ବଲାଙ୍ଗିର: ଦୀର୍ଘଦୀନ ଧରି ଦେଶୀ ବନ୍ଧୁକ ତିଆରି କରି କାରବାର କରୁଥିଲେ। ହେଲେ ଟେର ପାଉ ନ ଥିଲା ପୋଲିସ। ଏତେଦିନ ପରେ ଗତକାଲି ଏହି ଦେଶୀ ବନ୍ଧୁକ ତିଆରି କାରଖାନାକୁ ଠାବ କରିବାରେ ସଫଳ ହୋଇଛି ବଲାଙ୍ଗୀର ପୋଲିସ। ବଲାଙ୍ଗୀର ଜିଲ୍ଲା ମୁରିବାହଲ ପୋଲିସ ଏହି ବେଆଇନି ବନ୍ଧୁକ କାରାବାରରେ ଚାରି ଜଣଙ୍କୁ ଗିରଫ କରିଛି।
ପୋଲିସ ଏହି ଚୋରା ବେପାରୀଙ୍କଠାରୁ ଆଠଟି ଦେଶୀ ବନ୍ଧୁକ, ଗୁଳି, କେତେକ ବିସ୍ପୋରକ ଦ୍ରବ୍ୟ ଏବଂ ବନ୍ଧୁକ ତିଆରି ଉପକରଣ ଜବତ କରିଛି। ଏ ନେଇ ପୋଲିସ ଅଧିକ ଖୋଲତାଡ କରୁଛି। ଏମାନେ କେଉଁମାନଙ୍କୁ ବନ୍ଧୁକ ଯୋଗାଇଥିଲେ, କାହା ସଂପର୍କରେ ଥିଲେ ସେ ସବୁ ତଦନ୍ତ ଚାଲିଛି।
Tags: ଦେଶୀ ବନ୍ଧୁକ, ମୁରିବାହଲ ପୋଲିସ
