କଲିକତା: ପଶ୍ଚିମବଙ୍ଗର ପ୍ରଥମ ପର୍ଯ୍ୟାୟ ନିର୍ବାଚନ ପୂର୍ବରୁ ଟିଏମସି କାର୍ଯ୍ଯାଳୟରେ ବିସ୍ଫୋରଣ ହୋଇଛି। ବାଙ୍କୁରାର ଜୟପୁରରେ ଟିଏମସି କାର୍ଯ୍ଯାଳୟ ଭିତରେ ବୋମା ବିସ୍ଫୋରଣ ହୋଇଛି। ଏଥିରେ ତିନି ଜଣ ଆହତ ହୋଇଛନ୍ତି। ଟିଏମସି ଏନେଇ ବାମ ଦଳ-କଂଗ୍ରେସ ମେଣ୍ଟ ଉପରେ ଅଭିଯୋଗ ଆଣିଛି। ହେଲେ ବୋମା ତିଆରି କରୁଥିବା ବେଳେ ଟିଏମସି କାର୍ଯ୍ଯାଳୟରେ ବିସ୍ଫୋରଣ ହୋଇଛି ବୋଲି ବିଜେପି ଅଭିଯୋଗ କରିଛି।
ତେବେ ଏହି ଘଟଣା ଉପରେ ପଶ୍ଚିମବଙ୍ଗ ରାଜ୍ୟପାଳ ଦୁଃଖ ପ୍ରକାଶ କରିଛନ୍ତି। ବଙ୍ଗଳା ପୋଲିସ ଏବଂ ସ୍ଥାନୀୟ ପ୍ରଶାସନକୁ ଏହି ଘଟଣା ଉପରେ ତଦନ୍ତ କରି କାର୍ଯ୍ୟାନୁଷ୍ଠାନ ନେବା ପାଇଁ ସ ନିର୍ଦ୍ଦେଶ ଦେଇଛନ୍ତି।
