବୋଲି ଧାର୍ଯ୍ୟ ହୋଇଥିଲା । ଏହି ପରିପ୍ରେକ୍ଷୀରେ ‘ଜନ-ଗଣ-ମନ’ ରେ ଆବଶ୍ୟକ ସଂଶୋଧନ ଅଣାଯାଉ ବୋଲି ସ୍ୱାମୀ ଯୁକ୍ତି ଦର୍ଶାଇଛନ୍ତି ।
The Subhash Bose modified Jana Gana Mana national anthem must replace the Original Tagore version adopted in 1949.The INA adopted version is more patriotic and accurate. In the Constituent Assembly while concluding Rajendra Prasad announced that its verses can be amended
— Subramanian Swamy (@Swamy39) November 30, 2020
ସୂଚନା ଯୋଗ୍ୟ ଯେ ଜନ-ଗଣ-ମନ ର ରଚୟିତା ହେଉଛନ୍ତି ବିଶ୍ୱକବି ରବୀନ୍ଦ୍ରନାଥ ଠାକୁର । ଏହି କବିତାକୁ 1911 ଡିସେମ୍ବର 27ରେ କଲିକତାରେ ଅନୁଷ୍ଠିତ କଂଗ୍ରେସ ଅଧିବେଶନରେ ପ୍ରଥମେ ଗାନ କରାଯାଇଥିଲା । ବିଶ୍ୱକବିଙ୍କ ‘ଭାରତ ଭାଗ୍ୟବିଧାତା’ କବିତାର 13 ଟି ଧାଡ଼ିରୁ ଏହା ଉଦ୍ଧୃତ କରାଯାଇଥିଲା । ତେବେ କବିତାରେ ଜନ-ଗଣ-ମନ ଅଧିନାୟକ କାହାକୁ ସମ୍ବୋଧିତ କରାଯାଇଛି ତାହା ସ୍ପଷ୍ଟ ହୋଇ ନଥିବାରୁ ଅନେକ ସମୟରେ ବିବାଦ ଦେଖାଦେଇଛି । ଏବେ ଏହି ସନେ୍ଦହ ଦୂର କରିବା ପାଇଁ ନେତାଜୀ ସୁଭାଷଙ୍କ ଦ୍ୱାରା ଗାନ କରାଯାଇଥିବା ଗୀତକୁ ଗ୍ରହଣ କରିବା ଲାଗି ସ୍ୱାମୀ ପ୍ରସ୍ତାବ ଦେଇଛନ୍ତି ।