ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: ଗଂଜାମ ଜିଲ୍ଲା ତଥା ରମ୍ଭା ଅଂଚଳରେ ଗତ କିଛି ଦିନ ହେଲା ଘରୁ ଡ଼କାୟତି ଖବର ବଢ଼ି ଚାଲିଥିଲା। ପ୍ରତ୍ୟେକ ଦିନ ଏହି ଅଂଚଳର ବିଭିନ୍ନ ସ୍ଥାନରୁ ଘରର କବାଟ ଭାଙ୍ଗି ଘର ଆସବାବ ପତ୍ର ଏବଂ ଅନ୍ୟାନ୍ୟ ଉପକରଣ ଲୁଟ୍ ହୋଇଥିବା ନେଇ ଥାନାରେ ଅଭିଯୋଗ ହୋଇଥିଲା। ଏହିଭଳି ଏକ ର୍ୟାକେଟ୍କୁ ଧରିବାରେ ଆଜି ରମ୍ଭା ପୋଲିସ୍ ସଫଳ ହୋଇଛି। ଏନେଇ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇ ଥାନାଧିକାରୀ ସୂଚନା ଦେଇଥିଲେ।
ଘଟଣାରୁ ପ୍ରକାଶ ଯେ ରମ୍ଭା ଥାନା ଅଂଚଳରେ ଗତ କିଛି ଦିନ ମଧ୍ୟରେ ୧୧ଟି ଡ଼କାୟତ ହୋଇଥିବା ନେଇ ଥାନାରେ ଅଭିଯୋଗ ହୋଇଥିଲା। ଘଟଣାର ଅନୁସନ୍ଧାନ କରି ରମ୍ଭା ପୋଲିସ୍ ୩ ଜଣ ଲୁଟେରା ଥିବା ଗ୍ୟାଙ୍ଗକୁ ଧରିବା ସହ ସେମାନେ ଚୋରି କରିଥିବା ଏଲ୍ଇଡ଼ି ଟିଭି, ଇଣ୍ଡକ୍ସନ ୱାଟର ହିଟର୍, କଟର, ଇନ୍ଭର୍ଟର, ବ୍ୟାଟେରି, ସିଟି ସିଭି, ଡ଼ିଭିଆର୍ ମେସିନ୍, ଟାଟା ସ୍କାଏ, ଗ୍ରାଇଣ୍ଡର ଏବଂ ଅନ୍ୟାନ୍ୟ ସାମଗ୍ରୀକୁ ଜବତ କରିଛି।
