ଜଟଣୀ: ୪୮୦ କିଲୋ ଭାଙ୍ଗ ସହ ୩ ବେପାରୀଙ୍କୁ ଗିରଫ କଲା ରାଜ୍ୟ ଅବକାରୀ ଫ୍ଲାଇଙ୍ଗ ସ୍କ୍ୱାର୍ଡ

Published: Apr 19, 2022, 8:08 pm IST

ଜଟଣୀ: ଓଡିଶା ଅବକାରୀ କମିଶନର ଆଶିଷ କୁମାର ସିଂହ ଙ୍କ ନିର୍ଦ୍ଦେଶକ୍ରମେ ଆଜି ରାଜ୍ୟ ଅବକାରୀ ଫ୍ଲାଇଙ୍ଗ ସ୍କ୍ୱାର୍ଡ ଖୋର୍ଦ୍ଧା ଜିଲ୍ଲା ଜଟଣୀ ଥାନା ଅନ୍ତର୍ଗତ ପିତାପଲି ଛକରେ ଚଢ଼ାଉ କରି ଏକ ବଡ଼ ଧରଣର ବେଆଇନ ଭାଙ୍ଗ ଚୋରାଚାଲାଣକୁ ରୋକିବାରେ ସଫଳ ହୋଇଛି।  ଆଜି ଅପରାହ୍ନରେ ଏକ ଟାଟା ମ୍ୟାଜିକ ଗାଡ଼ିରେ ଗଜପତି ଆଡୁ ପୁରୀକୁ ଭାଙ୍ଗ ଚୋରା ଚାଲାଣ ହେଉଥିବା ବେଳେ ପିତାପଲ୍ଲୀ ଛକରେ ଉକ୍ତ ଗାଡିକୁ ମାଡ଼ି ବସିଥିଲେ ସାଧା ପୋଷାକରେ ଥିବା ଅବକାରୀ ଅଧିକାରୀ ମାନେ।

ଉକ୍ତ ଗାଡ଼ିରୁ ୪୮୦ କିଲୋ ଭାଙ୍ଗ ଜବତ ହୋଇଥିବା ବେଳେ ତିନି ଜଣ ଗିରଫ ହୋଇଛନ୍ତି।  ଗିରଫ ଅଭିଯୁକ୍ତଙ୍କ ମଧ୍ୟରୁ ୨ ଜଣ ଗଜପତି ଜିଲ୍ଲାର ହୋଇଥିବା ବେଳେ ଜଣେ ଗଞ୍ଜାମ ଜିଲ୍ଲାର ବୋଲି ଜଣା ପଡ଼ିଛି। ଉକ୍ତ ଚଢ଼ାଉରେ ଅବକାରୀ ଇନ୍ସପେକ୍ଟର ଉମାକାନ୍ତ ସ୍ୱାଇଁ, ଏଏସଆଇ ନଟବର ମଲ୍ଲିକ, ଶେଖ ସକିର ଉଲ୍ଲା, କର୍ଣ୍ଣ ଓରାମ, ଦିଲଜିତ ଦାସ, ଗୌରାଙ୍ଗ ନାୟକ ଏବଂ ଦେବାଶିଷ ବେହେରା ଆଦି ସାମିଲ ଥିଲେ।

Related posts