ଭୁବନେଶ୍ବର, ଜାନୁଆରୀ ୨୬ ତାରିଖଠାରୁ ଭୁବନେଶ୍ୱର ୟୁନିଟ୍-୧ ସ୍ଥିତ ଆଦିବାସୀ ପଡ଼ିଆରେ ଅନୁଷ୍ଠିତ ହେଉଥିବା ଆଦିବାସୀ ମେଳା ଉଦ୍ଯାପିତ ହୋଇଯାଇଛି କୋଭିଡ୍ ମହାମାରୀଜନିତ ଆଚରଣବିଧି ଲାଗୁ ହେବା କାରଣରୁ ଚଳିତ ବର୍ଷ ଆଦିବାସୀ ମେଳା-୨୦୨୧ ନିୟନ୍ତ୍ରିତ ଭାବେ ଅନୁଷ୍ଠିତ ହୋଇଛି, ଯେଉଁଠି ଉଭୟ ଭର୍ଚୁଆଲ୍ ମୋଡ ସହ ପ୍ରତ୍ୟକ୍ଷ ରୂପରେ ମେଳା କରାଯାଇଥିଲା ।
ଏହି ଆଦିବାସୀ ମେଳା, ଆଦିବାସୀ ପ୍ରଦର୍ଶନୀ ପଡ଼ିଆ, ୟୁନିଟ୍-୧ରେ ଜାନୁଆରୀ ୨୬, ୨୦୨୧ରୁ ଫେବୃଆରୀ ୯,୨୦୨୧ ପର୍ଯ୍ୟନ୍ତ ଦିନ ୧୧ଟାରୁ ସନ୍ଧ୍ୟା ୭ଟା ମଧ୍ୟରେ ଅନୁଷ୍ଠିତ ହୋଇଥିଲା । କେବଳ ଜନଜାତିଙ୍କ ଉତ୍ପାଦିତ ଓ ପ୍ରସ୍ତୁତ ସାମଗ୍ରୀ ତଥା ସଂଗୃହୀତ ଲଘୁ ବନଜାତ ସାମଗ୍ରୀକୁ ସ୍ୱୟଂ ସହାୟକ ଗୋଷ୍ଠୀଙ୍କ ମାଧ୍ୟମରେ ବିକ୍ରୟର ବ୍ୟବସ୍ଥା କରାଯାଇଥିଲା। ସ୍ୱୟଂ ସହାୟକ ଗୋଷ୍ଠୀମାନେ ୨୨ଟି ଆଇଟିଡିଏ ଓ ୧୭ଟି ଅଣୁ ପ୍ରକଳ୍ପର ଅଧିକାରୀଙ୍କ ଦ୍ୱାରା ମନୋନୀତ ହୋଇ ଆଦିବାସୀ ମେଳାକୁ ଆସିଥିଲେ ।
ଦୀର୍ଘ ୧୫ ଦିନ ମେଳାରେ କେବଳ ୯୦ଟି ଷ୍ଟଲ ମାଧ୍ୟମରେ କାରବାର କରାଯାଇ ଦୁଇ କୋଟି ଟଙ୍କାରୁ ଊଦ୍ଧ୍ୱର୍ ବ୍ୟବସାୟ ହୋଇଥିଲା । ଜନଜାତିଙ୍କ ସୁବିଧା ପାଇଁ ବିଭିନ୍ନ ଯୋଜନା ଓ କାର୍ଯ୍ୟକ୍ରମ ଏବଂ ସେଗୁଡ଼ିକର ଉଦ୍ଦେଶ୍ୟ ତଥା ସଂପାଦିତ କାର୍ଯ୍ୟଧାରାକୁ ମେଳା ସମୟରେ ପ୍ରଦର୍ଶିତ କରାଯାଇଥିଲା ।
ସେହିପରି ଭର୍ଚୁଆଲ୍ ମୋଡ୍ରେ ଦର୍ଶକମାନେ ଜନଜାତିଙ୍କ ସହ ସାଂସ୍କୃତିକ ଆଳାପ, ଜ୍ଞାନ ଆଦାନପ୍ରଦାନ, ଜନଜାତି କଳା, ସ୍ଥାପତ୍ୟ ଇତ୍ୟାଦି ସହ ଉତ୍ପାଦିତ ସାମଗ୍ରୀର ବିପଣନ ସୁବିଧା ନେଇଥିଲେ । ଚଳିତ ଆଦିବାସୀ ମେଳାକୁ ପ୍ରାୟ ୨.୫ ଲକ୍ଷରୁ ଅଧିକ ଦର୍ଶକ ପରିଦର୍ଶନରେ ଆସିଥିଲେ
ମଧ୍ୟସ୍ଥିମୁକ୍ତ ବ୍ୟବସାୟ ଆଧାରରେ ମା ସରସ୍ୱତୀ ଏସ୍ଏଚ୍ଜି, ଏଚ୍କେ. ଆଣ୍ଡ ଏମ୍ଡିଏ, ଯଶି ପୁର, ମା ଭୈରବୀ ଏସ୍ଏଚ୍ଜି, ଖମ୍ବେସୀ, ଡିକେଡିଏ, ଚାଟିକୋଣା, ପିତାକି ଏସ୍ଏଚ୍ଜି, ଦେଓଗଡ଼, କେକେଡିଏ, ବେଲଘର, ମା ସନ୍ତୋଷୀ ଏସ୍ଏଚ୍ଜି, ସର୍ଗୀଡିହି, କୁଚିଣ୍ଡା, ଆଇଟିଡିଏ, କୁଚିଣ୍ଡା, ମୀରାବାଈ ମହିଳା ସମିତି, ଲାଇମୁରା, ଆଟିଡିଏ ତିଲେଇବଣୀ, ଜୟ ମା ପାଥରାଜ ଏସ୍ଏଚ୍ଜି, ବୈରି ପଡ଼ା, ଆଟିଡିଏ, କୋରାପୁଟ ଗୋଷ୍ଠୀଙ୍କୁ ବିଭାଗ ତରଫରୁ ପୁରସ୍କୃତ କରାଯାଇଥିଲା ।
ଉଦ୍ଯାପନୀ ଉତ୍ସବ ଅବସରରେ ଅନୁସୂଚିତ ଜାତି ଓ ଅନୁସୂଚିତ ଜନଜାତି ଗବେଷଣା ଓ ତାଲିମ ପ୍ରତିଷ୍ଠାନର ଉ ପଦେଷ୍ଟା ତଥା ନିର୍ଦ୍ଦେଶକ ପ୍ରଫେସର ଡ. ଅଖିଳ ବିହାରୀ ଓତାଙ୍କ ଦ୍ୱାରା ସଂପାଦିତ ପୁସ୍ତକ ADISAKTI; Tribal Women Achievers of Odisha’ ଏବଂ ‘An Overview of particularly Vulnerable Tribal Groups (PVTG) of Odisha’
ଉଦ୍ଯାପନ ଉତ୍ସବର ମୁଖ୍ୟ ଅତିଥି ଭାବେ ଶ୍ରୀ ସୁବ୍ରତ ବାଗ୍ଚୀ, ସମ୍ମାନିତ ଅତିଥି ମୋ ସ୍କୁଲର ଅଧ୍ୟକ୍ଷା ସୁସ୍ମିତା ବାଗ୍ଚୀ, ବିଭାଗୀୟ ପ୍ରମୁଖ ଶାସନ ସଚିବ ରଂଜନା ଚୋପ୍ରା, ବିଭାଗୀୟ ନିର୍ଦ୍ଦେଶିକା ଗୁହା ପୁନମ ତା ପସ କୁମାର, ପ୍ରଫେସର ଡ. ଅଖିଳ ବିହାରୀ ଓତା ତଥା ଅନ୍ୟାନ୍ୟ ବିଶିଷ୍ଟ ଅତିଥିଗଣ ଯୋଗଦାନ କରି ମେଳାର ମହତ୍ତ୍ୱ ଉ ପରେ ଆଲୋକ ପାତ କରିଥିଲେ ।
