ନୂଆଦିଲ୍ଲୀ: ବିଶ୍ବ ବଜାରରେ ସବୁଠାରୁ ମହଙ୍ଗା ମୋବାଇଲ ହେଉଛି ଆଇଫୋନ। ଏହା ସାଧାରଣ ଗ୍ରାହକ କିଣିବା ସମ୍ଭବ ନୁହେଁ। ହେଲେ ଯେଉଁମାନେ ଏହି ଫୋନ କିଣିବାରେ ସକ୍ଷମ ଅଛନ୍ତି ସେମାନଙ୍କ ପାଇଁ ଏକ ଖୁସି ଖବର। ତାହା ହେଲା ଆଇଫୋନ 12 ର ବର୍ତ୍ତମାନ ବଜାର ମୂଲ୍ୟ ବେଶ୍ ହ୍ରାସ ପାଇଛି।
ଆପଲ୍ ଏହାର ନୂତନ ଆଇଫୋନ୍ 13 ସିରିଜ୍ ଖୁବ ଶିଘ୍ର ବଜାରକୁ ଆଣୁଛି। ଏହା ପୂର୍ବରୁ ଆଇଫୋନ୍ 12 ଯାହାକି 64GB ଫୋନ 79,900 ଟଙ୍କାରେ ଏବଂ 128GB ଫୋନ 84,900 ଟଙ୍କାରେ ବିକ୍ରି ହେଉଥିଲା ବର୍ତ୍ତମାନ ପ୍ରାୟ 15,000 ଟଙ୍କା ରିହାତି ମିଳୁଛି। ଆଇଫୋନ୍ 12 , 64 ଜିବି 63,999 ଟଙ୍କା ଏବଂ 128 ଜିବି 68,999 ଟଙ୍କାରେ ଉପଲବ୍ଧ ହେଉଛି। ଏହା ବର୍ତ୍ତମାନ ପ୍ରମୁଖ ଅନଲାଇନ ସିପଂ ଆମାଜନରେ ମିଳୁଛି।
ସେହିଭଳି ଆଇଫୋନ୍ 12 ମିନି (64 ଜିବି) ଯାହା ପୂର୍ବରୁ 69,900 ଟଙ୍କାରେ ଉପଲବ୍ଧ ଥିଲା, ତାହା ବର୍ତ୍ତମାନ 56,999 ଟଙ୍କାରେ ଉପଲବ୍ଧ। ଆଇଫୋନ୍ 12 ପ୍ରୋ (128 ଜିବି) 13,000 ଟଙ୍କା ହ୍ରାସ ପାଇଛି ଏବଂ ବର୍ତ୍ତମାନ 1,06,900 ଟଙ୍କାରେ ଉପଲବ୍ଧ ହେଉଛି। ସେହିପରି 512 ଜିବି ମଡେଲ ବର୍ତ୍ତମାନ 10,000 କମ୍ ମୂଲ୍ୟରେ ଉପଲବ୍ଧ ଏବଂ ଆମାଜନରେ 1,39,900 ଟଙ୍କାରେ ଆପଣ କିଣି ପାରିବେ। ଏହି ସମୟରେ, ଆଇଫୋନ୍ 12 ପ୍ରୋ ମ୍ୟାକ୍ସ (128 ଜିବି) ଆମାଜନରେ 1,16,900 ଟଙ୍କାରେ ବିକ୍ରି ହେଉଛି।
ସେହିପରି ଫ୍ଲିପକାର୍ଟରେ ମଧ୍ୟ ଆଇଫୋନ୍ 12 ଯାହା 128 ଜିବି କ୍ଷମତା, ଏହାର ପୂର୍ବ ମୂଲ୍ୟ ଟ୍ୟାଗରୁ 84,999 ଟଙ୍କାରୁ 68,999 ଟଙ୍କାକୁ ହ୍ରାସ କରିଛି। ଅନ୍ୟପକ୍ଷରେ 64GB ଏହାର ପୂର୍ବ ମୂଲ୍ୟ 79,900 ଟଙ୍କାରୁ 63,999 ଟଙ୍କାରେ ଉପଲବ୍ଧ ହେଉଛି। ସେହିଭଳି ଫ୍ଲିପକାର୍ଟରେ 256 ଜିବି ମଡେଲର ମୂଲ୍ୟ ଟ୍ୟାଗ୍ 94,900 ଟଙ୍କା ରୁ 78,999 ଟଙ୍କାକୁ ଖସି ଆସିଛି। ସେହିପରି ଆଇଫୋନ୍ ମିନି କ୍ଷମତା 128 ଜିବି, ଏହାର ପୂର୍ବ ମୂଲ୍ୟ 74,900 ଟଙ୍କାରୁ 61,999 ଟଙ୍କାରେ ବିକ୍ରି ହେଉଛି। 64GB ଷ୍ଟୋରେଜ୍ ଆକାରରେ ସମାନ ମଡେଲ୍ ପୂର୍ବ ମୂଲ୍ୟ 69,900 ଟଙ୍କାରୁ 56,999 ଟଙ୍କାକୁ ଖସି ଆସିଛି।