କୋଲକାତା, ନିଶା କାରାବାର ସହିତ ସଂପୃକ୍ତି ଏବଂ କୋକେନ ରଖିବା ଅଭିଯୋଗରେ ପଶ୍ଚିମବଂଗ ପୋଲିସ ଦୁଇଜଣ ବିଜେପି ଯୁବ ନେତାଙ୍କୁ ଗିରଫ କରିଛି। ଏମାନେ ହେଲେ ପାମେଲା ଗୋସ୍ବାମୀ ଏବଂ ପ୍ରବୀର କୁମାର ଦେ। ଉଭୟଙ୍କ ପାଖରୁ ଶହେ ଗ୍ରାମର କୋକେନ ଜବତ କରାଯାଇଛି ବୋଲି ପୋଲିସ କହିଛି। ପାମେଲା ଭାରତୀୟ ଜନତା ଯୁବ ମୋର୍ଚ୍ଚାର ରାଜ୍ୟ ସାଧାରଣ ସଂପାଦକ ରହିଥିବା ବେଳେ ଦେ ମଧ୍ୟ ଯୁବ ନେତା ଭାବେ ପରିଚିତ।
ପୋଲିସ କହିବା ଅନୁସାରେ ଉଭୟ ଏହି କାରରେ ଯାଉଥିବା ବେଳେ ସେମାନଙ୍କୁ ସନ୍ଦେହରେ ଯାଞ୍ଚ କରାଯାଇଥିଲା। ଏହିସମୟରେ ପାମେଲାଙ୍କ ହାଣ୍ଡବ୍ୟାଗରୁ ଏବଂ କାରର ଭିତର ଅଂଶରୁ ପ୍ରାୟ 100 ଗ୍ରାମ କୋକେନ ମିଳିଥିଲା। ଉଭୟଙ୍କୁ ଗିରଫ କରାଯାଇ ଜେଲ ପଠାଯାଇଛି। ଏମାନେ ପୂର୍ବରୁ ନିଶା କାରାବାରରେ ସଂପୃକ୍ତ ଥିବାର ସନ୍ଦେହ ରହିଥିଲା। ସେଥିପାଇଁ ସେମାନଙ୍କ ଚାଳିଚଳନକୁ ପୋଲିସ ଟ୍ରାକରେ ରଖିଥିଲା।
Tags: Pamela Goswami, ନିଶା କାରବାର
