ନୂଆଦିଲ୍ଲୀ: ଚୀନ୍ ସହିତ ମୋଟ ବାଣିଜ୍ୟ ନିଅଣ୍ଟ ଉପରେ ନୁହେଁ, ବରଂ କିଛି ଗୁରୁତ୍ୱପୂର୍ଣ୍ଣ ଜିନିଷର ଆମଦାନୀ ଉପରେ ନିର୍ଭରଶୀଳତା ଉପରେ ଭାରତର ଧ୍ୟାନ ଦେବା ଉଚିତ୍। ଆଜି ନୀତି ଆୟୋଗ ଉପାଧ୍ୟକ୍ଷ ସୁମନ ବେରୀ ଏହା କହିଛନ୍ତି। ବେରୀଙ୍କ କହିବାନୁସାରେ, ସକ୍ରିୟ ଔଷଧ ସାମଗ୍ରୀ (API) ଏବଂ ନବୀକରଣ ଯୋଗ୍ୟ ଶକ୍ତି ପାଇଁ ଯୋଗାଣ ଶୃଙ୍ଖଳା ସହିତ ମୁଖ୍ୟ କଞ୍ଚାମାଲ ଯୋଗାଣର ଅନ୍ୟାନ୍ୟ ଉତ୍ସଗୁଡ଼ିକରେ ବିବିଧତା ସୃଷ୍ଟି କରିବାର ଆବଶ୍ୟକତା ରହିଛି। ଚାଇନା ହେଉଛି API ର ବିଶ୍ଵର ସର୍ବ ବୃହତ ଉତ୍ପାଦକ ଏବଂ ରପ୍ତାନିକାରୀ ଏବଂ ଅନେକ ଭାରତୀୟ କମ୍ପାନୀ ବିଭିନ୍ନ ଔଷଧ ଉତ୍ପାଦନ ପାଇଁ ସାମଗ୍ରୀ ଆମଦାନୀ ଉପରେ ନିର୍ଭର କରନ୍ତି।
ସେ କହିଛନ୍ତି ଯେ, “ଚୀନ୍ ସହିତ ବାଣିଜ୍ୟ ନିଅଣ୍ଟ ଉପରେ ଭାରତର ଧ୍ୟାନ ରହିବା ଉଚିତ ନୁହେଁ। ଏହା ପରିବର୍ତ୍ତେ, କିଛି ଗୁରୁତ୍ୱପୂର୍ଣ୍ଣ ଜିନିଷ ପାଇଁ ଚୀନ୍ ଉପରେ ଆମର ନିର୍ଭରଶୀଳତା ହ୍ରାସ କରିବା ଉଚିତ୍। ବେରୀ କହିଛନ୍ତି ଯେ, ଏହା ଅତ୍ୟନ୍ତ ଦୁର୍ଭାଗ୍ୟଜନକ ଯେ, ଗତ ସାତ ବର୍ଷ ମଧ୍ୟରେ ଆମେରିକା ଏବଂ ଚୀନ୍ ଭଳି ବଡ଼ ଶକ୍ତି ବାଣିଜ୍ୟରେ ଅସ୍ତ୍ର ଭାବରେ ପାରସ୍ପରିକ ନିର୍ଭରଶୀଳତାକୁ ବାଛିଛନ୍ତି।
ପରିସଂଖ୍ୟାନ ଅନୁଯାୟୀ, ଭାରତ ଏବଂ ଚୀନ୍ ମଧ୍ୟରେ ବାଣିଜ୍ୟ ୨୦୨୨ ମସିହାରେ ସର୍ବକାଳୀନ ୧୩୫.୯୮ ବିଲିୟନ ଡ଼ଲାରକୁ ଛୁଇଁବାକୁ ଯାଉଛି। ଏହି ସମୟ ମଧ୍ୟରେ ଚୀନ୍ ସହିତ ଭାରତର ବାଣିଜ୍ୟ ନିଅଣ୍ଟ ପ୍ରଥମ ଥର ପାଇଁ ୧୦୦ ବିଲିୟନ ଡଲାର ଅତିକ୍ରମ କରିଛି। ବେରୀ କହିଛନ୍ତି ଯେ, ଚୀନ୍ ସହିତ ବାଣିଜ୍ୟ ନିଅଣ୍ଟକୁ ହ୍ରାସ କରିବା ପାଇଁ ଭାରତ ଏକ ଆଞ୍ଚଳିକ ରଣନୀତି ପ୍ରସ୍ତୁତ କରିବା ଉଚିତ୍।
