ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: ସଦରଥାନା ତଥା ନିମଖଣ୍ଡି ଫାଣ୍ଡି ଅନ୍ତର୍ଗତ ଶକ୍ତିନଗର ଅଂଚଳରେ ବର୍ତ୍ତମାନ ଚୋରିସଂଖ୍ୟା ବୃଦ୍ଧି ପାଇବାରେ ଲାଗିଛି। ଚୋରମାନେ ଏହି ଅଂଚଳକୁ ଅତି ସୁରକ୍ଷିତ ମନେ କରିଛନ୍ତି। ଚୋରମାନେ ମୁଖ୍ୟତଃ ଯେଉଁ ଘରେ ତାଲା ପଡ଼ିଛି କିମ୍ବା ଯେଉଁ ଘର ଲୋକମାନେ ବହୁଦିନ ହେଲା ଅନୁପସ୍ଥିତ ଅଛନ୍ତି ତାକୁ ଟାର୍ଗେଟ କରୁଥିବାବେଳେ ପୂର୍ବ ଚୋରିଗୁଡ଼ିକ ଧରିବାରେ ପୋଲିସ୍ ଫେଲ୍ ମାରିଥିବାରୁ ଏଭଳି ଚୋରି ସଂଖ୍ୟା ବଢ଼ିବାରେ ଲାଗିଛି ।
ଘଟଣାରୁ ପ୍ରକାଶ ଯେ ସହର ଉପଖଣ୍ଠ ଶକ୍ତିନଗର ଷଷ୍ଠ ଲେନ୍ର ବିଷ୍ଣୁପ୍ରିୟା ପ୍ରୀତି ନିଜ ଦେହ ଖରାପ ଥିବାରୁ ଝିଅ ଘର ଭୁବନେଶ୍ୱରକୁ ଗତ ଶିବରାତ୍ରିଠାରୁ ଚାଲିଯାଇଥିଲେ । ଘରେ ଅନ୍ୟ କେହି ନଥିବାବେଳେ ପୁଅମାନେ ବାହାର ରାଜ୍ୟରେ ରହୁଛନ୍ତି । ଚୋରମାନେ ଏହାର ସୁଯୋଗ ଦେଇ ଗତରାତିରେ ଘରର କବାଟର ତାଲା ଭାଙ୍ଗି ଘର ମଧ୍ୟରେ ପ୍ରବେଶ କରି ୪ ଭରି ସୁନା ଅଳଙ୍କାର ସହ ଲକ୍ଷାଧିକ ନଗଦ ଟଙ୍କା ଲୁଟି ନେଇଛନ୍ତି । ସକାଳୁ ସାହି ପଡ଼ିଶା ତାଲା ଭଙ୍ଗାଯାଇଥିବା ଦେଖି ତାଙ୍କୁ ଫୋନ୍ ଯୋଗେ ଜଣାଇଥିଲେ । ଖବରପାଇ ନିମଖଣ୍ଡି ଫାଣ୍ଡି ପୋଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଥିବା ଜଣାପଡ଼ିଛି ।