ଭାରତରେ 650ଟି ଶାଖାରେ ବର୍ତ୍ତମାନ ଖୋଲାଯାଇଛି ଆଇପିପିବି ବା ଇଣ୍ଡିଆ ପୋଷ୍ଟ ପେମେଣ୍ଟ ବ୍ୟାଙ୍କ। ପୂର୍ବରୁ ସୁପ୍ତ ହୋଇପଡିଥିବା ପୋଷ୍ଟ ଅଫିସଗୁଡିକ ବର୍ତ୍ତମାନ ଚଳଚଞ୍ଚଳ ହୋଇପଡିଛି। କେବଳ ଚିଠି ଓ ମନି ଅର୍ଡର କାମରେ ନିଜକୁ ନିୟୋଜିତ ରଖିଥିବା ପୋଷ୍ଟାଲ କର୍ମଚାରୀମାନେ ବର୍ତ୍ତମାନ ନିଜକୁ ବ୍ୟାଙ୍କ ସେବାରେ ନିୟୋଜିତ ରଖିବେ। ତେବେ ଏହି ବ୍ୟାଙ୍କରେ ଯେଉଁମାନେ ଆକାଉଣ୍ଟ ଖୋଲିବେ ସେମାନେ କେତେକ କଥା ଜାଣିବାର ଆବଶ୍ୟକତା ରହିଛି।
1-ଇଣ୍ଡିଆ ପୋଷ୍ଟ ପେମେଣ୍ଟ ବ୍ୟାଙ୍କ ସଂପୂର୍ଣ୍ଣ ଭାବେ ଭାରତ ସରକାରଙ୍କ ଯୋଗାଯୋଗ ମନ୍ତ୍ରଣାଳୟ ଅଧିନରେ କାର୍ଯ୍ୟ କରିବ। ଏହାର ପୁରା 100 ପ୍ରତିଶତ ଇକ୍ୟୁଟ ଭାରତ ସରକାରଙ୍କ ଅଧିନରେ ରହିବ।
2-ଏହି ବ୍ୟାଙ୍କର ପାଇଲଟ ପ୍ରକଳ୍ପ 2017 ମସିହା ଜାନୁୟାରୀ 30 ତାରିଖରେ ଆରମ୍ଭ କରାଯାଇଥିଲା। ପ୍ରଥମେ ରାଞ୍ଚି ଏବଂ ରାୟପୁରରେ ପାଇଲଟ ପ୍ରକଳ୍ପ ଭାବେ ପୋଷ୍ଟ ଅଫିସ ଗୁଡିକୁ ବ୍ୟାଙ୍କରେ ପରିଣତ କରାଯାଇଥିଲା। ସେହି ପ୍ରକଳ୍ପ ସଫଳତା ହାସଲ କରିବା ପରେ ସାରା ଭାରତରେ ଲାଗୁ କରିବାକୁ ନିଷ୍ପତି ନିଆଗଲା।
3-ଇଣ୍ଡିଆ ପୋଷ୍ଟ ପେମେଣ୍ଟ ବ୍ୟାଙ୍କ ବା ଆଇପିପି ବ୍ୟାଙ୍କ ଏହାର ସେଭିଙ୍ଗସ ଆକାଉଣ୍ଟ ଗ୍ରାହକଙ୍କୁ 4 ପ୍ରତିଶତ ସୁଧ ହାର ପ୍ରଦାନ କରିବ।
4-ଏହି ବ୍ୟାଙ୍କ ଆକାଉଣ୍ଟରେ ସର୍ବାଧିକ ଏକ ଲକ୍ଷ ଟଙ୍କା ପର୍ଯ୍ୟନ୍ତ ଜମା କରିବାର ସୁଯୋଗ ପ୍ରଦାନ କରିବ। ମାତ୍ର ଋଣ ପ୍ରଦାନ କ୍ଷେତ୍ରରେ ଏହି ପରିମାଣ ବୃଦ୍ଧି ପାଇପାରିବ।
5-ଏହି ବ୍ୟାଙ୍କ ଅନ୍ୟ ବଡ ବଡ ଜାତୀୟକରଣ ବ୍ୟାଙ୍କର ଏଜେଣ୍ଟ ଭାବେ ମଧ୍ୟ କାମ କରିବ ବୋଲି ନିଷ୍ପତି ହୋଇଛି। ଋଣ ଦେବାରେ ହେଉ କିମ୍ବା ଅନ୍ୟାନ୍ୟ ସୁବିଧା ପାଇଁ ଅନ୍ୟ ବ୍ୟାଙ୍କ ସହିତ ଅନୁବନ୍ଧିତ ହେବ। ଉଦାହରଣ ସ୍ବରୁପ ପଂଜାବ ନ୍ୟାସନାଲ ବ୍ୟାଙ୍କର ଏହି ଆଇପିପି ବ୍ୟାଙ୍କ ଏଜେଣ୍ଟ ଭାବେ କାମ କରିପାରିବ।
6-ଅନ୍ୟାନ୍ୟ ବ୍ୟାଙ୍କ ପରି ଆଇପିପି ବ୍ୟାଙ୍କ ମଧ୍ୟ ସେଭିଙ୍ଗସ ଓ କରେଣ୍ଟ ଆକାଉଣ୍ଟ, ମନି ଟ୍ରାନସଫର, ଡାଇରେକ୍ଟ ବେନିଫିଟ ଟ୍ରାସଫର,ବିଲ ପେମେଣ୍ଟ, ଏବଂ ଏଣ୍ଟରପ୍ରାଇଜ ପେମେଣ୍ଟ ପ୍ରଭୃତି ସୁବିଧା ପ୍ରଦାନ କରିବ।
7-ଏହି ସବୁ ସେବା ବ୍ୟାଙ୍କ ବିଭିନ୍ନ ମାଧ୍ୟମରେ ମଧ୍ୟ ପ୍ରଦାନ କରିପାରିବ। ଯେପରି କାଉଣ୍ଟର, ଏଟିଏମ, ମୋବାଇଲ ବ୍ୟାଙ୍କିଙ୍ଗି, ଏସଏମଏସ ଏବଂ ଆଭିଆର ସେବା ଗ୍ରାହକଙ୍କୁ ଯୋଗାଇ ଦିଆଯିବ। ପୋଷ୍ଟାଲ ପେମେଣ୍ଟ ବ୍ୟାଙ୍କ ଟେକ୍ନଲୋଜି ସିସଟମ ମାଧ୍ୟମରେ ଏହି ସେବା ପ୍ରଦାନ କରାଯିବ।
8-ଏହି ଆଇପିପି ବ୍ୟାଙ୍କ 17 କୋଟି ପୋଷ୍ଟାଲ ଆକାଉଣ୍ଟକୁ ସାମିଲ କରି ବ୍ୟାଙ୍କର ସମସ୍ତ ସୁବିଧା ଯୋଗାଇ ସେହି ଗ୍ରାହକଙ୍କୁ ଦେବା ପାଇଁ ନିଷ୍ପତି କରିଛି। ଫଳରେ ପୋଷ୍ଟାଲ ସେଭିଙ୍ଗସ ଆକାଉଣ୍ଟ ଗ୍ରାହକ ଆଉ ନୂଆ ଆକାଉଣ୍ଟ ଖୋଲିବାର ଆବଶ୍ୟକତା ନାହିଁ।
ପୋଷ୍ଟାଲ ସେବା ଭାରତର ଗାଁ ଗାଁ ରେ ରହିଥିବାରୁ ଏହି ବ୍ୟାଙ୍କ ଏକ ବଡ ସଫଳତା ହାସଲ କରିପାରିବ ବୋଲି ଦେଶର ଅର୍ଥନୈତିଜ୍ଞମାନେ ଆଶା କରିଛନ୍ତି।