ଜଙ୍କିଆ: ଖୋର୍ଦ୍ଧା ଜିଲ୍ଲା ଜଙ୍କିଆ ଥାନା ଅଞ୍ଚଳରୁ ଚିତାବାଘ ଛାଲ ଜବତ କରିବା ସହ ଜଣେ ଅଭିଯୁକ୍ତଙ୍କୁ ଗିରଫ କରିଛି ଏସଟିଏଫ। ଏ ନେଇ ଆଜି ଏସଟିଏଫ ପକ୍ଷରୁ ସୂଚନା ମିଳିଛି।
ସୂଚନା ମୁତାବକ ଗତକାଲି ରାତିରେ ଜଙ୍କିଆ ଥାନା ହଜ ଗ୍ରାମ ନିକଟରେ ଏସଟିଏଫ ବନବିଭାଗ ସହାୟତାରେ ଚଢ଼ାଉ କରି ଉମେଶ ରଥ ନାମକ ଅଭିଯୁକ୍ତଙ୍କୁ ଗିରଫ କରିବା ସହ ତାଙ୍କ ନିକଟରୁ ଚିତାବାଘ ଛାଲ ଜବତ କରିଥିଲା। ଏହି ପରିପ୍ରେକ୍ଷୀରେ ଅଭିଯୁକ୍ତଙ୍କ ବିରୁଦ୍ଧରେ ଏସଟିଏଫ କେସ ନମ୍ବର ୩୦/୨୨ ରେ ମାମଲା ରୁଜୁକରି କୋର୍ଟଚାଲାଣ କରିଥିବା ବେଳେ ଜବତ ଚିତାବାଘ ଛାଲକୁ ଦେହେରାଡୁନ ସ୍ଥିତ ଭାରତୀୟ ବନ୍ୟପ୍ରାଣୀ ଶିକ୍ଷାନୁଷ୍ଠାନକୁ ଅଧିକ ପରୀକ୍ଷା ପାଇଁ ପଠାଇଛି।
