ନୂଆଦିଲ୍ଲୀ, ଘରୋଇ ବିମାନ କଂପାନୀମାନେ ସେମାନଙ୍କର ଯାତ୍ରୀ ନେବାର କ୍ଷମତା ବୃଦ୍ଧି କରାଯାଇଛି। ବର୍ତ୍ତମାନ ଘରୋଇ ବିମାନ 70 ପ୍ରତିଶତ ଯାତ୍ରୀ ନେଇ ଯାଇପାରିବେ। ଏ ନେଇ ଆଜି ବେସାମରିକ ବିମାନ ଚଳାଚଳ ବିଭାଗ ତରଫରୁ ବିଜ୍ଞପ୍ତି ପ୍ରକାଶ ପାଇଛି। ଏଥିରେ କୁହାଯାଇଛି ଯେ, ବିମାନ ଯାତ୍ରୀଙ୍କ ଭିଡକୁ ଲକ୍ଷ୍ୟ କରି ଏହି ବୃଦ୍ଧି କରାଯାଇଛି ବୋଲି ବିଭାଗ ତରଫରୁ କୁହାଯାଇଛି।
ପୂର୍ବରୁ ବିମାନରେ ଯେତିକି ସିଟ୍ ରହିଛି ସେଥିରୁ 60 ପ୍ରତିଶତ ଯାତ୍ରୀ ନେବା ପାଇଁ ନିର୍ଦ୍ଦେଶ ଦିଆଯାଇଥିଲା। ହେଲେ ବିମାନ ଟିକେଟ ବୁକିଂକୁ ନଜରରେ ରଖି ଏହି ବୃଦ୍ଧି କରାଯାଇଛି। କରୋନା ସଂକ୍ରାମଣକୁ ଦୃଷ୍ଟିରେ ରଖି କେନ୍ଦ୍ର ସରକାର ବିମାନରେ ଯାତ୍ରୀ ନେବା ପାଇଁ କଟକଣା ଜାରୀ କରିଥିଲେ।
Tags: ବିମାନ ଯାତ୍ରା, ବିମାନ ଯାତ୍ରୀ
