ଏଟା : ଉତ୍ତର ପ୍ରଦେଶର ଏଟା ଜିଲ୍ଲାର ନଗର କୋତବଲୀ କ୍ଷେତ୍ରର ଏକ ଘରୁ ପାଞ୍ଚ ଜଣଙ୍କର ମୃତଦେହ ମିଳିଛି । ମିଳିଥିବା ସୂଚନା ଅନୁସାରେ ଏକ କଲୋନୀର ବନ୍ଦ ଘରୁ ଦୁଇ ଛୁଆଙ୍କ ସମେତ ପାଞ୍ଚ ଜଣଙ୍କର ମୃତଦେହକୁ ପୋଲିସ୍ ଜବତ କରିଛି ।
ଏଟାର ଗୋଟିଏ ପରିବାରର ପାଞ୍ଚ ଜଣ ସଦସ୍ୟଙ୍କ ଶବ ମିଳିବା ପରେ ସ୍ଥାନୀୟ ଅଞ୍ଚଳରେ ଏହି ଘଟଣାକୁ ନେଇ ଚର୍ଚ୍ଚା ଲାଗି ରହିଛି । ଏହି ମୃତଦେହ ମଧ୍ୟରେ ଦୁଇ ଶିଶୁଙ୍କ ସମେତ ଦୁଇ ମହିଳା ଓ ଜଣେ ପୁରୁଷ ରହିଛନ୍ତି । ପୋଲିସ୍ ଘଟଣା ସ୍ଥଳରେ ପହଞ୍ଚି ଗେଟ୍ ଭାଙ୍ଗି ଘରେ ଭିତରେ ପଶି ଶବ ଉଦ୍ଧାର କରିବା ସହିତ ତଦନ୍ତ ଆରମ୍ଭ କରିଛି । ତେବେ ମୃତ୍ୟୁର କାରଣ ଅସ୍ପଷ୍ଟ ରହିଛି ।
ସାରା ଦେଶରେ ଲକ୍ ଡାଉନ୍ ଜାରି ହୋଇଥିବାବେଳେ ସମେସ୍ତ ପ୍ରାୟ ଘରେ ଗୃହ ବନ୍ଦୀ ହୋଇ ରହିଛନ୍ତି । ଏପରି ସମୟରେ ଗୋଟିଏ ଘରୁ ପାଞ୍ଚ ଜଣଙ୍କ ମୃତଦେହ ମିଳିବାକୁ ନେଇ ଚର୍ଚ୍ଚା ଲାଗି ରହିଛି । ପୋଲିସ୍ ଏହି ଘଟଣାର କଡାକଡି ଯାଞ୍ଚ ଆରମ୍ଭ କରିଛି । (ଏଜେନ୍ସି)