ଝାନସୀ, ଉତ୍ତରପ୍ରଦେଶର ଝାନସୀ କଲେଜ ପରିସରରେ ରାଜ୍ୟର ଏକ ପଲିଟେକ୍ନିକ୍ କଲେଜର ଜଣେ ଛାତ୍ର 17 ବର୍ଷର ଜଣେ ବାଳିକାକୁ ଦୁଷ୍କର୍ମ କରିଛି। ସେହି ଦଶ୍ୟକୁ ଆଉ 10 ଜଣ ଛାତ୍ର ଦେଖିବା ସହିତ ଆପତ୍ତିଜନକ ଭିଡିଓ ମଧ୍ୟ କରିଥିଲେ । ଏ ଭଳି ଏକ ଘଟଣାକୁ ନେଇ ଝାନସୀ ଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇଛି। କାରଣ ଏହି ସମୟରେ କଲେଜରେ ପୋଲିସର କଡା ସୁରକ୍ଷା ଭିତରେ ସିଭିଲ ସର୍ଭିସ ପରୀକ୍ଷା ଚାଲିଥିଲା।
ପୀଡିତା ଅଭିଯୋଗ କରିଛନ୍ତି ଯେ ରବିବାର ଦିନ ପଲିଟେକ୍ନିକ୍ କଲେଜର ପ୍ରାୟ 10 ଜଣ ଛାତ୍ର ତାଙ୍କୁ କ୍ୟାମ୍ପସ ଭିତରକୁ ନେଇ ଯାଇଥିଲେ। ସେଠାରେ ସେମାନଙ୍କ ମଧ୍ୟରୁ ଜଣେ ତାଙ୍କୁ ଦୁଷ୍କର୍ମ କରିଥିଲେ। ପୋଲିସର ପ୍ରବଳ ସୁରକ୍ଷା ମଧ୍ୟରେ ରାଜ୍ୟ ସିଭିଲ ସେବା (ପିସିଏସ୍) ପରୀକ୍ଷା କରାଯାଉଥିବା ବେଳେ କ୍ୟାମ୍ପସ ଭିତରେ ଏହି ଘଟଣା ଘଟିଛି। ମୁଖ୍ୟ ଅଭିଯୁକ୍ତଙ୍କ ମଧ୍ୟରୁ ଦୁଇ ଜଣଙ୍କୁ ଗିରଫ କରାଯାଇଛି ବୋଲି ଝାନସୀ ପୋଲିସ କହିଛି।