ନୂଆଦିଲ୍ଲୀ: ଗର୍ଭପାତ ବିଷୟରେ ମିଥ୍ୟା ସୂଚନା ଦେଉଥିବା ଭିଡିଓଗୁଡିକ ଉପରେ ୟୁଟ୍ୟୁବ୍ ସତର୍କ ଥିବା ପରି ମନେହୁଏ। ଏଭଳି ଭିଡିଓ ଉପରେ କଟକଣା ଲଗାଇବାକୁ ୟୁଟ୍ୟୁବ ପ୍ରସ୍ତୁତି ଚଳାଇଛି। ଅସୁରକ୍ଷିତ ଗୃହ ଗର୍ଭପାତକୁ ପ୍ରୋତ୍ସାହିତ କରୁଥିବା ବିଷୟବସ୍ତୁ ହଟାଇବା ପ୍ରକ୍ରିୟା ଶୀଘ୍ର ଆରମ୍ଭ ହେବ ବୋଲି ୟୁଟ୍ୟୁବ କହିଛି। ୟୁଟ୍ୟୁବ ଅନୁଯାୟୀ, ବିଭ୍ରାନ୍ତିକର ଗର୍ଭପାତ ଭିଡିଓଗୁଡିକ ଆସନ୍ତା କିଛି ସପ୍ତାହ ମଧ୍ୟରେ ହଟାଯିବ। ମିଡିଆ ରିପୋର୍ଟ ଅନୁଯାୟୀ, ୟୁଟ୍ୟୁବ ମୁଖପାତ୍ର ଏଲିନା ଫର୍ଣ୍ଣାଡିଜ କହିଛନ୍ତି ଯେ, ଆମେ ଆମର ନୀତିକୁ ନିରନ୍ତର ସମୀକ୍ଷା କରୁଛୁ।
