ନୂଆଦିଲ୍ଲୀ: ହାଇଦ୍ରାବାଦରୁ ଲୋକସଭା ସାଂସଦ ଅସଦୁଦ୍ଦିନ ଓୱାଇସିଙ୍କ ଉପରେ ଆକ୍ରମଣ ପରେ କେନ୍ଦ୍ର ସରକାର ତାଙ୍କ ସୁରକ୍ଷାକୁ ବୃଦ୍ଧି କରିଛି। ସୂତ୍ର ଅନୁଯାୟୀ ସାଂସଦ ଅସଦୁଦ୍ଦିନ ଓୱାଇସିଙ୍କ ସୁରକ୍ଷା ସମୀକ୍ଷା ଭାରତ ସରକାର କରିଛନ୍ତି ଏବଂ ତାଙ୍କୁ ତୁରନ୍ତ ସିଆରପିଏଫ ର Z ବର୍ଗର ସୁରକ୍ଷା ଦେଇଛନ୍ତି। ଗୁରୁବାର ସନ୍ଧ୍ୟାରେ ଗାଜିଆବାଦର ପିଲଖୁଆ ନିକଟରେ ସାଂସଦଙ୍କୁ ଆକ୍ରମଣ କରାଯାଇଥିଲା।
ସାଂସଦଙ୍କ ଉପରେ ଆକ୍ରମଣ ପରେ ଶୁକ୍ରବାର, ଏଡିଜି (ଆଇନ ବ୍ୟବସ୍ଥା) ପ୍ରଶାନ୍ତ କୁମାର କହିଛନ୍ତି ଯେ, ବିସ୍ତୃତ ପଚରାଉଚରା ଏବଂ ସିସିଟିଭି ଫୁଟେଜରେ ଏହି ଘଟଣାରେ ଦୁଇଜଣଙ୍କର ସମ୍ପୃକ୍ତି ରହିଛି। ଉଭୟଙ୍କୁ କିଛି ଘଣ୍ଟା ମଧ୍ୟରେ ପୋଲିସ ଗିରଫ କରିଥିଲା, ଘଟଣାରେ ବ୍ୟବହୃତ ଅସ୍ତ୍ରଶସ୍ତ୍ର ଏବଂ ଏକ କାର ଜବତ କରାଯାଇଛି।
ଅନୁସନ୍ଧାନ ଅନୁଯାୟୀ, ଏକ ନିର୍ଦ୍ଦିଷ୍ଟ ଧର୍ମ ପ୍ରତି ସାଂସଦଙ୍କ ଭାଷଣଶୈଳୀରେ ଏହି ଯୁବକମାନେ ଆହତ ହୋଇଥିଲେ ବୋଲି ଏଡିଜି କହିଛନ୍ତି। ଏହି କାରଣରୁ ସେମାନେ ଏହି ଆକ୍ରମଣ କରିଥିବା ଅଭିଯୁକ୍ତମାନେ କହିଛନ୍ତି।