ନୂଆଦିଲ୍ଲୀ: ଏହି ଫଟୋଟି ବର୍ତ୍ତମାନ ସୋସିଆଲ ମିଡିଆରେ ହଇଚଇ ସୃଷ୍ଟି କରିଛି। ଆପଣ ଜାଣିଲେ ଆଶ୍ଚର୍ଯ୍ୟ ହେବେ ଏହା ହେଉଛି ଇଡିଲ୍ ଆଉ ଚଟଣୀ। ଆଇସକ୍ରିମ କାଠିରେ ଏହି ଇଡିଲ୍ ପ୍ରସ୍ତୁତ କରାଯାଇଛି। ବାଙ୍ଗାଲୁରୁର ଏକ ରେଷ୍ଟୁରାଣ୍ଟ ଏହି ଭିନ୍ନ ପ୍ରକାରର ଇଟିଲ୍ ପ୍ରସ୍ତୁତ କରି ଗ୍ରାହକଙ୍କୁ ଯୋଗାଉଛି। ଫଳରେ ଲୋକମାନେ ଆଇସକ୍ରିମ ଖାଇବା ପରି ସେହି କାଠିକୁ ଧରି ଇଡିଲ୍ ଖାଇବେ।
ସୋସିଆଲ ମିଡିଆରେ ଏହି ଫଟୋଟି ବେଶ ଭାଇରାଲ ହେବାରେ ଲାଗିଛି। ଫଟୋରେ ଦୁଇଟି ଇଡିଲ୍ ପ୍ଲେଟରେ ଥୁଆଯାଇଥିବା ବେଳେ ଅନ୍ୟଟି ଚଟଣୀରେ ଡୁବି କରି ରହିଛି। ପାଖରେ ନଡିଆ ଚଟଣୀ ରଖାଯାଇଛି। ଏହି ଫଟୋଟି ଏପରି କରାଯାଇଛି ଯେ ଦେଖିବ ତା ପାଟିରୁ ଲାଲ ବାହାରିବ।
ଏହି ଫଟୋଟି ଦେଶର ବହୁ ପ୍ରମୁଖ ବ୍ୟକ୍ତି ସେୟାର କରିବାରେ ଲାଗିଛନ୍ତି। ମହିନ୍ଦ୍ରା ଆଣ୍ଡ ମହିନ୍ଦ୍ରା କଂପାନୀର ମାଲିକ ଆନନ୍ଦ ମହିନ୍ଦ୍ରା ଏହାକୁ ଟୁଇଟ କରିଛନ୍ତି।
