ନୂଆଦିଲ୍ଲୀ: ସଂସଦର ସ୍ଥାୟୀ କମିଟି ଏକକ ସିଗାରେଟ୍ ବିକ୍ରି ଉପରେ ପ୍ରତିବନ୍ଧକ ଲଗାଇବାକୁ ସୁପାରିଶ କରିଛି। ଏହା ତମାଖୁ ନିୟନ୍ତ୍ରଣ ଅଭିଯାନକୁ ପ୍ରଭାବିତ କରୁଛି ବୋଲି କମିଟି ଯୁକ୍ତି ଦର୍ଶାଇଛି। କମିଟିରେ ସୁପାରିଶରେ କୁହାଯାଇଛି ଯେ, ବିମାନ ବନ୍ଦରର ଧୂମପାନ ଜୋନ୍ ମଧ୍ୟ ଦେଶରେ ବନ୍ଦ କରାଯାଉ।
ଷ୍ଟାଣ୍ଡିଂ କମିଟିର ରିପୋର୍ଟରେ କେନ୍ଦ୍ର ସରକାର ଏକକ ସିଗାରେଟ୍ ବିକ୍ରୟ ତଥା ଉତ୍ପାଦନ ଉପରେ ପ୍ରତିବନ୍ଧକ ଲଗାଇ ପାରିନ୍ତି। ୩ ବର୍ଷ ପୂର୍ବେ କେନ୍ଦ୍ର ସରକାର ସ୍ୱାସ୍ଥ୍ୟ ମନ୍ତ୍ରଣାଳୟର ସୁପାରିଶ କ୍ରମେ ଇ-ସିଗାରେଟ୍ ଉପରେ ପ୍ରତିବନ୍ଧକ ଲଗାଇଥିଲେ। ତା’ପରେ ଏହାକୁ ବିକ୍ରୟ ବିରୁଦ୍ଧରେ ଏକ ଆଇନ ମଧ୍ୟ କରାଯାଇଥିଲା।
ଷ୍ଟାଣ୍ଡିଂ କମିଟି କ’ଣ?:
ସଂସଦର କାର୍ଯ୍ୟକାରିତାକୁ ସହଜ କରିବାକୁ ଦୁଇ ପ୍ରକାର କମିଟି ଗଠନ କରାଯାଇଛି। ପ୍ରଥମ ସ୍ଥାୟୀ ଏବଂ ଦ୍ୱିତୀୟ ତଦର୍ଥ। ସ୍ଥାୟୀ କମିଟି ଲୋକସଭା ଏବଂ ରାଜ୍ୟସଭାର ସାଂସଦଙ୍କୁ ନେଇ ଗଠିତ, ଯାହାର କାର୍ଯ୍ୟକାଳ ୧ ବର୍ଷ। କାର୍ଯ୍ୟକ୍ଷମତା ସହଜ କରିବା ପାଇଁ କମିଟି ସରକାରଙ୍କ ନିକଟରେ ରିପୋର୍ଟ ଦାଖଲ କରିଥାଏ।
ପ୍ରତିବନ୍ଧକ ପାଇଁ ସୁପାରିଶ:
୧. କମିଟି ରିପୋର୍ଟରେ କହିଛି ଯେ, ଦେଶରେ ଜିଏସ୍ଟି ଲାଗୁ ହେବା ପରେ ମଧ୍ୟ ତମାଖୁ ଉତ୍ପାଦ ଉପରେ ଟିକସ ବୃଦ୍ଧି ହୋଇନାହିଁ।
୨. IARC ରିପୋର୍ଟକୁ କମିଟି ସୂଚିତ କରିଛି। ଏହି ଅନୁଯାୟୀ, ମଦ୍ୟପାନ ଏବଂ ତମାଖୁ ସେବନ କର୍କଟ ରୋଗର ଆଶଙ୍କା ବଢାଇଥାଏ।
ତମାଖୁ ଉତ୍ପାଦ ଉପରେ କେତେ ଟ୍ୟାକ୍ସ?:
ଜିଏସ୍ଟି ଲାଗୁ ହେବା ପରେ ବିଡି ଉପରେ ୨୨ ପ୍ରତିଶତ, ସିଗାରେଟ ଉପରେ ୫୩ ପ୍ରତିଶତ ଏବଂ ଭାରତରେ ଧୂମପାନହୀନ ତମାଖୁ ଉପରେ ୬୪ ପ୍ରତିଶତ ଟିକସ ଆଦାୟ କରାଯାଏ। ଏଥି ସହିତ WHO ଭାରତ ସରକାରଙ୍କୁ ତମାଖୁ ଉତ୍ପାଦ ଉପରେ ୭୫ ପ୍ରତିଶତ ଟିକସ ଲାଗୁ କରିବାକୁ କହିଛି।
ପ୍ରତିବର୍ଷ ସିଗାରେଟରୁ ୩.୫ ଲକ୍ଷ ଲୋକ ମୃତ୍ୟୁ ବରଣ କରନ୍ତି
ରିପୋର୍ଟ ଅନୁଯାୟୀ, ସିଗାରେଟ ଟାଣିବା ପ୍ରଭାବରେ ଭାରତରେ ପ୍ରତିବର୍ଷ ୩.୫ ଲକ୍ଷ ଲୋକ ମୃତ୍ୟୁ ବରଣ କରନ୍ତି। ଆମେରିକାରେ ଏହି ସଂଖ୍ୟା ପ୍ରାୟ ୪.୮ ଲକ୍ଷ ଅଟେ। ସିଗାରେଟରୁ ମୃତ୍ୟୁର ମୁଖ୍ୟ କାରଣ ହେଉଛି ନିକୋଟିନ୍ ର ମାତ୍ରା ଅଧିକ। ଏହାକୁ ରୋକିବା ପାଇଁ ସରକାର ଅନେକ ଥର ଚେଷ୍ଟା କରିଥିଲେ ମଧ୍ୟ ସଫଳତା ପାଇ ନାହାନ୍ତି।
ଫାଉଣ୍ଡେସନ ଫର ସ୍ମୋକ ଫ୍ରି ୱାର୍ଲ୍ଡର ରିପୋର୍ଟ ଅନୁଯାୟୀ, ଭାରତରେ ପ୍ରାୟ ୬.୬ କୋଟି ଲୋକ ପ୍ରତିବର୍ଷ ସିଗାରେଟ ଟାଣୁଥିବାବେଳେ ୨୬ କୋଟିରୁ ଅଧିକ ଲୋକ ଅନ୍ୟ ତମାଖୁ ଦ୍ରବ୍ୟ ବ୍ୟବହାର କରନ୍ତି। ଭାରତରେ ପ୍ରାୟ ୨୧ ପ୍ରତିଶତ ଲୋକ ତମାଖୁ ସେବନ ହେତୁ କର୍କଟ ରୋଗରେ ଆକ୍ରାନ୍ତ ହୁଅନ୍ତି।
ବର୍ତ୍ତମାନ ପର୍ଯ୍ୟନ୍ତ ସିଗାରେଟ୍ ସମ୍ବନ୍ଧୀୟ ନିୟମ କ’ଣ?:
୧. ସର୍ବସାଧାରଣ ସ୍ଥାନରେ ସିଗାରେଟ୍ ଧୂମପାନ ନିଷେଧ। ନିୟମ ଭାଙ୍ଗିବା ପାଇଁ ୨୦୦ ଟଙ୍କା ପର୍ଯ୍ୟନ୍ତ ଜୋରିମାନା ହୋଇପାରେ। ହୋଟେଲ, ରେଷ୍ଟୁରାଣ୍ଟ, ସିନେମା ହଲ୍, ମଲ୍ ର ମାଲିକମାନଙ୍କୁ ୬୦ ସେମି x ୩୦ ସେମି ବୋର୍ଡ ଲଗାଇବାକୁ ପଡିବ ଯେଉଁଥିରେ ‘ଧୂମପାନ ନାହିଁ’ ଲେଖା ରହିବ।
୨. ତମାଖୁ ଦ୍ରବ୍ୟର ବିଜ୍ଞାପନ ନିଷେଧ। ଉତ୍ପାଦ ବିକ୍ରୟ କରୁଥିବା ଦୋକାନୀମାନଙ୍କୁ ୬୦ ସେମି x ୪୫ ସେମି ବୋର୍ଡ ଲଗାଇ କର୍କଟ ବିଷୟରେ ସଚେତନ ଦେବାକୁ ପଡିବ। ନିୟମ ପାଳନ ନକଲେ ୧୦୦୦ ଟଙ୍କା ଜରିମାନା ଆଦାୟ କରାଯାଇପାରେ।
୩. କୌଣସି କଲେଜ, ବିଶ୍ୱବିଦ୍ୟାଳୟର ୧୦୦ ମିଟର ମଧ୍ୟରେ ତମାଖୁ ଦ୍ରବ୍ୟ ବିକ୍ରୟ ନିଷେଧ। ଉଲ୍ଲଂଘନ ଦ୍ୱାରା ୨୦୦ ଟଙ୍କା ପର୍ଯ୍ୟନ୍ତ ଜୋରିମାନା ହୋଇପାରେ।
୪. ଦୋକାନୀ ୧୮ ବର୍ଷରୁ କମ୍ ନାବାଳକମାନଙ୍କୁ ସିଗାରେଟ୍ ବିକ୍ରି କରିପାରିବେ ନାହିଁ। ବିକ୍ରୟ ପାଇଁ ଉଭୟ ଜରିମାନା ଏବଂ ଜେଲର ବ୍ୟବସ୍ଥା କରାଯାଇଛି।
୧୮୮୦ ମସିହାରେ ପ୍ରଥମ ଥର ପାଇଁ ହାତରେ ତିଆରି ସିଗାରେଟ୍ ବଜାରକୁ ଆସିଥିଲା |
୧୮୮୦ ମସିହାରେ ପ୍ରଥମ ଥର ପାଇଁ ଆମେରିକାର ଉତ୍ତର କାରୋଲିନା ସହରର ଜେମ୍ସ ବକୁନନ୍ ଡ୍ୟୁକ୍ ନାମକ ଜଣେ ବ୍ୟକ୍ତି ବଜାରରେ ହାତ ତିଆରି ସିଗାରେଟ୍ ଲଞ୍ଚ କରିଥିଲେ। ଏହି ହାତ ତିଆରି ସିଗାରେଟର ଲୋକପ୍ରିୟତା ଧୀରେ ଧୀରେ ବୃଦ୍ଧି ପାଇଲା। ୧୯୯୦ ରେ, ସାରା ବିଶ୍ୱରେ ସିଗାରେଟ ଟାଣୁଥିବା ଲୋକଙ୍କ ସଂଖ୍ୟା ୯୯୦ ମିଲିୟନକୁ ବୃଦ୍ଧି ପାଇଲା।