ନୂଆଦିଲ୍ଲୀ: କେନ୍ଦ୍ରୀୟ ଏଜେନ୍ସିଗୁଡିକର କାର୍ଯ୍ୟାନୁଷ୍ଠାନ ବିରୋଧରେ ନିଜର ଦୃଢ ବିରୋଧ ପ୍ରଦର୍ଶନ କରି ପପୁଲାର ଫ୍ରଣ୍ଟ ଅଫ୍ ଇଣ୍ଡିଆ (ପିଏଫ୍ଆଇ) କେରଳରେ ସକାଳୁ ସନ୍ଧ୍ୟା ପର୍ଯ୍ୟନ୍ତ ଧର୍ମଘଟ ଡାକରା ଦେଇଛି। ଏହି ସମୟରେ ପ୍ରବଳ ହିଂସାତ୍ମକ ଖବର ଆସିଛି। କେରଳରୁ ତାମିଲନାଡୁ ପର୍ଯ୍ୟନ୍ତ ଭଙ୍ଗାରୁଜା କରାଯାଉଛି, ତାମିଲନାଡୁର ବିଜେପି କାର୍ଯ୍ୟାଳୟକୁ ମଧ୍ୟ ଆକ୍ରମଣ କରାଯାଇଥିବା କୁହାଯାଉଛି। କୋଚିରେ ସରକାରୀ ବସ୍କୁ ଟାର୍ଗେଟ କରି ଭଙ୍ଗାରୁଜା କରାଯାଇଛି। ଆହୁରି ମଧ୍ୟ, ତିରୁବନନ୍ତପୁରମରେ ଭଙ୍ଗାରୁଜା ଖବର ସାମ୍ନାକୁ ଆସୁଛି।
ଏନ୍ଆଇଏ ନେତୃତ୍ୱରେ ବିଭିନ୍ନ ଏଜେନ୍ସି ଦ୍ୱାରା ସେମାନଙ୍କ କାର୍ଯ୍ୟାଳୟ, ନେତାଙ୍କ ଘର ଏବଂ ଅନ୍ୟାନ୍ୟ ପରିସର ଉପରେ ହୋଇଥିବା ଚଢାଉ ବିରୋଧରେ ପିଏଫ୍ଆଇ କାର୍ଯ୍ୟକର୍ତ୍ତାମାନେ କେରଳରେ ବିକ୍ଷୋଭ ପ୍ରଦର୍ଶନ କରିଛନ୍ତି। ଦେଶରେ ଆତଙ୍କବାଦୀ କାର୍ଯ୍ୟକଳାପକୁ ଅର୍ଥ ପ୍ରଦାନ ଅଭିଯୋଗରେ PFI ଉପରେ ଏହି ଚଢାଉ କରାଯାଇଥିଲା।