ନୂଆଦିଲ୍ଲୀ: ଆଜିଠାରୁ ସାରା ଦେଶରେ ଏଲପିଜି ସିଲିଣ୍ଡରର ନୂତନ ମୂଲ୍ୟ ପ୍ରକାଶ ପାଇଛି। ଏଥର ଏଲପିଜି ଗ୍ୟାସ ସିଲିଣ୍ଡର ୨୫୦ ଟଙ୍କା ବ୍ୟୟବହୁଳ ହୋଇଛି। ତେବେ ବ୍ୟବସାୟିକ ଗ୍ୟାସ ସିଲିଣ୍ଡର ମୂଲ୍ୟରେ ଏହି ବୃଦ୍ଧି ଘଟିଛି। ଏହି ସମୟରେ ଘରୋଇ ଏଲପିଜି ଗ୍ରାହକଙ୍କୁ ଆରାମ ମିଳିଛି। କାରଣ ୧୦ ଦିନ ପୂର୍ବରୁ ଘରୋଇ ଏଲପିଜି ସିଲିଣ୍ଡରର ମୂଲ୍ୟ ବୃଦ୍ଧି ପାଇଥିଲାବେଳେ ମାର୍ଚ୍ଚ ୨୨ ତାରିଖରେ ବ୍ୟବସାୟିକ ସିଲିଣ୍ଡର ଶସ୍ତା ହୋଇଥିଲା।
ଉଲ୍ଲେଖ ଯୋଗ୍ୟ ଯେ, ଦୀର୍ଘ ସମୟ ପରେ ପେଟ୍ରୋଲ-ଡିଜେଲ ଏବଂ ଏଲପିଜି ଗ୍ରାହକମାନେ ମହଙ୍ଗାର ଶିକାର ହୋଇଛନ୍ତି। ମାର୍ଚ୍ଚ ୨୨ ତାରିଖରେ, ସବସିଡି ନଥିବା ଘରୋଇ ଏଲପିଜି ସିଲିଣ୍ଡରରେ ୫୦ ଟଙ୍କା ବୃଦ୍ଧି ଘଟିଥିଲା। ପ୍ରକାଶ ଯୋଗ୍ୟ ଯେ, ୧୯ କିଲୋଗ୍ରାମର ବ୍ୟବସାୟିକ ଏଲପିଜି ସିଲିଣ୍ଡର ଆଜିଠାରୁ ଦିଲ୍ଲୀରେ ୨୨୫୩ ଟଙ୍କାରେ ଉପଲବ୍ଧ ହେବ।
