ନୂଆଦିଲ୍ଲୀ: ଚଳିତ ବର୍ଷ ଦୀପାବଳିରେ ଭାରତୀୟ ବଜାରରେ ଚାଇନାର ସାମଗ୍ରୀର ବ୍ୟବସାୟ ମାନ୍ଦା ହେବାକୁ ଯାଉଛି। ଦୋକାନୀମାନେ ‘ମେଡ୍ ଇନ୍ ଇଣ୍ଡିଆ’ ଉତ୍ପାଦକୁ ପ୍ରୋତ୍ସାହିତ କରୁଛନ୍ତି। ଏହି ପରିପ୍ରେକ୍ଷୀରେ, ଭାରତୀୟ ବ୍ୟବସାୟୀଙ୍କ ଏକ ବୃହତ ସଂଗଠନ କନଫେଡେରେସନ୍ ଅଫ୍ ଅଲ୍ ଇଣ୍ଡିଆ ଟ୍ରେଡର୍ସ (CAIT) ଆକଳନ କରିଛି ଯେ, ଏହି ଦିୱାଲୀ ଋତୁରେ ଚୀନ୍ ପ୍ରାୟ ୬୦ ହଜାର କୋଟି କ୍ଷତି ସହିବ। ଦୀପାବଳି ପର୍ବ ପାଇଁ ମାତ୍ର ୧୦ ଦିନ ବାକି ଅଛି, ଏପରି ପରିସ୍ଥିତିରେ ବଜାରକୁ ସଜାଯାଇଛି। କ୍ରେତାମାନଙ୍କର ଭିଡ଼ ମଧ୍ୟ ଅଛି, କିନ୍ତୁ ବଜାର ପୂର୍ବ ପରି ଚାଇନାର ସାମଗ୍ରୀରେ ପରିପୂର୍ଣ୍ଣ ନାହିଁ। CAIT ର ଦୋକାନୀମାନଙ୍କ ମଧ୍ୟରେ କରାଯାଇଥିବା ସର୍ଭେ ଅନୁଯାୟୀ, ଏହି ଦିୱାଲୀ sଋତୁରେ ଚୀନ୍ ଭାରତୀୟ ବଜାରରୁ ପ୍ରାୟ ୬୦ ହଜାର କୋଟି ଟଙ୍କା ଝଟକା ଲାଗିବାକୁ ଯାଉଛି।
CAIT ସାଧାରଣ ସମ୍ପାଦକ ପ୍ରବୀଣ ଖଣ୍ଡେଲୱାଲ ଗଣମାଧ୍ୟମକୁ କହିଛନ୍ତି ଯେ, ଯଦି ଆମେ ଦୀପାବଳି ପର୍ବ ପୂଜା ଠାରୁ ଆରମ୍ଭ କରି ଘରର ସାଜସଜ୍ଜା ପର୍ଯ୍ୟନ୍ତ ଜିନିଷ ବିଷୟରେ ଆଲୋଚନା କରୁ, ତେବେ ଚଳିତ ବର୍ଷ ଚାଇନାକୁ ପ୍ରାୟ ୬୦ ହଜାର କୋଟି ବ୍ୟବସାୟ କ୍ଷତି ହେବା ଆଶା କରାଯାଉଛି।” ସମୟ ସହିତ ଭାରତୀୟ ବଜାର ସ୍ୱଦେଶୀ ଦ୍ରବ୍ୟ ଉପରେ ବିଶ୍ୱାସ ଦେଖାଇବା ଆରମ୍ଭ କରିଛି। ଏହି କାରଣରୁ ଭାରତୀୟ ବଜାରରୁ ବର୍ଷକୁ ବର୍ଷ ଚୀନ୍ କୁ କ୍ଷତି ବୃଦ୍ଧି ପାଇବାରେ ଲାଗିଛି।
ଉଲ୍ଲେଖ ଯୋଗ୍ୟ ଯେ, ୨୦୨୧ ମସିହାରେ ଚୀନ୍ କୁ ଦିୱାଲୀରେ ଭାରତରୁ ୪୦ ହଜାର କୋଟି କ୍ଷତି ହୋଇଥିବାବେଳେ ୨୦୨୦ ରେ ୩୦ ହଜାର କୋଟି କ୍ଷତି ହୋଇଥିଲା। ତେବେ ଚଳିତ ବର୍ଷ ଏହାର ପରିମାଣ ବୃଦ୍ଧି ପାଇ ୬୦ ହଜାର କୋଟି ଟଙ୍କାରେ ପହଞ୍ଚିବ ବୋଲି ଆଶା କରାଯାଉଛି।
ପ୍ରକାଶ ଯେ CAIT ହେଉଛି ୪୦ ହଜାର ବ୍ୟବସାୟୀଙ୍କ ଏକ ସଂଗଠନ ଏବଂ ଦେଶର ପ୍ରାୟ ୮ କୋଟି ବ୍ୟବସାୟୀ ଏହା ସହ ଜଡିତ। କ୍ୟାଟ୍ ଅନୁଯାୟୀ, ଏହି ଦିୱାଲୀ ଋତୁରେ ୧.୫ ଲକ୍ଷ କୋଟିରୁ ଅଧିକ ବ୍ୟବସାୟ କରିବାର ସମ୍ଭାବନା ରହିଛି। ଗତ ବର୍ଷ ଏହି ଋତୁରେ ୧.୨୫ ଲକ୍ଷ କୋଟିର ବ୍ୟବସାୟ ହୋଇଥିବାବେଳେ ୨୦୨୦ ରେ ଏହା ୭୨ ହଜାର କୋଟି ଏବଂ ୨୦୧୯ ରେ ୬୦ ହଜାର କୋଟି ଥିଲା। ଅନ୍ୟ ଅର୍ଥରେ, ବର୍ତ୍ତମାନ ପର୍ଯ୍ୟନ୍ତ ଚାଇନାର ସାମଗ୍ରୀ ବୀନା ଦୀପାବଳି ଧୀରେ ଧୀରେ ସ୍ୱଦେଶୀ ଦ୍ରବ୍ୟରେ ଆଲୋକିତ ହେଉଛି।
