ଭୁବନେଶ୍ବର, ରାଜ୍ୟରେ କାରଖାନାଗୁଡିକ ବାରମ୍ବାର ପ୍ରଦୂଷଣ ମାତ୍ରା ବୃଦ୍ଧି କରିବାରେ ଲାଗିଛନ୍ତି। ସେହି ଆଧାରରେ ରାଜ୍ୟର ପ୍ରଦୂଷଣ ବୋର୍ଡ ଯାଞ୍ଚ କରି ୫୦ଟି ବୃହତ୍ ଓ ମଧ୍ୟମ କାରଖାନାର ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଏଥିମଧ୍ୟରୁ ୩୩ଟିକୁ କାରଣ ଦର୍ଶାଅ ନୋଟିସ୍ ଜାରି ହୋଇଥିବା ବେଳେ ୪ଟିକୁ ବନ୍ଦ ନିର୍ଦ୍ଦେଶ ଓ ୧୩ଟିକୁ କେବଳ ନୋଟିସ କରାଯାଇଛି ।
କାରଣ ଦର୍ଶାଅ ନୋଟିସ୍ ଜାରି ହୋଇଥିବା କାରଖାନାଗୁଡିକ ହେଲେ
1-ଝାରସୁଗୁଡ଼ା ଜିଲ୍ଲାରେ ଥିବା ଅଲଟ୍ରାଟେକ୍ ସିମେଣ୍ଟ,
2-ସମ୍ବଲପୁର ଜିଲ୍ଲାରେ ଭୂଷଣ ପାୱାର ଓ ସମଲେଶ୍ୱର ଫେରୋ ଅଲଏଜ୍,
3-ଯାଜପୁର ଜିଲ୍ଲା କଳିଙ୍ଗ ନଗର ଶିଳ୍ପାଞ୍ଚଳରେ ଥିବା କେଜେ ଇସ୍ପାତ ଲିମିଟେଡ୍
4-ଯାଜପୁର ୟାଜ୍ଦାନୀ ଷ୍ଟିଲ୍ ଆଣ୍ଡ ପାୱାର ରହିଛି ।
5-ସୁନ୍ଦରଗଡ଼ ଜିଲ୍ଲାର ରିଲାଏବୁଲ୍ ସ୍ପଞ୍ଜ୍
6-ବସୁନ୍ଧରା ମେଟାଲିକ୍
7-ଜୟ ଆଇରନ୍ ଆଣ୍ଡ ଷ୍ଟିଲ୍
8-ରାଉରକେଲାର ସେଲ୍ କାରଖାନା ରହିଛି।
ବନ୍ଦ ନୋଟିସ୍ ପାଇଥିବା କାରଖାନାଗୁଡିକ
1-ସମ୍ବଲପୁରଠାରେ ଥିବା ଭୂଷଣ ପାୱାର ଆଣ୍ଡ ଷ୍ଟିଲ୍
2-ସୁନ୍ଦରଗଡ଼ ଜିଲ୍ଲାରେ ରାଉରକେଲା ସ୍ପଞ୍ଜ୍
3-ଠାକୁର ପ୍ରସାଦ ସାଓ ଆଣ୍ଡ ସନ୍ସ
4-କେନ୍ଦୁଝର ଜିଲ୍ଲାର ଗ୍ରେୱାଲ ଆସୋସିଏଟ୍ସ ରହିଛି ।
ସେହିଭଳି ଜଗତସିଂହପୁର ଜିଲ୍ଲାର ପାରାଦୀପଠାରେ ଥିବା ଏସାର ଷ୍ଟିଲ୍ ଇଣ୍ଡିଆ ଲିମିଟେଡର ପେଲେଟ୍ କାରଖାନାକୁ ପ୍ରଦୂଷଣ ଅଧିକ ରହିଥିବା ଅଭିଯୋଗରେ ନିର୍ଦ୍ଦେଶନାମା ଜାରି ହୋଇଛି ।