ରାୟପୁର: ଛତିଶଗଡ଼ର ଗରିଆବନ୍ଦ ଜିଲ୍ଲାରେ ଆଜି ୯ ଜଣ ମାଓବାଦୀ ଆତ୍ମସମର୍ପଣ କରିଛନ୍ତି। ଏଥିରେ ଛଅ ଜଣ ମହିଳା ମାଓବାଦୀ ସାମିଲ ଅଛନ୍ତି। ସମସ୍ତ ଆତ୍ମସମର୍ପଣକାରୀ ମାଓବାଦୀଙ୍କ ପାଇଁ ମୋଟ ୪୮ ଲକ୍ଷ ଟଙ୍କାର ପୁରସ୍କାର ଘୋଷଣା କରାଯାଇଥିଲା। ଏହି ମାଓବାଦୀମାନେ ଆଜି ପୋଲିସ ମହାନିରୀକ୍ଷକ ଅମରେଶ ମିଶ୍ରଙ୍କ ସମ୍ମୁଖରେ ଆତ୍ମସମର୍ପଣ କରିଛନ୍ତି।
ଏହି ଅବସରରେ ମାଓବାଦୀମାନେ AK-47, INSAS ରାଇଫଲ୍ ଏବଂ ଅନ୍ୟାନ୍ୟ ଅସ୍ତ୍ରଶସ୍ତ୍ର ମଧ୍ୟ ହସ୍ତାନ୍ତର କରିଛନ୍ତି। ଆତ୍ମସମର୍ପଣକାରୀ ମାଓବାଦୀଙ୍କ ମଧ୍ୟରେ କମାଣ୍ଡର ଏବଂ DVCM ସ୍ତରୀୟ ମାଓବାଦୀ ସାମିଲ ଥିଲେ। ଏହି ଅବସରରେ IG ଅମରେଶ ମିଶ୍ର କହିଛନ୍ତି ଯେ, ଏବେ ଗରିଆବନ୍ଦ ଜିଲ୍ଲାରେ କୌଣସି ସକ୍ରିୟ ମାଓବାଦୀ ନାହାନ୍ତି।