ନୂଆଦିଲ୍ଲୀ: ଗୁଜୁରାଟ ନିର୍ବାଚନକୁ ନେଇ ଆତଙ୍କବାଦ ବିରୋଧୀ ସ୍କ୍ବାଡ (ଏଟିଏସ) ର ବଡ କାର୍ଯ୍ୟାନୁଷ୍ଠାନ ଆରମ୍ଭ ହୋଇଛି। ରାଜ୍ୟର ୧୩ ଟି ଜିଲ୍ଲାର ୧୦୦ ରୁ ଅଧିକ ସ୍ଥାନରେ ଏଟିଏସ୍ ଚଢାଉ ଜାରି ରହିଛି। ଗତ ରାତି ଠାରୁ ଏହି ଚଢାଉ ଜାରି ରହିଛି।
ସୂଚନାନୁସାରେ, ଗୁଜୁରାଟ ଏଟିଏସ୍ ଜିଏସ୍ଟି ବିଭାଗ ସହ ମିଳିତ ଅପରେସନ୍ ଚଳାଉଛି ଏବଂ ସୁରଟ, ଅହମ୍ମଦାବାଦ, ଜାମନଗର, ଭରୁଚ ଏବଂ ଭାବନଗର ଭଳି ଜିଲ୍ଲାରେ ଏପର୍ଯ୍ୟନ୍ତ ୧୫୦ ଟି ସ୍ଥାନରେ ଚଢାଉ କରାଯାଇଛି। ଆନ୍ତର୍ଜାତୀୟ ମାର୍ଗରେ ଟିକସ ଫାଙ୍କିବା ଏବଂ ଅର୍ଥ କାରବାର ସମ୍ପର୍କରେ ଏହି ଚଢାଉ କରାଯାଉଛି।
