ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗତ ୨୨ ତାରିଖ ଭୋର୍ ସକାଳେ ନୀଳକଣ୍ଠ ନଗର ହାଉସିଂ ବୋର୍ଡ କଲୋନୀ ଅଞ୍ଚଳର କେ ରଜନୀ ନାମ୍ନୀ ଜନୈକା ବୃଦ୍ଧା ମହିଳା ପ୍ରାତଃ ଭ୍ରମଣ କରୁଥିବାବେଳେ ଶିବାଶକ୍ତି ସିନେମା ହଲ ଛକରେ ତିନି ଯୁବକ ମୋଟରସାଇକେଲରେ ଆସି ସେ ପିନ୍ଧିଥିବା ଦୁଇଟି ସୁନା ଚେନ ଝାମ୍ପି ଘଟଣାସ୍ଥଳରୁ ଚମ୍ପଟ୍ ମାରିଥିଲେ। ଏହି ଭଳି ଘଟଣାର ଶୀକାର ମହିଳା ଜଣଙ୍କ ବଡ଼ବଜାର ଥାନାରେ ଅଭିଯୋଗ କରିଥିଲେ।
ପୋଲିସ ଅଭିଯୋଗ ଗ୍ରହଣ କରି ମାମଲାର ତଦନ୍ତ କରି ନିକଟସ୍ଥ ସିସିଟିଭି କ୍ୟାମେରା ଫୁଟେଜକୁ ଆଧାର କରି ଅନୁସନ୍ଧାନ ଚଳାଇ ଟାଉନ ଥାନା ଅଞ୍ଚଳର ସେଖ୍ ଜାହିଦ୍ ଓ ସେଖ ବାବୁ ନାମକ ଦୁଇ ଯୁବକକୁ ଅଟକ ରଖିଥିଲା। ଜେରା କରିବା ବେଳେ ସେମାନଙ୍କ ଠାରୁ ପୋଲିସ ସୁନା ଚେନ ଜବତ କରିଥିଲା ଓ ସହଯୋଗ କରିଥିବା ଜଣେ ନାବାଳକକୁ ସ୍ବତନ୍ତ୍ର ବାଳ ସୁଧାର ଗୃହକୁ ପଠାଇଥିଲା। ଉକ୍ତ ଦୁଇ ଯୁବକକୁ ଗିରଫ କରି କୋର୍ଟ ଚାଲାଣ କରାଯାଇଛି।