ଭୁବନେଶ୍ବର : ନବ ଦାସ ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ଗୋପାଳ ଦାସ ଆଜି ଓଡିଶା ଫେରିବ ବୋଲି ଜଣାପଡିଛି। ତାହାର ନାର୍କୋ ଟେଷ୍ଟ କରିବା ପାଇଁ ଗୁଜରାଟ ଗାନ୍ଧୀନଗରକୁ ନିଆଯାଇଥିଲା। ଏଥିପାଇଁ ତିନି ଦିନ ହେବ କ୍ରାଇମବ୍ରାଞ୍ଚ ଏଡିଜି ଅରୁଣ ବୋଥ୍ରାଙ୍କ ନେତୃତ୍ବରେ ଆଠ ଜଣିଆ ଦଳ ଗାନ୍ଧୀନଗରରେ କ୍ୟାମ୍ପ କରିଥିଲେ।
ପୂର୍ବରୁ ପଲିଗ୍ରାଫ ଟେଷ୍ଟ ସରିିଥିବାବେଳେ ଗତକାଲି ତାହାର ସ୍ବାସ୍ଥ୍ୟ ପରୀକ୍ଷା ପରେ ନାର୍କୋ ଟେଷ୍ଟ କରାଯାଇଥିଲା। ଅଚେତ ଅବସ୍ଥାରେ ବିଭାଗ ପକ୍ଷରୁ କରାଯାଇଥିବା ବିଭିନ୍ନ ପ୍ରଶ୍ନର ଉତ୍ତର ଗୋପାଳ ରଖିଥିବା ଜଣାପଡିଛି। ରିମାଣ୍ଡ ଅବଧି ଶେଷ ହୋଇ ଆସୁଥିବାବେଳେ ରବିବାର ସୁଦ୍ଧା ଗୋପାଳକୁ ଧରି କ୍ରାଇମବ୍ରାଞ୍ଚ ଦଳ ଓଡିଶା ଫେରିବ ବୋଲି ସୂଚନା ମିଳିଛି।
