ନୂଆଦିଲ୍ଲୀ: କେନ୍ଦ୍ର ସରକାର ବଜେଟରେ ସ୍ୱାସ୍ଥ୍ୟ ଉପରେ ଖର୍ଚ୍ଚ ବଢାଇଛି। କିନ୍ତୁ ଏହି ଖର୍ଚ୍ଚକୁ ପୂରଣ କରିବା ପାଇଁ ଅନେକ ଦ୍ରବ୍ୟ ଉପରେ ସୀମା ଶୁଳ୍କରେ କମ ବେଶୀ କରାଯାଇଛି। ଏହାସହିତ ବହୁତ ଦ୍ରବ୍ୟ ଉପରେ କୃଷି ସେସ୍ ଲଗାଯାଇଛି।
ଜାଣନ୍ତୁ କଣ ମହଙ୍ଗା ହେବ ଏବଂ ଶସ୍ତା ହେବ:
୧- ମଦ ପିଇବା ମହଙ୍ଗା ପଡ଼ିବ- ଆସନ୍ତାକାଲି ଠାରୁ ମଦ ଦାମ ବୃଦ୍ଧି ହେବ। ଆଲକୋହଲ ଉପରେ ସରକାର ୧୦୦ ପ୍ରତିଶତ କୃଷି ସେସ ଲଗାଇଛନ୍ତି।
୨- ପେଟ୍ରୋଲ ଡିଜେଲ ମହଙ୍ଗା ହେବ- ପେଟ୍ରୋଲ ଲିଟର ପିଛା ୨.୫୦ ଟଙ୍କା ଏବଂ ଡିଜେଲ ଲିଟର ପିଛା ୪ ଟଙ୍କା ହିସାବରେ କୃଷି ସେସ ଲାଗିବ। କିନ୍ତୁ ଏହି ଦାମରେ ପରିବର୍ତ୍ତନ ହେବ ନାହିଁ ବୋଲି ସରକାର ସ୍ପଷ୍ଟିକରଣ ରଖିଛି।
୩- ଖାଇବା ତେଲ ଉପରେ ସେସ ଲାଗିବ- ଏହା ଉପରେ କୃଷି ସେସ ଲାଗିଥିଲେ ମଧ୍ୟ ଗ୍ରାହକଙ୍କ ଉପରେ ଏହାର ପ୍ରଭାବ ପଡିବ ନାହିଁ। ଏଥିପାଇଁ ବେଶିକ କଷ୍ଟମ ଡ୍ୟୁଟିକୁ ହ୍ରାସ କରାଯାଇଛି।
୪- ସୁନା ଏବଂ ରୂପା ଏପ୍ରିଲ ମାସରୁ ଶସ୍ତା ହୋଇପାରେ।
୫- ଅଟୋ ପାର୍ଟ୍ସ ମହଙ୍ଗା ହେବ, ଗାଡି ଶସ୍ତା ହୋଇପାରେ।
୬- ସୂତା ଲୁଗା ମହଙ୍ଗା ହେବ, ସିନ୍ଥେଟିକ ବସ୍ତ୍ର ଶସ୍ତା ହୋଇପାରେ।
୭- ମୋବାଇଲ, ରେଫ୍ରିଜିରେଟର, ଚାର୍ଜର ମହଙ୍ଗା ହେବ।
