ଗୋପ : ରାଜ୍ୟରେ ଅପରାଧ ଥମିବାର ନାଁ ନେଉନାହିଁ । ପୋଲିସର ଏନକାଉଣ୍ଟର ପରେ ବି ଅପରାଧୀ ମାନେ ଡରୁନାହାନ୍ତି । ପୁରୀ ଜିଲ୍ଲା ଗୋପରୁ ଏକ ପ୍ରାଣାନ୍ତକ ଆକ୍ରମଣର ଖବର ଆସିଛି । ମିଳିଥିବା ସୂଚନା ଅନୁସାରେ ପୁରୀ ଜିଲ୍ଲା ଗୋପ ଥାନା ଅଞ୍ଚଳରେ ଗତକାଲି ମଧ୍ୟ ରାତ୍ରୀରେ ଜଣକୁ ପ୍ରାଣାନ୍ତକ ଆକ୍ରମଣ ହୋଇଛି। ଦୁର୍ବୃତ୍ତଙ୍କ ଆକ୍ରମଣରେ ସଂପୃକ୍ତ ବ୍ୟକ୍ତି ଲହୁଲୁହାଣ ହୋଇଯାଇଛନ୍ତି। ଆକ୍ରମଣ ପରେ ଦୁର୍ବୃତ୍ତମାନେ ଘଟଣାସ୍ଥଳରୁ ଫେରାର ମାରିଥିଲେ।
ସୂଚନା ଅନୁସାରେ ଆକ୍ରମଣର ଶିକାର ହୋଇଥିବା ବ୍ୟକ୍ତି ଜଣକ ହେଉଛନ୍ତି ଜମି ବ୍ୟବସାୟୀ ଚଗଲା ମଲ୍ଲିକ । ଦୁଇ ଦିନ ତଳେ ତାଙ୍କୁ ଦୁଇ ଜଣ ଦୁର୍ବୃତ୍ତ ବଟି ମାଗିଥିଲେ। ବଟି ଦେବା ପାଇଁ ସେ ସିଧା ମନ କରିଦେଇଥିବାରୁ ଦୁର୍ବୃତ୍ତମାନେ ଭୁଜାଲିରେ ଆକ୍ରମଣ କରିଛନ୍ତି। ଏହି ଆକ୍ରମଣରେ ତାଙ୍କ ପାପୁଲି ଓ ଆଙ୍ଗୁଠି ଛିଡି ଯାଇଛି ।
ସୂଚନା ପାଇ ପୁଲିସ ଘଟଣାସ୍ଥଳରେ ପହଞ୍ଚି ଗୁରୁତର ବ୍ୟକ୍ତିଙ୍କୁ ଉଦ୍ଧାର କରିଛି। ଗୁରୁତର ବ୍ୟକ୍ତିଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି। ପୁଲିସ ଏକ ମାମଲା ରୁଜୁ କରି ଘଟଣାର ଛାନ୍ଭିନ ଜାରି ରଖିଛି।