ପୁନେ : 87 କୋଟିର ନକଲି ନୋଟ୍ ଜବତ କରିବା ସହିତ 6 ଜଣଙ୍କୁ ଗିରଫ କରାଯାଇଛି । ମିଲିଟାରୀ ଇଣ୍ଟେଲିଜେନ୍ସ ଏବଂ ପୁନେ ପୋଲିସ୍ ପକ୍ଷରୁ ମିଳିତ ଭାବରେ ଏହି ଅପରେସନ କରାଯାଇଥିଲା । ଏହି ଅପରେସନ୍ରେ 87 କୋଟିର ନକଲି ନୋଟ୍ ଜବତ କରାଯାଇଥିବା ବେଳେ ଜଣେ ଯବାନଙ୍କ ସମେତ 6 ଜଣଙ୍କୁ ଗିରଫ କରାଯାଇଛି । ଗିରଫ ଯବାନ ଜଣଙ୍କ ହେଉଛନ୍ତି ଲାନ୍ସ ନାୟକ ଶେଖ୍ ଅଲିମ୍ ଗୁଲାବ୍ ଖାନ୍ । ଶେଖ୍ ଅଲିମ୍ ବିଗତ 5 ବର୍ଷ ଧରି ପୁନେରେ କାର୍ଯ୍ୟରତ ଅଛନ୍ତି । ଏହା ବ୍ୟତିତ ସୁନୀଲ ସାରଦା, ରୀତେଶ ରତ୍ନାକର, ତୁହାଉଲ ଅହମଦ୍ ଇଶକ୍ ଖାନ୍, ଅବ୍ଦୁଲ ଗନୀ ଖାନ୍ ଏବଂ ଅବ୍ଦୁଲ ଖାନ୍ଙ୍କୁ ମଧ୍ୟ ପୋଲିସ୍ ଗିରଫ କରିଛି ।
ଏହି ନୋଟ୍ ଗୁଡିକ ମଧ୍ୟରେ 2 ହଜାର ଏବଂ 5 ଶହ ଟଙ୍କିଆ ନକଲି ନୋଟ୍ ସହିତ ବିମୁଦ୍ରାକରଣ ସମୟର 1000 ଟଙ୍କିଆ ନୋଟ୍ ମଧ୍ୟ ରହିଛି । ସେହିପରି 3 ଲକ୍ଷ ଟଙ୍କାର ଅସଲି ନୋଟ୍ ମଧ୍ୟ ଜବତ କରିଛି ପୋଲିସ । ବିଗତ 8 ବର୍ଷ ଧରି ଏହି ଜାଲି ନୋଟ୍ କାରବାର ଚାଲିଥିବା ଜଣାପଡିଛି ।
Tags: armyjawan, fakecurrency
