କଟକ: ଆଜି ଭିଜିଲାନ୍ସ ଜଣେ ଡିଏସପି ଇନଚାର୍ଯ୍ୟଙ୍କୁ ରଙ୍ଗ ହାତରେ ଧରିଛି। ସେ ହେଉଛନ୍ତି ଢେଙ୍କାନାଳ ଜିଲ୍ଲାର ସଦର ଥାନାରେ କାର୍ଯ୍ୟରତ ଅଭିନବ ଡାଳୁଅ। ସେ ଜଣେ ବ୍ୟବସାୟୀଙ୍କଠାରୁ 30 ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ଧରିଛି। ତାଙ୍କ ହାତରୁ ଏହି ଟଙ୍କା ଜବତ କରାଯିବା ସହିତ 8ଟି ସ୍ଥାନରେ ଏକକାଳୀନ ଚଢାଉ ଜାରୀ ରହିଛି।
ଘଟଣାରୁ ଜଣାପଡିଛି ଯେ, ଅଭିନବ ଜଣେ କୋଇଲା ପରିବହନ ବ୍ୟବସାୟୀଙ୍କୁ ଧମକ ଚମକ ଦେଉଥିଲେ। ଟଙ୍କା ନ ଦେଲେ ସେ ତାଙ୍କର ପରିବହନ ବନ୍ଦ କରିଦେବେ ବୋଲି କହୁଥିଲେ। ଏଥିରେ ବ୍ୟବସାୟୀ ଡରି ତାଙ୍କୁ ପୂର୍ବରୁ 15 ହଜାର ଟଙ୍କା ଦେଇଥିଲେ। ହେଲେ ସେଥିରେ ସେ ସନ୍ତୁଷ୍ଠ ହେଲେ ନାହିଁ। ପୁଣି ଟଙ୍କା ମାଗିଲେ। ଏଥରେ ସେ 30 ହଜାର ଟଙ୍କା ଲାଞ୍ଚ ନେଲାବେଳେ ଭିଜିଲାନ୍ସ ହାତରେ ଧରାପଡିଛନ୍ତି।
