Tag: କୋର୍ଟ ଚାଲାଣ

ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବିଦେଶରେ ଚାକିରିର ଲୋଭ ଦେଖାଇ ଲକ୍ଷାଧିକ ଟଙ୍କା ଠକେଇ ଅଭିଯୋଗରେ ୩ ଜଣ ଯୁବକଙ୍କୁ ବ୍ରହ୍ମପୁର ପୋଲିସ ଗିରଫ କରି କୋର୍ଟ ଚାଲାଣ କରିଛି।

ବ୍ରହ୍ମପୁର ଏସ୍ ପି ଡଃ ସର୍ବଣା ବିବେକ ଏମ୍ ଠାରୁ ପ୍ରକାଶ ଯେ, ଗିରଫ ଯୁବକ ମାନେ ହେଉଛନ୍ତି ଗୋଳନ୍ଥରା ଥାନା ଅନ୍ତର୍ଗତ କୋଠାରୀସିଂ ଗ୍ରାମର ମୋହନ ରେଡି, ଆନ୍ଧ୍ରପ୍ରଦେଶ ଶ୍ରୀକାକୁଲମ ଜିଲ୍ଲାର ପି ସିମାଞ୍ଚଳମ୍ ଓ ଟି ଦିଲେଶ୍ଵର ରାଓ ଓ ଏହି ୩ ଯୁବକ କେନିୟାରେ ମାସିକ ୫୦ ହଜାର ଟଙ୍କା ଦରମାର ଚାକିରି ଲୋଭ ଦେଖାଇ ବିଭିନ୍ନ ବେକାର ଯୁବକ ମାନଙ୍କ ଠାରୁ ପ୍ରାୟ ୧୦ ଲକ୍ଷ ଟଙ୍କା ଠକି ନେଇଥିବା ଖଲ୍ଲିକୋଟ ଥାନା ଅନ୍ତର୍ଗତ ଲଙ୍ଗଳେଶ୍ବର ଅଞ୍ଚଳର ପ୍ରଭାତ କୁମାର ଦଳେଇଙ୍କ ଠାରୁ ଅଭିଯୋଗ ପାଇ ବିଭିନ୍ନ ଉପାୟରେ ଅନୁସନ୍ଧାନ ଚଳାଇ ଉକ୍ତ ଅଭିଯୁକ୍ତ ମାନଙ୍କୁ ବିଭିନ୍ନ ସ୍ଥାନରୁ ଉଠାଇ ଆଣି ଜେରା କରିବା ପରେ ଏହି ଠକେଇ ସଂକ୍ରାନ୍ତରେ ରାଜି ହେଇଥିଲେ।

ତଦନ୍ତ ବେଳେ ପୋଲିସ ଅଭିଯୁକ୍ତ ମାନଙ୍କ ଠାରୁ ପୋଲିସ ୯୨ ଟି ପାସପୋର୍ଟ ଓ ୨୦ଟି ପର୍ଯ୍ୟଟକ ଭିସା ଜବତ୍ କରିଛନ୍ତି ଓ ଅଭିଯୋଗକାରୀ ପ୍ରଭାତ ଠାରୁ ଅଭିଯୋଗ ଗ୍ରହଣ କରି କେଶ୍ ନଂ ୩୪/୨୪ ଅନୁଯାୟୀ ମାମଲା ରୁଜୁ କରି ଘଟଣାର ଚଳାଇ ଅଭିଯୁକ୍ତ ମାନଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଗତ ଜୁନ ୨୮ ତାରିଖରେ ଗଞ୍ଜାମ ଜିଲ୍ଲା ମହୁଡା ଗ୍ରାମରେ ଘଟିଥିବା ଡବଲ୍ ମର୍ଡର ଘଟଣାରେ ଅଭିଯୁକ୍ତ ୩ ଯୁବକ ଯଥା ପୁର୍ବତନ ସରପଞ୍ଚ ସଞ୍ଜୟ ସାହୁ, ପବିତ୍ର ନାହାକ ଓ ଅପୁର୍ବ ବସ୍ତିଆଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଛି।

ଘଟଣାରୁ ପ୍ରକାଶ ଯେ, ଉକ୍ତ ହତ୍ୟାକାଣ୍ଡରେ ନିହତ ଲାଠୀ ଗ୍ରାମର ଶିବରାମ ଗୌଡ଼ ଓ ବିଘ୍ନରାଜ ପୁରୋହିତ ଦୁଇ ଜଣ ଭଲ ସାଙ୍ଗ ଓ ଉଭୟେ ମିଶି ମହୁଡା ଗ୍ରାମରେ ବେଳେ ବେଳେ ମଦ ପିଇ ଗଣ୍ଡଗୋଳ କରିବା ସହ ଝିଅ ଓ ମହିଳା ମାନଙ୍କୁ ଅଶ୍ଳୀଳ ଇଙ୍ଗିତ କରୁଥିଲେ। ଏହି ଭଳି ପରିସ୍ଥିତିରେ ମହୁଡା ଗ୍ରାମ ବାସୀନ୍ଦା ଅତିଷ୍ଠ ହୋଇ ଏହି ଦୁଇ ଯୁବକଙ୍କୁ ମାଡ଼ ମାରିବାର ଯୋଜନା କରିଥିଲେ।

ଇତ୍ୟବସରରେ ଘଟଣା ଦିନ ନିହତ ଦୁଇ ଯୁବକ ମହୁଡା ଗ୍ରାମରେ ଏକ ଭୋଜି କାର୍ଯ୍ୟକ୍ରମ ଚାଲିଥିବା ବେଳେ ମଦ ନିଶାରେ ସେଠାରେ ଗଣ୍ଡଗୋଳ ଆରମ୍ଭ କରିଥିଲେ। ଯ’ଦ୍ଵାରା ଗ୍ରାମର କିଛି ଲୋକ ଅତିଷ୍ଠ ହୋଇ କାତି, ଖଣ୍ଡା, ବିଅର୍ ବୋତଲ ଓ ଠେଙ୍ଗାରେ ଆକ୍ରମଣ କରିଥିଲେ। ଫଳରେ ଉଭୟ ଙ୍କ ମ୍ରୁତ୍ୟୁ ଘଟିଥିଲା।

ଉକ୍ତ ଦୁଇ ଯୁବକଙ୍କୁ ହତ୍ୟା ପରେ ପ୍ରମାଣ ନଷ୍ଟ କରିବା ପାଇଁ ଅଖାରେ ଗୋଡ଼େଇ ସେମାନେ ଆଣିଥିବା ମୋଟରସାଇକେଲରେ ଗାଁ ରେ ଅବସ୍ଥିତ ଗ୍ରାମଦେବତୀ ମନ୍ଦିର ପାଖରେ ନେଇ ଗାଡ଼ି ଓ ଦୁଇ ଯୁବକଙ୍କୁ ପେଟ୍ରୋଲ ଢ଼ାଳି ନିଆଁ ଲଗାଇ ଚାଲି ଆସିଲେ।

ଖବର ପାଇ ପୋଲିସ ଓ ସାଇଣ୍ଟିଫକ୍ ଟିମ୍ ଘଟଣାସ୍ଥଳରେ ପହଞ୍ଚି ଶବ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇବା ସହ ପରିବାର ଲୋକଙ୍କ ଠାରୁ ଏତଲା ଗ୍ରହଣ କରି କେଶ୍ ନଂ୨୩୫/୨୩ ଅନୁଯାୟୀ ହତ୍ୟା ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲେ ଓ ଶେଷରେ ଅଭିଯୁକ୍ତ ମାନଙ୍କୁ ଗିରଫ କରିବାରେ ସଫଳ ହୋଇଛନ୍ତି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଆଜି କୋଦଳା ବସ୍ ଷ୍ଟାଣ୍ଡରେ ଭୁବନେଶ୍ୱର ଠାରୁ ପୋଲସରା ଯାଉଥିବା ବସ୍ କୁ ଅଟକାଇ କୋଦଳା ଥାନା ଅଧିକାରୀ ଉମାକାନ୍ତ ସାହୁ ସନ୍ଦେହ ରେ ଯାଞ୍ଚ କରିଥିଲେ। ଯାଞ୍ଚ ବେଳେ ଡ଼୍ରାଇଭର ଜଣଙ୍କ ଅତ୍ୟଧିକ ମଦ୍ୟପାନ କରି ଗାଡ଼ି ଚଳାଉଥିବା ଜଣାପଡିବା ପରେ ଗାଡ଼ିକୁ ଶ୍ରୀ ସାହୁ ଅଟକ ରଖିଥିଲେ। ଏବଂ ଡ଼୍ରାଇଭରକୁ ଓହ୍ଲାଇ ପରୀକ୍ଷା କରିବା ବେଳେ ସେ ମାତ୍ରାଧିକ ମଦ୍ୟପାନ କରିଥିବା ଜଣାପଡ଼ିଥିଲା। ଉକ୍ତ ବସ୍ ରେ ୨୦ ଜଣ ଯାତ୍ରୀ ବସିଥିଲେ।

ଥାନା ଅଧିକାରୀଙ୍କ ସୁଚିନ୍ତିତ ବୁଦ୍ଧି ଯୋଗୁଁ ବଡ଼ ଧରଣର ଅଘଟଣ ଟଳି ପଡିଛି ଓ ଥାନା ଅଧିକାରୀଙ୍କ ଏହିଭଳି ପଦକ୍ଷେପ ପାଇଁ ଅଞ୍ଚଳ ବାସିନ୍ଦା ପ୍ରଶଂସା କରିଛନ୍ତି।

ସୁଚନା ଥାଉକି ବସ୍ ଚାଳକ ରମେଶ ମହାରଣା ରଣପୁର ଥାନା ଅନ୍ତର୍ଗତ ସୁନାଖଳା ଅଞ୍ଚଳର ଓ ତାକୁ ଥାନା ଏତଲା ନଂ ୨୯୪/୨୩ ଧାରା ଭାରତୀୟ ପିଙ୍ଗଳ କୋଡ଼୨୭୯ ଓ ମୋଟର ଯାନ ନିୟମ ୪୮୫ ଅନୁଯାୟୀ ମାମଲା ରୁଜୁ କରି ପୋଲିସ କୋର୍ଟ ଚାଲାଣ କରିଛି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ବ୍ରହ୍ମପୁର ଏସ୍ ପି ଡଃ ଶ୍ରବଣ କୁମାର କୌଣସି ସୂତ୍ରରୁ ଖବର ପାଇ ଏକ ଟିମ୍ ଗଠନ କରି ଗୋଟିଏ ନକଲି ମଦ ତିଆରି କାରଖାନାକୁ ଚଢ଼ାଉ କରି ବହୁ ପରିମାଣର ନକଲି ମଦ, ୩୫ ଲିଟର ସ୍ପିରିଟ, ୭୫୦ ଟି ଗ୍ୟାସ୍ ବୋତଲ, ୩ ହଜାରରୁ ଉର୍ଦ୍ଧ୍ବ ଲେବଲ୍ ଓ ଏହା ହଜାରରୁ ଉର୍ଦ୍ଧ୍ବ ବିଭିନ୍ନ କମ୍ପାନୀର ନକଲି ଷ୍ଟିକର ଗୋଟିଏ ଅଟୋ ଓ ପେକିଙ୍ଗ୍ ମେସିନ ଜବତ୍ କରିଥିଲେ। ପ୍ରସ୍ତୁତ କରୁଥିବା ବୁଗୁଡ଼ା ଥାନା ଅନ୍ତର୍ଗତ ଗାନ୍ଧୀ ଗ୍ରାମର ଦୁଇ ଭାଇ ପ୍ରଶାନ୍ତ ଯେନା ଓ ତାରିଣୀ ଯେନାଙ୍କୁ ଘଟଣାସ୍ଥଳରୁ ଉଠାଇ ଆଣିଥିଲେ। ପରିଶେଷରେ ନକଲି ମଦ ତିଆରିର ବଳିଷ୍ଠ ପ୍ରମାଣ ମିଳିବା ପରେ ଉକ୍ତ ଦୁଇ ଭାଇଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି।

ପ୍ରକାଶ ଥାଉକି ବଡ଼ବଜାର ଥାନା ଅନ୍ତର୍ଗତ ଓମ୍ ନଗର ଅଞ୍ଚଳରେ ଏକ ପାଉଁରୁଟି କାରଖାନା ରେ ଉକ୍ତ ଦୁଇ ଭାଇ ନକଲି ମଦ ତିଆରି କରି ଗଞ୍ଜାମ ଜିଲ୍ଲାର ବିଭିନ୍ନ ଗ୍ରାମାଞ୍ଚଳକୁ ଚାଲାଣ କରୁଥିଲେ। ବିଶ୍ୱସ୍ତ ସୂତ୍ରରୁ ଖବର ପାଇ ବ୍ରହ୍ମପୁର ଏସ୍ ପି ଉକ୍ତ କାରଖାନା ଉପରେ ଚଢ଼ାଉ କରି ସଫଳତା ପାଇଛନ୍ତି।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଗୋଳନ୍ଥରା ଥାନା ଅନ୍ତର୍ଗତ ଗୋବିନ୍ଦ ନଗର ଗ୍ରାମର ସି ଏଚ୍ ରାମୁ ରେଡ଼ି ନାମକ ଜଣେ ବ୍ୟକ୍ତିଙ୍କୁ ବାଣ ବିକ୍ରି କରୁଥିବା ଅଭିଯୋଗ ରେ ଗୋଳନ୍ଥରା ପୋଲିସ ଗିରଫ କରି କୋର୍ଟ ଚାଲାଣ କରିଛି।

ଥାନା ଅଧିକାରୀ ବିବେକାନନ୍ଦ ମହନ୍ତଙ୍କ ସୁଚନା ଅନୁଯାୟୀ, ଏକ ବିଶ୍ବସ୍ତ ସୂତ୍ରରୁ ଖବର ପାଇ ନିଜେ ଥାନା ଅଧିକାରୀ ମହନ୍ତ ଏକ ଟିମ୍ ଗଠନ କରି ରାମୁ ରେଡ଼ିଙ୍କ ଦୋକାନ ଉପରେ ଚଢ଼ାଉ କରି ପ୍ରାୟ ୬୦ ହଜାର ଟଙ୍କାର ବାଣ ଜବତ କରିଛନ୍ତି ଓ ଏକ ମାମଲା ରୁଜୁ କରି ତାଙ୍କୁ କୋର୍ଟ ଚାଲାଣ କରିଛନ୍ତି।

ପ୍ରକାଶ ଥାଉକି ଗାଁ ଲୋକଙ୍କ ଆପତ୍ତି ସତ୍ତ୍ୱେ ଗତ କିଛି ବର୍ଷ ହେଲା ରାମୁ ବେଆଇନ ଭାବେ ବାଣ ବ୍ୟବସାୟ କରୁଥିଲା।

କୈଳାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ଖଲ୍ଲିକୋଟ ଥାନା ଅନ୍ତର୍ଗତ ବିକ୍ରମ ପୁର ଗ୍ରାମର ଦୀପକ୍ ପାହାଣ ନାମକ ଜଣେ ଯୁବକକୁ ବୈଦ୍ୟନାଥ ପୁର ଥାନା ପୋଲିସ୍ ଗିରଫ କରି କୋର୍ଟ ଚାଲାଣ କରିଛି।

ସୁଚନା ଥାଉକି ଦୀପକ୍ କମାପଲ୍ଲୀ ଠାରେ ଏକ ଭଡ଼ା ଘରେ ରହୁଥିବା ବେଳେ ଜନୈକା ନାବାଳିକା ସହ ପରିଚୟ ହୋଇଥିଲା ଓ ଧିରେ ଧିରେ ସମ୍ପର୍କ ବଢ଼ି ଚାଲିଥିଲା। ଏହା ମଧ୍ୟରେ ନାବାଳିକା ଜଣକ ନିଜ ମାମୁଁ ଘର ଲାଞିପଲି ଯାଇଥିଲା ବେଳେ କୌଶଳ କ୍ରମେ ଦୀପକ୍ ତାକୁ କୌଣସି ଏକ ସ୍ଥାନକୁ ନେଇ ଦୁଷ୍କର୍ମ କରିଥିଲା। ପୀଡ଼ିତା ନାବାଳିକା ଜଣକ ଏହି ବିଷୟରେ ପରିବାର ଲୋକଙ୍କୁ ଜଣାଇବା ପରେ ପରିବାର ଲୋକେ ବୈଦ୍ୟନାଥ ପୁର ଥାନା ରେ ଅଭିଯୋଗ କରିଥିଲେ ଓ ଅଭିଯୋଗକୁ ଭିତ୍ତି କରି ପୋଲିସ ପୀଡ଼ିତାର ବୟାନ ରେକର୍ଡ କରିଥିଲେ ଓ ଉଭୟଙ୍କୁ ଡ଼ାକ୍ତରୀ ମାଇନା କରିବା ପରେ ଅଭିଯୁକ୍ତ ଦୀପକ୍ କୁ ଗିରଫ କରି କୋର୍ଟ ଚାଲାଣ କରିଛି।

କନ୍ଦର୍ପ ବେହେରା

ରେଢାଖୋଲ: ଜଣେ ବିବାହିତା ମହିଳା ଶାଶୂ ଘରର ଅତ୍ୟଧିକ ଗଞଣା ସହ୍ୟ କରି ନ ପାରି ଶେଷରେ ବିଷ ପିଇ ଆତ୍ମହତ୍ୟା କରିଥିବା ଘଟଣା ନାକଟିଦେଉଳ ଥାନା ଅଂଚଳରେ ଘଟିଛି। ସେ ପଟେ ନବ ବଧୂର  ଶାଶୂ, ଶ୍ୱଶୁର ସମେତ ସ୍ୱାମୀକୁ ପୋଲିସ୍ ଗିରଫ କରି କୋର୍ଟ ଚାଲାଣ କରିଥିବା ଜଣା ପଡିଛି।

ପ୍ରକାଶ ଯେ, କିସିଣ୍ଡା ଥାନା ଉପରମୁଣ୍ଡା ଗ୍ରାମର ପ୍ରେମାନନ୍ଦ ରାଉଳଙ୍କ ଅଭିଯୋଗରୁ ପ୍ରକାଶ ଯେ, ତାଙ୍କର ଭଉଣୀ ମେନକା ରାଉଳ (୧୮)କୁ ନାକଟିଦେଉଳ ଥାନା ବିନ୍ଧପୁର ଗ୍ରାମର ଜୁଲୁ ସାହୁ(୨୨) ଗତ ବର୍ଷ ୧୦/୪/୨୦୨୨ ମଧ୍ୟ ରାତିରେ କେଉଁ ଆଡେ ଧରି ପଳାଇ ଯାଇଥିଲା। ସେ ମାସ ୧୮ ତାରିଖରେ ଝିଅର ବାପ ଘର  ଖବର ପାଇ ବିନ୍ଧପୁର ଗ୍ରାମକୁ ଉପରମୁଣ୍ଡା ଗ୍ରାମର କିଛି ଭଦ୍ର ବ୍ୟକ୍ତିକୁ ଧରି ଯାଇଥିଲେ। ସେଠାରେ ହିନ୍ଦୁ ରୀତି ନୀତି ଅନୁସାରେ ମନ୍ଦିରରେ ବିବାହ କରାଯାଇଥିଲା। କିଛି ଦିନ ସୁରୁଖୁରୁରେ ତାଙ୍କ ଭଉଣୀ ଶାଶୂ ଘରେ ଚଳିଥିଲା ହେଲେ କିଛି ଦିନ ପରେ ଶାଶୂ ଶ୍ୱଶୁର ଘର ଲୋକେ  ମେନକାକୁ ଯୌତୁକ ନିର୍ଯ୍ୟାତନା ଦେବା ଆରମ୍ଭ କରିଦେଇଥିଲେ। ଏପରିକି ଝିଅ ଘର ଲୋକେ ତା୧୨/୯ /୨୦୨୨ ରେ ଆବଶ୍ୟକୀୟ ସାମଗ୍ରୀ ଦେଇ କି ଆସିଥିଲେ। ମୋଟର ସାଇକେଲ ଏବଂ ୧ ଲକ୍ଷ ଟଙ୍କା ନ ଦେବାରୁ ଝିଅକୁ ଶ୍ୱଶୁର ଘରର ଶାଶୁ ପଦ୍ମା ସାହୁ, ଶ୍ୱଶୁର ଲୋକନାଥ ସାହୁ  ନିର୍ଯ୍ୟାତନା ଦେଇଥିବା ମେନକାର ଭାଇ ଥାନାରେ ଅଭିଯୋଗ କରିଛନ୍ତି।

ଗତ ୫ /୩/୨୦୨୩ ରାତି ୧୧ ଟାରେ  ମେନକା ବିଷ ପାନ କରିଥିବା ଝିଅର ଦେଢଶୁର ଝିଅର ଭାଇଙ୍କ ପାଖକୁ ଫୋନ୍ କରି ଜଣାଇଥିଲେ। ତୁରନ୍ତ ବିଷପାନ କରିଥିବା ମେନକା କୁ ଦେବଗଡ ଜିଲ୍ଲା ଛତାବର ଡାକ୍ତରଖାନାକୁ ନେଇଯାଇଥିବା ପୁଅର ପରିବାର ଲୋକେ କହିଥିଲେ ମଧ୍ୟ ଝିଅର ଭାଇ ଛତାବର ଡାକ୍ତରଖାନାକୁ ଯାଇଥିଲେ ମଧ୍ୟ ପାଇ ନଥିଲେ ପୁଣି ଫୋନ ରେ ଦେବଗଡ ଡାକ୍ତରଖାନାରେ ଝିଅର ମୃତ୍ୟୁ ହୋଇଥିବା ଝିଅର ଭାଇଙ୍କ ପାଖକୁ ଫୋନ୍ ଆସିଥିଲା।

ଝିଅର ଭାଇ ନାକଟିଦେଉଳ ଥାନାରେ ତାଙ୍କ ଭଉଣୀକୁ ଯୌତୁକ ପାଇଁ ହତ୍ୟା କରିଥିବା ଲିଖିତାକାରରେ ଅଭିଯୋଗ କରିଥିଲେ। ଅଭିଯୋଗକୁ ଆଧାର କରି ନାକଟିଦେଉଳ ପୋଲିସ୍ ଝିଅର ଶାଶୂ, ଶ୍ୱଶୁର ଏବଂ ସ୍ୱାମୀକୁ ଗିରଫ କରି କୋର୍ଟ ଚାଲାଣ କରିଛି। ନାକଟିଦେଉଳ ଥାନା କେସ୍ ନଂ ୩୨/୨୩  ୟୁ/ଏସ୍ ୩୦୨/୩୦୪ବି/୪୯୮(ଏ)/୩୪ପିସି ରେ ମାମଲା ରୁଜୁ କରି କୋର୍ଟ ଚାଲାଣ କରିଥିବା ଜଣା ପଡିଛି। ଜାମିନ୍ ନାମ ମଞୁର ହେବାରୁ ଜେଲ୍ ହାଜକୁ ପଠାଇ ଦିଆ ଯାଇଥିବା ନାକଟିଦେଉଳ ଥାନାଧିକାରୀ ପ୍ରକାଶ କରିଛନ୍ତି।

ଦୁଷ୍ମନ୍ତ କୁମାର ପଣ୍ଡା

କଳାହାଣ୍ଡି: କେବେ ପ୍ରେମ ପାଇଁ ଅପହରଣ ତ କେବେ ହତ୍ୟା। ପ୍ରେମରେ ଅନ୍ଧ ହୋଇ ମଣିଷ ମଣିଷର ଜୀବନ ନେବାକୁ ପଛାଉ ନାହିଁ। କଳାହାଣ୍ଡି ଜିଲ୍ଲା ଜୟପାଟଣା ଥାନା ଅଞ୍ଚଳରେ ଏଭଳି ଘଟଣା ଦେଖିବାକୁ ମିଳିଛି।

ସୂଚନା ଅନୁଯାୟୀ ଗତ ୧୮ ତାରିଖରେ ଜୟପାଟଣା ଥାନା ପୋଲୋକାମୁଣ୍ଡା ଗ୍ରାମର ଜଣେ ୧୭ ବର୍ଷୀୟ କଲେଜ ଛାତ୍ର ଦିଲୀପ ବାଗ ନିଖୋଜ ଥିବା ଜୟପାଟଣା ଥାନାରେ ଅଭିଯୋଗ ହୋଇଥିଲା। ଏ ନେଇ ପୋଲିସ ତତ୍ପରତା ଦେଖାଇବା ସହ ତୁରନ୍ତ ତଦନ୍ତ ଆରମ୍ଭ କରିଥିବା ବେଳେ ଦୁଇ ଜଣଙ୍କୁ ପ୍ରଥମେ ଅଟକ ରଖିଥିବା ପରବର୍ତ୍ତୀ ସମୟରେ ଅନ୍ୟ ଦୁଇ ଜଣଙ୍କୁ ତଦନ୍ତ ପରିସରକୁ ଆଣିଥିଲା।

ତଦନ୍ତରେ ଦୁଇ ଅଭିଯୁକ୍ତ ମୋହନ ମାଝୀ ଓ ନାବାଳକ ଡାକ୍ତର ନାଏକ ପ୍ରେମ ତ୍ରିକୋଣୀୟ ସମ୍ପର୍କରୁ ହତ୍ୟା କରିଥିଲୁ ବୋଲି ସ୍ୱୀକାର କରିଥିଲେ। ଜଣେ ଝିଅକୁ ମୃତକ ଦିଲୀପ ଓ ମୋହନ ଭଲ ପାଉଥିବା ବେଳେ ଏହି ଦୁଇ ଜଣଙ୍କ ମଧ୍ୟରେ ଝଗଡା ହେବା ସହ ହତ୍ୟାର ରୂପ ନେଇଥିଲା। ୧୮ ତାରିଖ ଦିନ ମୃତ ଦିଲୀପକୁ ମୋହନ ଓ ଡାକ୍ତର ଏକ ନାଳକୁ ନେଇ ହତ୍ୟା କରିଥିଲେ। ପୁନଶ୍ଚ ଏକ ବାଦାମ ଚାଷ ଜମିରେ ଦେଇଥିବା ବରାହ ଫାସରେ ଦିଲୀପକୁ ନେଇ ଠେଲି ଚାଲି ଆସିଥିବାବେଳେ ବରାଫାସ ଦେଇଥିବା ନିକଟସ୍ଥ ଦରଲୀପଡା ଗାଁର ଦୁଇ ଚାଷୀ ଅବତାର ମାଝୀ ଓ ଚନ୍ଦ ମାଝୀ ମୃତକ ଦିଲୀପକୁ ଦେଖି ଗୋଟିଏ ଦିନ ଲୁଚାଇବା ସହ ମୃତ ଦେହକୁ ନଦୀକୁ ଫୋପାଡ଼ି ଦେଇଥିଲେ।

ପୋଲିସ ତଦନ୍ତ କରି ଅପରାଧରେ ବ୍ୟବହୃତ ଓ ବରାହ ଫାସର ସମସ୍ତ ଜିନିଷକୁ ଜବତ କରିଛି। ତେବେ ଶନିବାର ମୁଖ୍ୟ ଅଭିଯୁକ୍ତ ସହ ଅନ୍ୟ ଦୁଇ ଜଣକୁ ମିଶାଇ ମୋଟ ଚାରି ଜଣକୁ କୋର୍ଟ ଚାଲାଣ କରିଥିବା ଏକ ସାମ୍ବାଦିକ ସମ୍ମିଳନୀରେ ଥାନା ଅଧିକାରୀ ବାସୁଦେବ ଛତ୍ରୀଆ ସୂଚନା ଦେଇଛିନ୍ତି।

ଏହି ତଦନ୍ତରେ ଅଫିସର ଏସଆଇ ଅନୀଲ କୁମାର ପାଢୀ, ଏଏସଆଇ ତ୍ରିସେନ୍ଦ୍ର ପାତ୍ର, ବିନୟ କୁମାର ବାରା, ବିପିନ କୁମାର ଝରିଆ, ହାବିଲଦାର ନାକୁ ନାଏକ, କନେଷ୍ଟବଲ ଗୌତମ ଆଗୁପତ୍ର, ହୋମଗାର୍ଡ ପବିତ୍ର ପାତ୍ର ପ୍ରମୁଖ ସଦଳ ବଳେ ସଂଗଠିତ ହୋଇ ଜଟିଳ ପରିସ୍ଥିତି ଶ୍ରୁଷ୍ଟି କରିଥିବା ଘଟଣାର ସଫଳ ତଦନ୍ତ କରି ଆଭିଯୁକ୍ତ ମାନଙ୍କୁ ଠାବ କରିବାରେ ସଫଳ ହୋଇଥିଲେ।

କୈଲାଶ ଚନ୍ଦ୍ର ଚୌଧୁରୀ

ବ୍ରହ୍ମପୁର: ବ୍ରହ୍ମପୁର ପୋଲିସ ଜିଲ୍ଲା ଅନ୍ତର୍ଗତ ବଡ଼ବଜାର ଥାନା, ନିମଖଣ୍ଡି ଥାନା ଓ ଗୋଳନ୍ଥରା ଥାନା ଅଞ୍ଚଳରେ ବିଗତ ଦିନରେ ଘଟିଥିବା ବିଭିନ୍ନ ଚୋରି ଘଟଣାରେ ୩ ଜଣ ଯୁବକକୁ ଗିରଫ କରି କୋର୍ଟ ଚାଲାଣ କରିବାରେ ବ୍ରହ୍ମପୁର ପୋଲିସ ସଫଳତା ହାସଲ କରିଛି।

ସୂଚନାଯୋଗ୍ୟ ଯେ, ବଡ଼ବଜାର ଥାନା ଅନ୍ତର୍ଗତ ଓମ୍ ନଗରରେ ଜନୈକ ବ୍ୟବସାୟୀଙ୍କ ତାଲାବନ୍ଦ ଘରୁ ଚୋରି ଅଭିଯୋଗରେ ବଡ଼ବଜାର ଥାନାରେ ୧୭/୨୩ ଅନୁଯାୟୀ ମାମଲା ରୁଜୁ, ନିମଖଣ୍ଡି ଥାନା ଅନ୍ତର୍ଗତ ଶକ୍ତି ନଗରରେ ଡଃ ଅମୁଲ୍ୟ ମିଶ୍ରଙ୍କ ତାଲାବନ୍ଦ ଘରୁ ଚୋରି ଅଭିଯୋଗରେ ନିମଖଣ୍ଡି ଥାନାରେ ୩୭/୨୩ ଅନୁଯାୟୀ ମାମଲା, ଗୋଳନ୍ଥରା ଥାନା ଅନ୍ତର୍ଗତ ବେଲକୁଦି ଗ୍ରାମର ପ୍ରହଲ୍ଲାଦ ନାୟକଙ୍କ ତାଲାବନ୍ଦ ଘରୁ ଚୋରି ଅଭିଯୋଗରେ ୫୮/୨୩ ଓ ବାଲିଆ ସାହିର କେ ଦମୟନ୍ତୀଙ୍କ ଘରୁ ଚୋରି ଅଭିଯୋଗରେ ୮୦/୨୩ ଅନୁଯାୟୀ ମାମଲା ରୁଜୁ ହେବା ପରେ ସଦର ଏସ୍ ଡି ପି ଓ ଶିବଶଙ୍କର ମହାପାତ୍ରଙ୍କ ନେତ୍ରୁତ୍ବରେ ବିଭିନ୍ନ ଥାନାର କିଛି ଅଧିକାରୀ ଓ କର୍ମଚାରୀଙ୍କୁ ନେଇ ଏକ ଟିମ୍ ଗଠନ ହୋଇଥିଲା।

ଏହି ଟିମ୍ ସବୁ ଚୋରି ଘଟଣାର ପୁଙ୍ଖାନୁପୁଙ୍ଖ ଅନୁଧ୍ୟାନ କରି ବିଭିନ୍ନ ସ୍ଥାନରେ ଚଢାଉ କରି ସଦର ଥାନା ବାଲିପଡା ଗ୍ରାମର ଏସ୍ ସନ୍ତୋଷ, ଟି ଭଜନ ଓ ଟି ଦିଲିପକୁ ଉଠାଇ ଆଣି ବିଭିନ୍ନ ସ୍ଥାନରେ ରଖି ପଚରାଉଚରା କରିବା ବେଳେ ସେମାନଙ୍କ ଠାରୁ ଉକ୍ତ ୪ ଟି ଚୋରି ଘଟଣାରେ ଲୁଟ୍ ହୋଇଥିବା ସୁନା ଓ ରୂପା ଅଳଂକାର ଜବତ କରିଛନ୍ତିି ଓ ଜବତ୍ ଅଳଙ୍କାର ମଧ୍ୟରେ୨୬୫ ଗ୍ରାମ ସୁନା ଓ ୩୫୦ ଗ୍ରାମ ରୁପା ପୋଲିସ ର ହସ୍ତଗତ ହୋଇଛି।

ଉଦ୍ଧାର ହୋଇଥିବା ସବୁ ଅଳଙ୍କାର ଗୁଡ଼ିକ ପ୍ରକ୍ରୁତ ମାଲିକଙ୍କୁ ଫେରସ୍ତ କରାଯିବ ବୋଲି ବ୍ରହ୍ମପୁର ଏସ୍ ପି ଡଃ ସର୍ବଣା ବିବେକ ଏମ୍ ଙ୍କ ଠାରୁ ପ୍ରକାଶ।

କନ୍ଦର୍ପ ବେହେରା

ରେଢାଖୋଲ: ରେଢାଖୋଲ ବନଖଣ୍ଡ ମୋଚିବାହଳ ନିକଟସ୍ଥ ବଡମାଳ ବନାଂଚଳ ଲଣ୍ଡାକୋର୍ଟ ସଂରକ୍ଷିତ ଜଙ୍ଗଲରେ ଗତ ତା ୯ ନଭେମ୍ବର ରାତିରେ ଦୁଇ ଜଣ ବାଣୁଆ ଜନ୍ତୁ ଶିକାର ପାଇଁ ଯାଇଥିବା ବେଳେ ବନବିଭାଗ ଖବର ପାଇ ଚଢଉ କରିବାକୁ ଯାଇଥିଲେ। ଦୁଇ ଜଣ ବାଣୁଆ ବନବିଭାଗର କର୍ମଚାରୀମାନଙ୍କୁ ଦେଖି ବନ୍ଧୁକ ରୁ ଗୁଳି ମାରିଥିଲେ ହେଲେ ଭାଗ୍ୟକୁ ଫରେଷ୍ଟ ଗାର୍ଡ କୈଳାସ ମିଶ୍ରଙ୍କ ଦେହରେ ନ ବାଜି ଗୁଳିଟି ଲକ୍ଷ୍ୟଚ୍ୟୁତ ହୋଇଥିଲା। ଫରେଷ୍ଟ ଗାର୍ଡ ଅଳ୍ପକେ ରକ୍ଷା ପାଇଯାଇଥିଲେ। ଏଥିରେ ସଂପୃକ୍ତି ଥିବା ଜଣେ ବାଣୁଆକୁ ବନବିଭାଗ ଧରିଥିବା ବେଳେ ଅନ୍ୟ ଅଭିଯୁକ୍ତ ନାମରେ ଚାରମାଳ ଥାନାରେ ମୋଚିବାହାଳ ଫରେଷ୍ଟର ସୁନୀଲ୍ କୁମାର ମିର୍ଦ୍ଧା ଅଭିଯୋଗ କରିଥିଲେ।

ଚାରମାଳ ପୋଲିସ୍ ଘଟଣାଟିକୁ ଗୁରୁତର ସହ ନେବା ଏବଂ ଆଉ ଜଣେ ବାଣୁଆକୁ ଧରିବା ସହ ତା ପାଖରୁ ବନ୍ଧୁକ ଓ ଆବଶ୍ୟକୀୟ ଜିନିଷ ଜବତ କରିବାରେ ସଫଳ ହୋଇଛି। ଚାରମାଳ ପୋଲିସ୍ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଥିବା ବେଳେ ଚାରମାଳ ଥାନା କେସ୍ ନଂ ୧୫୬ ତା ୧୦/୧୧/୨୦୨୨ ୟୁଏସ୍‌-୩୦୭/୫୦୬ ଆଇପିସି ଆର୍ /ଡବ୍ଲୁ ସେକସନ୍ ୨୫/୨୭ଆର୍ମସ୍ ଆଇନ୍‌ରେ ମାମଲା ରୁଜୁ ହୋଇଥିବା ଚାରମାଳ ଥାନାଧିକାରୀ ଏକ ପ୍ରେସ୍ ଇସ୍ତାହାରରେ ଜଣାଇଛନ୍ତି।

ସୁଚନା ଥାଉକି , ରେଢାଖୋଲ ବନଖଣ୍ଡ ବଡମାଳ ବନାଂଚଳ ଅନ୍ତର୍ଗତ ଲଣ୍ଡାକୋର୍ଟ ସଂରକ୍ଷିତ ଜଙ୍ଗଲ ସେରେନି ମନ୍ଦିର ପାଖ କଂପାଟ୍ ମେଂଟ୍ ନଂ ୬୪କୁ ଶିକାରୀମାନେ ଜନ୍ତୁ ଶିକାର ପାଇଁ ଯାଇଥିଲେ। ବନବିଭାଗ କୌଣସି ସୂତ୍ରରୁ ଖବର ପାଇ ରାତି ପ୍ରାୟ୧୨.୩୦ ସମୟରେ ଜଙ୍ଗଲକୁ ଶିକାରୀମାନଙ୍କୁ ଧରିବାକୁ ଯାଇଥିଲେ। ସେଇ ଜଙ୍ଗଲରେ ଶିକାରୀ ଦ୍ୱୟ ଟର୍ଚ୍ଚ ଲାଇଟ୍ ମାରୁଥିବାରୁ ବନବିଭାଗ ଜାଣି ପାରିଥିଲେ। ଏହି ଶିକାରୀମାନେ ବନବିଭାଗ କର୍ମଚାରୀମାନଙ୍କୁ ଦେଖିବା ମାତ୍ରକେ ଗୁଳିଚାଳନା କରିଥିଲେ। ସୋଭାଗ୍ୟ କୁ ବନ୍ଧୁକର ଗୁଳି ଫରେଷ୍ଟ ଗାର୍ଡ କୈଳାସ ମିଶ୍ରଙ୍କ ଦେହରେ ନ ବାଜି ଲକ୍ଷ୍ୟଚ୍ୟୁତ ହୋଇଯାଇଥିଲା। ଏକ ବଡ ଧରଣର ଦୁର୍ଘଟଣାରୁ ଫରେଷ୍ଟ ଗାର୍ଡ ବର୍ତି ଯାଇଥିଲେ। ଅଭିଯୁକ୍ତ ମୋଚିବାହାଳର ରମେଶ ପ୍ରଧାନକୁ ବନବିଭାଗ ଧରିବାରେ ସଫଳ ହୋଇଥିଲା। ତା ଠାରୁ ଏକ ଦେଶୀ ବନ୍ଧୁକ ମଧ୍ୟ ଜବତ କରିଥିଲା ବନବିଭାଗ। ଜୁଜୁମୁରା ଥାନା ବଡପାଳ ଗ୍ରାମର ସୁରେଶ ପ୍ରଧାନ ଫେରାର୍ ହୋଇଯାଇଥିଲା। ରମେଶ ଠାରୁ ଏକ ଦେଶୀ ବନ୍ଧୁକ ଜବତ କରିବା ସହ ତାକୁ ଗିରଫ କରି କୋର୍ଟ ଚାଲାଣ କରାଯାଇଥିଲା।

ଆଜି ଚାରମାଳ ପୋଲିସ୍ ସୁରେଶ ପ୍ରଧାନଙ୍କୁ ନିଜ ଗ୍ରାମ ଜୁଜୁମୁରା ଥାନା ବଡପାଳରୁ ଗିରଫ କରିବାରେ ସଫଳ ହୋଇଥିଲା। ତା ପାଖରୁ ଏହ ଦେଶୀ ବନ୍ଧୁକ, ୨ ଟି ଟର୍ଚ୍ଚ ଲାଇଟ୍, ଗନ୍ ପାଉଡର୍ ଆଦି ଜବତ କରିଥିବା ପୋଲିସ୍ ପ୍ରକାଶ କରିଛି।

କନ୍ଦର୍ପ ବେହେରା
ରେଢାଖୋଲ: ଗତ ଅପ୍ରେଲ ମାସରେ କୁଡାନାଳୀ କୋଇଲିପଦା ଜଙ୍ଗଲରୁ ୭୯ କେଜି ଗଞ୍ଜେଇ ଜବତ କରିଥିଲା ନାକଟିଦେଉଳ ପୋଲିସ୍। ହେଲେ ପୋଲିସ୍ କୁ ଚକମା ଦେଇ ଏଥିରେ ସଂପୃକ୍ତି ଥିବା ଡ୍ରାଇଭର ଘଟଣା ସ୍ଥଳରୁ ଫେରାର୍ ହେବାରେ ସକ୍ଷମ ହୋଇଥିଲା। ପୋଲିସ୍ ସେଇ ଦିନ ଠାରୁ ସେଇ ଅଭିଯୁକ୍ତକୁ ଖୋଜୁଥିଲା। ଆଜି ନାକଟିଦେଉଳ ପୋଲିସ୍ ସେଇ ଗଞ୍ଜେଇ କାରବାରରେ ସଂପୃକ୍ତି ଥିବା ଛେଣ୍ଡିପଦାର ପବିତ୍ର ମୋହନ ସାହୁକୁ ଛେଣ୍ଡିପଦାରୁ ଗିରଫ କରିବାରେ ସଫଳ ହୋଇଛି। ଆଜି ଅଭିଯୁକ୍ତକୁ କୋର୍ଟ ଚାଲାଣ କରାଯାଇଥିବା ନାକଟିଦେଉଳ ଥାନାଧିକାରୀ ପ୍ରକାଶ କରିଛନ୍ତି।

ସୂଚନା ଥାଉକି ଗତ ଅପ୍ରେଲ୍ ମାସ ୭ ତାରିଖ ସଂଧ୍ୟାରେ ରେଢାଖୋଲ ରୁ ନାକଟିଦେଉଳ ପଟକୁ ଏକ ଧଳା ଇଣ୍ଡିଗୋ କାର୍ (ଓଡି ୦୨ ଡି ୪୫୭୪) ରେ ଚୋରାରେ ଗଞେଇ ଅନୁଗୁଳ ଅଂଚଳକୁ ଆସୁଥିବାର ନାକଟିଦେଉଳ ଥାନାଧିକାରୀ ସୂଚନା ପାଇ ସଦଳବଳେ ଚରଡପଶି ନିକଟରେ ରାସ୍ତାକୁ ବନ୍ଦ କରିଦେଇଥିଲେ। ଗଞ୍ଜେଇ ବେପାରୀ ପୋଲିସ୍ ଥିବାର ଜାଣି ପାରି ସେ ଚରଡପଶି ନିକଟରୁ ଗାଡିକୁ ପଛକୁ କରି ଶିମିଳିପାଳ ଛକରୁ କୁଡାନାଳି ରାସ୍ତା ପଟକୁ ଦୃତ ଗତିରେ ଫେରାର୍ ହୋଇଯାଇଥିଲା। ପୋଲିସ୍ କାର୍ କୁ ପିଛା କରିଥିଲା।

ପୋଲିସ୍ ଆସୁଥିବା ଜାଣି ଜାମୁଜୋରି ପଂଚାୟତର କୁଡାନାଳି ନିକଟ କୋଇଲିପଦା ନିକଟସ୍ଥ ଜଙ୍ଗଲରେ କାରକୁ ଛାଡି ଡ୍ରାଇଭର ଫେରାର୍ ହେବାରେ ସକ୍ଷମ ହୋଇଥିଲା। ପୋଲିସ୍ ପହଂଚିଲା ବେଳକୁ ଡ୍ରାଇଭର ନ ଥିଲା। ପୋଲିସ୍ କାରରେ ଥିବା ଏକ ବସ୍ତାରେ ୭୯ କେଜି ଗଞେଇ ଜବତ କରିବା ସହ କାରକୁ ନାକଟିଦେଉଳ ଥାନାକୁ ଆଣିଥିଲା। କାରର୍ ଓରିଜିନାଲ୍ ଆର୍ ସି ବହି ଏବଂ ଇନସୁରାନସ୍ ଥିବାର ଜାଣି ବାକୁ ପାଇଥିଲା। କାର୍ ର ମାଲିକ ଅନୁଗୋଳ ଜିଲ୍ଲାର ବୋଲି ନାକଟିଦେଉଳ ଥାନାଧିକାରୀ ସୂଚନା ପାଇ ଯାଇଥିଲେ।

ନାକଟିଦେଉଳ ପୋଲିସ୍ ସେଇ ଦିନଠାରୁ ଗଞେଇ ଛାଡି ଫେରାର୍ ଥିବା ଅଭିଯୁକ୍ତକୁ ଖୋଜୁଥିଲା। ନାକଟିଦେଉଳ ଥାନା କେସ୍ ନଂ ୭୦-ତା୮/୪/୨୦୨୨ ୟୁ/ଏସ୍ ୨୦(ବି)(ଆଇଆଇ)(ସି)ଏନ୍‌ଡିପିଏସ୍ ଆକ୍ଟ ରେ କେସ୍ ରୁଜୁ ମଧ୍ୟ ହୋଇଥିଲା।

ସୀତାରାମ ଅଗ୍ରୱାଲ

ଟାଙ୍ଗୀ: ଖୋର୍ଦ୍ଧା ଜିଲ୍ଲା ଟାଙ୍ଗୀ ପୋଲିସ ଏକାଧିକ ଚୋରି ମାମଲାରେ ତିନି ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି। ସୂଚନା ମୁତାବକ କୁହୁଡି ଛକ କଷାକେନ୍ଦୁ ନିକଟରେ ବାଇକ୍ ଚୋରୀ ଅଭିଯୋଗ ହେବାପରେ ପୋଲିସ ତଦନ୍ତ କରି ଦୁଇ ଅଭିଯୁକ୍ତଙ୍କୁ ଗିରଫ କରିଛି। ଗିରଫ ଅଭିଯୁକ୍ତ ଦ୍ଵୟ ହେଲେ ଗୟା ନାୟକ ଓ ଅନାମ ନାୟକ।

ଅନୁରୂପ ଭାବେ କାଳୁପଡା ଘାଟ ଅଞ୍ଚଳର ଏକ ମେଡିସିନ ଷ୍ଟୋରରୁ ଚୋରି ଅଭିଯୋଗରେ ଜଣେ ଅଭିଯୁକ୍ତଙ୍କୁ ଗିରଫ କରିଛି ପୋଲିସ। ଗିରଫ ଅଭିଯୁକ୍ତ ଜଣକ ଚଣ୍ଡେଶ୍ୱର ଅଞ୍ଚଳର ମହେଶ ପ୍ରଧାନ।

ଖବର ମୁତାବକ କାଳୁପଡାଘାଟ ଅଁଳାଡି ଛକରେ ଥିବା ଜୟ ହନୁମାନ ମେଡିସିନ ଷ୍ଟୋରରୁ ସ୍କାଏଲାଇଟ୍ ଭାଙ୍ଗି ସିସିଟିଭିର ହାର୍ଡଡିସ୍କ ସାଙ୍ଗକୁ ନଗଦ ୬ ହାଜର ଟଙ୍କା ଚୋରି କରିଥିଲେ ମହେଶ। ଏ ନେଇ ଦୋକାନୀ ଜଣକ ଟାଙ୍ଗୀ ଥାନାରେ ଲିଖିତ ଅଭିଯୋଗ କରିବାପରେ ପୋଲିସ ତଦନ୍ତ କରି ମହେଶଙ୍କୁ ଗିରଫ କରି କୋର୍ଟଚାଲାଣ କରିଥିବାର ଆଇଆଇସି ବିଜୟ ମଲ୍ଲିକ ସୂଚନା ଦେଇଛନ୍ତି।

କନ୍ଦର୍ପ ବେହେରା
ରେଢାଖୋଲ: ଅନ୍ୟ ଏକ ଝିଅ ସହ ସଂପର୍କକୁ ନେଇ ନିଜ ପତ୍ନୀକୁ ମାଡ ମାରିବା ଏବଂ ନିର୍ଯ୍ୟାତନା ଦେବା ଅଭିଯୋଗରେ ପତିକୁ କିସିଣ୍ଡା ପୋଲିସ୍ ଗିରଫ କରି କୋର୍ଟ ଚାଲାଣ କରିଥିବା ଜଣା ପଡିଛି।

ପ୍ରେସ୍ ବିଜ୍ଞପ୍ତିରୁ ପ୍ରକାଶ ଯେ, କିସିଣ୍ଡା ଥାନା ତାଲବ ଗ୍ରାମର ମଙ୍ଗୁଳୁ ଦେହୁରୀଙ୍କ କନ୍ୟା ପଙ୍କଜିନୀ ଦେହୁରୀ (୨୩) କିସିଣ୍ଡା ଥାନା ଲୋଇସିଂଘ ଗ୍ରାମର ଖେଡୁ ମାଝୀଙ୍କ ପୁଅ ଇନ୍ଦ୍ରମଣୀ ମାଝୀ (୨୮)ଙ୍କ ସହ ୨୦୧୬ ରେ ପ୍ରେମ ବିବାହ କରିଥିଲେ। କାମ ଅନ୍ୱେଷଣରେ ସେମାନେ ବିବାହ ପରେ କଟକ ଜିଲ୍ଲାର ଜଗତପୁର ଠାରେ ଶ୍ରମିକ ଭାବରେ କାମ କରିବାକୁ ଚାଲି ଯାଇଥିଲେ। ବାହାଘର ୨ ବର୍ଷ ପରେ ଅନ୍ୟ ଏକ ଝିଅ ସହ ସଂପର୍କ ରଖି ନିଜ ପତ୍ନୀକୁ ନିର୍ଯାତନା ଦେବା ଆରମ୍ଭ କରିଦେଇଥିଲା ଇନ୍ଦ୍ରମଣି ମାଝୀ।

ଗତ ତା ୧୬/୧୧/୨୦୨୧ ସଂଧ୍ୟାରେ ଇନ୍ଦ୍ରମଣି ମଦ୍ୟପାନ କରି ଘରକୁ ଆସିଥିଲା ଏବଂ ପତ୍ନୀକୁ ନିର୍ଯ୍ୟାତନା ଦେବା ଦେବା ସହ ଅଶ୍ଳିଳ ଭାଷାରେ ଗାଳିଗୁଲଜ କରିବା ସହ ତାକୁ ମାଡମାରିଥିଲା। ଯା’ଫଳରେ ପତ୍ନିର ଆଖି ଓ ମୁହଁରେ ଆଘାତ ଲାଗିଥିଲା। ତାର ପତ୍ନୀ ଜଗତପୁରରୁ ଫେରିଆସି ନାକଟିଦେଉଳ ଡାକ୍ତରଖାନାରେ ପ୍ରାଥମିକ ଚିକିତ୍ସା ପରେ ୨୫/୧୧/୨୦୨୧ ରେ କିସିଣ୍ଡା ଥାନାକୁ ଯାଇ ସ୍ୱାମୀ ବିରୁଦ୍ଧରେ ଲିଖିତା କାରରେ ଅଭିଯୋଗ କରିଥିଲା।

କିସଣ୍ଡା ଥାନା କେସ୍ ନଂ ୮୦ ତା ୨୫/୧୧/୨୦୨୧ ୟୁ/ଏସ୍‌୪୯୮-ଏ/୨୯୪/୩୨୩/୫୦୬ ଆଇପିସି ରେ ମାମଲା ରୁଜୁ କରିବା ସହ ଆଜି ଇନ୍ଦ୍ରମଣିକୁ ଗିରଫ କରି କୋର୍ଟ ଚାଲାଣ କରାଯାଇଥିବା ନାକଟିଦେଉଳ ଥାନାଧିକାରୀ ଏକ ପ୍ରେସ୍ ଇସ୍ତାହାରରେ ଜଣାଇଛନ୍ତି।

ଖୋର୍ଦ୍ଧା: ଖୋର୍ଦ୍ଧା ଜିଲ୍ଲାର ୫୨୧ ଜଣ ଜାମିନି ବିହୀନ ଗିରଫ ପରୱାନା ଅଭିଯୁକ୍ତଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଛି। ରାଜ୍ୟ ଆରକ୍ଷୀ ମହାନିର୍ଦ୍ଦେଶକ ଏବଂ ଆରକ୍ଷୀ କେନ୍ଦ୍ରୀୟ ଉପ-ନିର୍ଦ୍ଦେଶକଙ୍କ ନିର୍ଦ୍ଦେଶ ମୁତାବକ ଏହି ଅଭିଯୁକ୍ତମାନଙ୍କୁ ଗିରଫ କରାଯାଇଛି।

ତେବେ ଖୋର୍ଦ୍ଧା ଆରକ୍ଷୀ ଅଧିକ୍ଷକଙ୍କ ପ୍ରତ୍ୟକ୍ଷ ତତ୍ବାବଧାନରେ ଜିଲ୍ଲାର ସମସ୍ତ ଥାନାରେ ଜାମିନି ବିହିନ ଗିରଫ ପରୱାନା ଥିବା ଅଭିଯୁକ୍ତମାନଙ୍କ ଗିରଫ ପ୍ରକ୍ରିୟା ଜାରି ରହିଥିଲା। ଜିଲ୍ଲାର ସମସ୍ତ ଆଇଆଇସି ନଭେମ୍ବର ୫ ତାରିଖରୁ ୧୪ ତାରିଖ ପର୍ଯ୍ୟନ୍ତ ଏହି ଅଭିଯୁକ୍ତମାନଙ୍କ ଗିରଫ ପ୍ରକ୍ରିୟା ଜାରି ରଖିଥିଲେ।

ଏହି ପରିପ୍ରେକ୍ଷୀରେ ବାଲୁଗାଁ ଉପଖଣ୍ଡ ଅଧୀନରେ ଥିବା ବାଣପୁର, ବାଲୁଗାଁ, ଟାଙ୍ଗୀ ଓ ନିରାକାରପୁର ଥାନା ଅଞ୍ଚଳରୁ ସମୁଦାୟ ୩୦୫ ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟଚାଲାଣ କରାଯାଇଥିବାର ଖୋର୍ଦ୍ଧା ଏସପି ରାଜକିଶୋର ଦୋରା ସୂଚନା ଦେଇଛନ୍ତି। ତନ୍ମଧ୍ୟରୁ ଟାଙ୍ଗୀ ଥାନା ଅଞ୍ଚଳରୁ ସର୍ବାଧିକ ୧୨୦ ଜଣ ଅଭିଯୁକ୍ତ ଗିରଫ ହୋଇଥିବାବେଳେ, ବାଣପୁର ଥାନା ଅଞ୍ଚଳରୁ ୧୧୧, ନିରାକାରପୁର ଥାନା ଅଞ୍ଚଳରୁ ୪୯ ଏବଂ ବାଲୁଗାଁ ଥାନା ଅଞ୍ଚଳରୁ ୨୫ ଜଣ ଅଭିଯୁକ୍ତ ଗିରଫ ହୋଇ କୋର୍ଟ ଚାଲାଣ ହୋଇଛନ୍ତି। ସେହିଭଳି ଆଦର୍ଶ ଥାନା ଅଞ୍ଚଳରୁ ୭୯ ଜଣ, ସଦର ଥାନାରୁ ୫୫ ଜଣ, ବାଘମାରି ଥାନରୁ ୨ ଜଣ, ବେଗୁନିଆ ଥାନାରୁ ୫୨ ଜଣ, ବୋଲଗଡ ଥାନାରୁ ୪୧ ଜଣ, ଜଙ୍କିଆ ଥାନାରୁ ୪୯ ଜଣ, ନିରାକାରପୁର ଥାନରୁ ୪୯ ଜଣ ଅଭିଯୁକ୍ତଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଛି।

ଖୋର୍ଦ୍ଧା ଜିଲ୍ଲା ପୋଲିସର ଉକ୍ତ କାର୍ଯ୍ୟାନୁଷ୍ଠାନ ଦ୍ୱାରା ଅପରାଧୀଙ୍କ ମଧ୍ୟରେ କୋକୁଆ ଭୟ ସୃଷ୍ଟି ହୋଇଥିବାବେଳେ ଆଗାମୀଦିନରେ ସମସ୍ତ ବିଚରାଧୀନ ଥିବା ମାମଲାଗୁଡିକର ଫଇସଲା ତ୍ୱରାନ୍ୱିତ ହେବ ବୋଲି ଆଶା କରାଯାଉଛି।

ଉଲ୍ଲେଖଯୋଗ୍ୟ ଯେ, ଖୋର୍ଦ୍ଧା ଜିଲ୍ଲା ପୋଲିସ ଏହି ସମୟ ମଧ୍ୟରେ ୫୮୩ ଗୋଟି ଜାମିନି ବିହିନ ଗିରଫ ପରୱାନା ଥିବା ଅଭିଯୁକ୍ତମାନଙ୍କୁ ଚିହ୍ନଟ କରିଥିବା ବେଳେ ୫୨୧ ଜଣଙ୍କୁ ଗିରଫ କରାଯାଇଛି ଏବଂ ଅବଶିଷ୍ଟ ୬୨ ଗୋଟି ଗିରଫ ପରୱାନା ସମ୍ପୃକ୍ତ କୋର୍ଟକୁ ପଠାଇଦିଆଯାଇଛି।

କନ୍ଦର୍ପ ବେହେରା
ରେଢାଖୋଲ: ନାକଟିଦେଉଳ ବ୍ଲକ୍ ହିତସରା ଗ୍ରାମରେ ଗଞ୍ଜେଇ ଚାଷ କରିବା ଅଭିଯୋଗରେ ୩ ଜଣଙ୍କୁ ନାକଟିଦେଉଳ ପୋଲିସ୍ ଗିରଫ କରି କୋର୍ଟ ଚାଲାଣ କରିଥିବା ଜଣା ପଡିଛି।

ସୂଚନା ଥାଉକି, କିଛି ଦିନ ତଳେ ନାକଟିଦେଉଳ ଥାନା ହିତସରା ଗ୍ରାମରେ ପ୍ରଶାସନର ମିଳିତ ଚଢଉରେ ହିତସରା ସନ୍ନିକଟ ସରକାରୀ ଜଙ୍ଗଲରୁ ୫ ଟି ପ୍ଲଟ୍ ରୁ ୩୩୫୦ ଗଞ୍ଜେଇ ଗଛ ଏବଂ ଅନ୍ୟ ଏକ ଦିନରେ ୧୧ ଡେସିମିଲ୍ ସରକାରୀ ପ୍ଲଟ୍ ରୁ ୧୪୫୦ ଗଞେଇ ଗଛକୁ ପ୍ରଶାସନ ସଂପୂର୍ଣ୍ଣ ପୋଡି ନଷ୍ଟ କରି ଦେଇଥିଲା। ଏହି ଗଞେଇ ପାକଳ ହେଲା ପରେ ବିକ୍ରି ହୋଇଥିଲେ ଏହାର ମୂଲ୍ୟ ୫୦ଲକ୍ଷ ୨୫ ହଜାର ହୋଇଥାନ୍ତା ବୋଲି ପୋଲିସ୍ କହିଛି।

ଗଞେଇ ଚାଷ କରିବା ଅଭିଯୋଗରେ ହିତସରା ଗ୍ରାମର ୫ ଜଣଙ୍କ ନାମରେ ମାମଲା ରୁଜୁ କରିଛି ନାକଟିଦେଉଳ ପୋଲିସ୍। ଆଜି ୫ ଜଣ ମଧ୍ୟରୁ ୩ ଜଣଙ୍କୁ ପୋଲିସ୍ ହିତସରା ଗ୍ରାମରୁ ଗିରଫ କରି କୋର୍ଟ ଚାଲାଣ କରିଥିବା ପୋଲିସ୍ କହିଛି।

ନାକଟିଦେଉଳ ଥାନା କେସ୍ ନଂ ୧୪୮ (ତା୧୦-୧୧-୨୦୨୧)ରେ ହିତସରା ଗ୍ରାମର ସୁମନ୍ତ ସାହୁ (୨୯), କେସ୍ ନଂ ୧୫୦ (ତା ୧୦.୧୧.୨୦୨୧) ରେ ସେଇ ଗ୍ରାମର ଶ୍ରୀବତ୍ସ ଦେହୁରୀ (୩୫), ଏବଂ କେସ୍ ନଂ ୧୫୧ (ତା ୧୦.୧୧.୨୦୨୧) ରେ ସେଇ ଗ୍ରାମର ଶ୍ରୀକର ଦେହୁରୀ (୩୧) ଙ୍କୁ ପୋଲିସ୍ ଗିରଫ କରି କୋର୍ଟ ଚାଲାଣ କରିଛି । ଏହି ଗଞେଇ ଚାଷ ଅଭିଯୋଗରେ ଆଉ ୨ ଜଣ ନାମରେ ମାମଲା ରହିଥିବା ପୋଲିସ୍ କହିଛି । ସେମାନଙ୍କୁ ଗିରଫ କରାଯିବ ବୋଲି ଜଣା ପଡିଛି ।

କନ୍ଦର୍ପ ବେହେରା
ରେଢାଖୋଲ: ବାଟଗାଁ ଅଂଚଳର ଜନୈକା ବାଳିକାକୁ ଧର୍ଷଣ କରିଥିବା ଅଭିଯୋଗରେ ଜଣେ ଯୁବକକୁ ନାକଟିଦେଉଳ ପୋଲିସ୍ ଗିରଫ କରିଛି। ଅଭିଯୋଗରୁ ପ୍ରକାଶ ଯେ, ବାଟଗାଁ ଅଂଚଳର ଜନୈକା ଯୁବତୀକୁ ନାକଟିଦେଉଳ ଥାନା ଶଙ୍କରପାଲି ଗ୍ରାମର ବିରଂଚି ନାଏକ (୨୫) ନାମକ ଯୁବକ ଦୁଷ୍କର୍ମ କରିଥିଲା।

ଏ ସଂପର୍କରେ ପିଡୀତା ଯୁବତୀର ପରିବାର ତରଫରୁ ଗତକାଲି ନାକଟିଦେଉଳ ଥାନାରେ ଲିଖିତାକାରରେ ଅଭିଯୋଗ କରିଥିଲେ। ନାକଟିଦେଉଳ ଥାନା କେସ୍ ନଂ୧୩୭ ତା.୨୫/୧୦/୨୦୨୧ ୟୁ/ଏସ୍ ୩୭୬/୫୦୬୧.ପିସି ରେ ଅଭିଯୁକ୍ତ ବିରଂଚି ନାଏକକୁ ପୋଲିସ୍ ଗିରଫ କରି ଆଜି କୋର୍ଟ ଚାଲାଣ କରିଥିବା ନାକଟିଦେଉଳ ଥାନାଧିକାରୀ ବିଧୂଭୂଷଣ ମିଶ୍ର ପ୍ରକାଶ କରିଛନ୍ତି।

ଦୁଷ୍ମନ୍ତ କୁମାର ପଣ୍ଡା
କଳାହାଣ୍ଡି: କଳାହାଣ୍ଡି ଜିଲ୍ଲା ମହାଲିଙ୍ଗ ବହୁ ଚର୍ଚ୍ଚିତ ସନସାଇନ ପବ୍ଲିକ ସ୍କୁଲ ଅଧ୍ୟକ୍ଷା ମମିତା ମେହେର ହତ୍ୟା ଘଟଣାରେ ଗୁମର ଖୋଲିବାରେ ଲାଗିଛି। ଏସଂପର୍କରେ ସମ୍ବଲପୁର ଡିଆଇଜି ଡଃ ଦୀପକ କୁମାର ଙ୍କ ନେତୃତ୍ୱରେ ବଲାଙ୍ଗୀର ପୋଲିସ ତରଫର ତନାଘନା ତଦନ୍ତ ଚାଲିଛି।

ଏହି ଘଟଣାର ମୂଖ୍ୟ ଅଭିଯୁକ୍ତ ଗୋବିନ୍ଦର ୱାଗନ ଆର ଡ୍ରାଇଭର ରାଧେଶ୍ୟାମ ଚଣ୍ଡୀ କୁ ଏହି ଘଟଣାରେ ସହଯୋଗ କରିଥିବା ଅଭିଯୋଗରେ ଗୁରବାର ବଲାଙ୍ଗୀର ପୋଲିସ ଗିରଫ କରି ବଙ୍ଗୋମୁଣ୍ଡା ଜେମଏଫସି କୋର୍ଟ ଚାଲାଣ କରିଥିବା ବେଳେ ଜାମିନ ନାମଂଜୁର ହେବାରୁ ବିଚାର ବିଭାଗୀୟ ହାଜତକୁ ପଠାଯାଇଥିବା ଜଣାପଡିଛି। ସେହିପରି ଗାତ ଖୋଲିଥିବା ଜେସିବିର ଡ୍ରାଇଭର ପୁଷ୍କର ତାଣ୍ଡି ଓ ଷ୍ଟାଡିୟମର ମୁନସି ଗୁପ୍ତେଶ୍ୱର ଭୋଇ ଙ୍କୁ ରାଜସାକ୍ଷୀ ଭାବେ ଗ୍ରହଣ କରି ପୋଲିସ ଛାଡିଦେଇଥିବା ଜଣାପଡିଛି।

ସେହିପରି ଗୁରବାର ଦିନ ସମ୍ବଲପୁର ଡିଆଇଜି ଡଃ ଦୀପକ କୁମାର ଙ୍କ ସମେତ ବଲାଙ୍ଗୀର ଓ କଳାହାଣ୍ଡି ପୋଲିସ ତରଫରୁ ବହୁ ଚର୍ଚ୍ଚିତ ମହାଲିଙ୍ଗ ସନସାଇନ ପବ୍ଲିକ ସ୍କୁଲ ସମେତ ଯୁକ୍ତ ଦୁଇ ଓ ଡିଗ୍ରୀ କଲେଜ ତଥା ହଷ୍ଟେଲ ଗୁଡିକ ପରିଦର୍ଶନ କରିଥିଲେ। ଛାତ୍ରୀ ମାନଙ୍କ ହଷ୍ଟେଲ ଭିତରେ ଏକ କୋଠରୀ ରହିଥିବା ଏବଂ ସେଠାକୁ ଅଭିଯୁକ୍ତ ଗୋବିନ୍ଦ ଅନାୟାସରେ ଯାତାୟତ କରୁଥିବା ପ୍ରାଥମିକ ତଦନ୍ତରୁ ପୋଲିସ ଜାଣିପାରିଥିବା ପ୍ରକାଶ। ଅନ୍ୟପକ୍ଷରେ ସେହି କଲେଜରେ ଛାତ୍ରୀ ମାନଙ୍କୁ ବିଭିନ୍ନ ପ୍ରକାର ପ୍ରଲୋଭନ ଦେଖାଇ ଶାରିରୀକ ଶୋଷଣ କରାଯାଉଥିବା ମଧ୍ୟ ସୋସିଆଲ ମିଡିଆରେ ଚର୍ଚ୍ଚା ହେଉଛି। ଏସବୁ ସଂପର୍କରେ ପୋଲିସ ପକ୍ଷରୁ କେତେଜଣ ଛାତ୍ର ଛାତ୍ରୀ ମାନଙ୍କୁ ଜେରା କରୁଥିବା ପ୍ରକାଶ। ମମିତା ର ନିଖୋଜ ସଂପର୍କି ରେ ପରିବାର ଲୋକେ ଅଭିଯୋଗ ପତ୍ର ଦାଖଲ କରିଥିଲେ ହେଁ ତାହା ଗ୍ରହଣ ନକରି ଫେରାଇଦେଇଥିବା ଅଭିଯୋଗରେ କେଗାଁ ଥାନା ଇନିସପେକ୍ଟର ଡମୁ ପରଜା ଙ୍କୁ ନିଲମ୍ବନ କରାଯାଇଥିବା କଳାହାଣ୍ଡି ଏସପି ଶବଚ୍ଚ ବିବେକ ଙ୍କ ସୂତ୍ରରୁ ପ୍ରକାଶ।

ଅନ୍ୟ ପକ୍ଷରେ କେଗାଁ ଥାନାକୁ ଅଭିଯୁକ୍ତ ଗୋବିନ୍ଦ ସାହୁ ବାଇକ ରେ ଆସି ଆଇଆଇସିଙ୍କ ସହ କଥାବାର୍ତା ହେବାପରେ ମମିତାଙ୍କ ପରିବାର ଲୋକେ ଦେଇଥିବା ଅଭିଯୋଗ ଗ୍ରହଣ କରିନଥିବା ଅଭିଯୋଗ ହେଉଛି। ଏପରିକି ଯେଉଁମାନେ ଗୋବିନ୍ଦର କଳାକାରନାମାକୁ ବିରୋଧ କରୁଥିଲେ ସେମାନଙ୍କୁ ଗୋବିନ୍ଦର ଇଶାରାରେ କେଗାଁ ପୋଲିସ ପକ୍ଷରୁ ଧାରା ୪୧ ଅନୁସାରେ ନୋଟିସ ଦିଆଯାଇ ଛଡାଯାଉଥିବା ମଧ୍ୟ ଅଭିଯୋଗ ହେଉଛି।

ସେହିପରି ମହାଲିଙ୍ଗ ସ୍ଥିତ ସରକାରୀ ଅନୁଦାନ ପ୍ରାପ୍ତ ଯୁକ୍ତ ଦୁଇ କଲେଜ ର ପରିଚାଲନା କମିଟୀ ରେ ଗୋବିନ୍ଦ ସାହୁ ସଭାପତି ଥିବା ବେଳେ ପାଶ୍ୱର୍ରେ ଯୁକ୍ତ ତିନି କଲେଜ ସଂପୂର୍ଣ୍ଣ ବେସରକାରୀ ଭାବେ ଗୋବିନ୍ଦ ସାହୁଙ୍କ ଦ୍ୱାରା ପରିଚାଲିତ ହେଉଥିବା ବେଳେ ସେହି ଯୁକ୍ତ ତିନି କଲେଜ କୋଠାର ଉପର ଅଂଶରେ ସନସାଇନ ପବ୍ଲିକ ସ୍କୁଲ ଚାଲୁଥିବା ଜଣାପଡିଛି। କଲେଜ ପାଇଁ ଆସୁଥିବା ଅନୁଦାନ ଏବଂ ଏହାର ପାଶ୍ୱର୍ରେ ଥିବା ଖେଲପଡିଆକୁ ହିଁ ମିନିଷ୍ଟାଡିୟମ ଭାବେ ନିର୍ମାଣ କରିବା ପାଇଁ ଆସୁଥିବା ଅନୁଦାନ ସବୁ ଗୋବିନ୍ଦ ଦ୍ୱାରା ହିଁ ପରିଚାଲିତ ହେଉଥିବା ଜଣାପଡିଛି।

ମୋଟାମୋଟୀ ଭାବେ ଉକ୍ତ ଶିକ୍ଷାନୁଷ୍ଠାନ ଗୁଡିକର ଗୋବିନ୍ଦ ହିଁ ସର୍ବେସର୍ବା ମାଲିକ ଥିବା ବେଳେ ନିଜ ମନଇଚ୍ଛା ପରିଚାଲିତ କରିବା ସହିତ ଜନୈକା ଶିକ୍ଷୟିତ୍ରୀଙ୍କ ସହିତ ପରକୀୟା ପ୍ରେମ ସଂପର୍କ ଥିବା ଆଲୋଚନା ହେଉଛି। ସେହି ଶିକ୍ଷୟୀତ୍ରିଙ୍କ ମାଧ୍ୟମରେ ଗୋବିନ୍ଦ ବିଭିନ୍ନ ପ୍ରକାର ଅସାମାଜିକ କାରବାର ଚଳାଉଥିବା ଅଭିଯୋଗ ହେଉଛି ଏବଂ ସେସବୁ ର ପ୍ରମାଣ ଭିଡିଓ କ୍ଲିପିଂ ସବୁ ମମିତା ପାଖରେ ଥିବା ହେତୁ ର୍ପମାଣ ନଷ୍ଟ କରିବା ଉଦ୍ଦେଶ୍ୟରେ ମମିତାକୁ ହତ୍ୟା କରିଦେଇଥିବା ପୋଲିସ ଆଗରେ ଗୋବିନ୍ଦ ସ୍ୱୀକାର କରିଥିବା ପୋଲିସ ସୂତ୍ରରୁ ପ୍ରକାଶ। ଗୋବିନ୍ଦକୁ ବଲାଙ୍ଗୀର ପୋଲିସ ରିମାଣ୍ଡରେ ଆଣି ଅଧିକ ତଥ୍ୟ ପ୍ରମାଣ ସଂଗ୍ରହ ପାଇଁ ତଦନ୍ତ କରୁଥିବା ଜଣାପଡିଛି। ହେଲେ ମମିତାର ମୋବାଇଲ ଏବଂ ପେନଡ୍ରାଇଭ ମିଳୁନଥିବା କୁହାଯାଉଛି। କେତେକ ଆପତ୍ତିଜନକ ଭିଡିଓ ଥବା ସନ୍ଦେହରେ ସେସବୁ ଖୋଜା ପଡିଛି। ରିମାଣ୍ଡରେ ଆଣିଥିବା ଅଭିଯୁକ୍ତ ଗୋବିନ୍ଦ ଠାରୁ ସମସ୍ତ ତଥ୍ୟ ଆଦାୟ କରିବାକୁ ପୋଲିସ ଯୋରସୋରରେ ଲାଗିପଡିଥିବା ଜଣାପଡିଛି।