ଖୋର୍ଦ୍ଧା: ଆଜି ସକାଳେ ଖୋର୍ଦ୍ଧା ଟାଉନ ଥାନା ଅନ୍ତର୍ଗତ ଖୋର୍ଦ୍ଧା-ଜଟଣୀ ବାଇପାସ ଠାରେ ଚଢ଼ାଉ କରି ଏକ ଜୀବନ୍ତ ବଜ୍ରକାପ୍ତା ଉଦ୍ଧାର କରିବା ସହ ତିନି ଜଣ ଅଭିଯୁକ୍ତଙ୍କୁ ଗିରଫ କରିଛି ଏସଟିଏଫ। ସୂଚନା ମୁତାବକ ଖୋର୍ଦ୍ଧା-ଜଟଣୀ ବାଇପାସ ଠାରେ ବଜ୍ରକାପ୍ତା ଚୋରା ଚାଲାଣ ଖବର ପାଇ ଖୋର୍ଦ୍ଧା ବନବିଭାଗର ସହଯୋଗରେ ଏସଟିଏଫ ଆଜି ସକାଳେ ଚଢ଼ାଉ କରିଥିଲା। ଚଢ଼ାଉ ବେଳେ ଏକ ଜୀବନ ବଜ୍ରକାପ୍ତା ସହ ଅନ୍ୟାନ୍ୟ ଆପତ୍ତିଜନକ ଜିନିଷଏସଟିଏଫ ଜବତ କରିଥିଲା।
ଏହି ମାମଲାରେ ତିନି ଜଣ ଗିରଫ ହୋଇଛନ୍ତି। ଗିରଫ ଅଭିଯୁକ୍ତମାନେ ହେଲେ କଟକ ଜିଲ୍ଲା ବଡମ୍ବା ଥାନା ଅଞ୍ଚଳର ସାଧୁଚରଣ ମହାନ୍ତି, ବିଜୟ କୁମାର ପରିଡ଼ା ଏବଂ ରାୟଗଡା ଜିଲ୍ଲା ବି ନାରାୟଣପୁର ଥାନା ଅଞ୍ଚଳର କସ୍ତି କଡ଼ରକା।
ଜବତ ବଜ୍ରକାପ୍ତାକୁ ଖୋର୍ଦ୍ଧା ବନବିଭାଗକୁ ହସ୍ତାନ୍ତର କରାଯାଇଥିବା ବେଳେ ଗିରଫ ଅଭିଯୁକ୍ତମାନଙ୍କ ବିରୁଦ୍ଧରେ କେସ ନମ୍ବର ୨୮/୨୨ ରେ ଏକ ମାମଲା ରୁଜୁ କରାଯାଇ ଖୋର୍ଦ୍ଧା ଏସଡ଼ିଜେଏମ କୋର୍ଟ ଚାଲାଣ କରାଯାଇଥିବାର ଏସଟିଏଫ ସୂଚନା ଦେଇଛି।