କୈଳାଶ ଚନ୍ଦ୍ର ଚୌଧୁରୀ
ବ୍ରହ୍ମପୁର: ବଡ଼ବଜାର ଥାନା ଅନ୍ତର୍ଗତ ଶ୍ରୀକ୍ଷେତ୍ର ବିହାର ମୁଖ୍ୟ ରାସ୍ତାରେ ଦୁଇ ଜଣ ଯୁବକ ଓ ଯୁବତୀ କଥା ହେଉଥିବା ବେଳେ ହଠାତ୍ ଜଣେ ଖଣ୍ଡାଧାରୀ ଯୁବକ ଉକ୍ତ ଦୁଇ ଜଣଙ୍କୁ ଅତର୍କିତ ଭାବେ ଚୋଟ ପରେ ଚୋଟ ପକାଇ ଚାଲିଯାଇଥିଲା। ଜୀବନ ବଞ୍ଚାଇବା ପାଇଁ ଗୁରୁତର ଅବସ୍ଥାରେ ଉଭୟ ନିକଟସ୍ଥ ଏକ ଘର ଭିତରେ ପସିଯାଇଥିଲେ। ଯାହାପରେ ଆକ୍ରମଣକାରୀ ଯୁବକ ସେଠାରୁ ଫେରାର ହୋଇଯାଇଥିଲା।
ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଆହତ ଦୁଇଙ୍କୁ ଉଦ୍ଧାର କରି ଚିକିତ୍ସା ନିମନ୍ତେ ଡାକ୍ତରଖାନାକୁ ପଠାଇ ଥିଲେ ଓ ଘଟଣାର ଅନୁସନ୍ଧାନ ଚଳାଇଛନ୍ତି। ଆହତ ଯୁବକ ଜଣକ ରାଜେଶ କୁମାର ରାଉତ ଓ ଯୁବତୀ ଜଣକ ମୋନିକା ନାୟକ ବୋଲି ଜଣାପଡିଛି। ପୁର୍ବ ଶତ୍ରୁତା ଯୋଗୁଁ ଏହି ଭଳି ଘଟଣା ଘଟିଥିବା ଜଣାପଡିଛି।